Adnoddau ID pleidleisiwr ar gyfer etholiad cyffredinol 2024

Rhoi cymorth i bobl gyda’r gofyniad ID pleidleisiwr

Yn y DU, mae’n ofynnol yn ôl y gyfraith i chi ddangos prawf adnabod (ID) ffotograffig pan fyddwch yn pleidleisio mewn gorsaf bleidleisio mewn rhai etholiadau (‘y gofyniad ID pleidleisiwr’).

Gall unrhyw un nad oes ganddo fath derbyniol o ID ffotograffig wneud cais am ddogfen ID am ddim i bleidleiswyr, a elwir yn Dystysgrif Awdurdod Pleidleisiwr.

Gwyddom fod rhai grwpiau yn fwy tebygol o wynebu rhwystrau wrth baratoi ar gyfer y newid hwn ac y gall fod angen cymorth arnynt i gael ID ffotograffig.

Gall sefydliadau sy’n gweithio’n uniongyrchol gyda phleidleiswyr, gan gynnwys awdurdodau lleol ac elusennau, chwarae rôl bwysig i helpu pleidleiswyr i sicrhau bod ganddynt ID ffotograffig y gallant ei ddefnyddio i bleidleisio.

Rydym wedi llunio’r pecyn hwn er mwyn helpu sefydliadau i godi ymwybyddiaeth a helpu’r bobl rydych yn gweithio gyda nhw i wneud cais am Dystysgrif Awdurdod Pleidleisiwr, os oes angen un. Mae’r adnoddau hyn hefyd yn cynnwys gwybodaeth am gofrestru i bleidleisio.

Mae adnoddau ID Pleidleisiwr ar gael

Beth sydd yn y pecyn cymorth hwn:

  • R Canllaw i’ch staff a’ch gwirfoddolwyr
  • R Llyfryn a ’dalen fewnosod’ gryno A5 i bleidleiswyr
  • R Posteri
  • R Adnoddau digidol, gan gynnwys graffigau arddangosiadau digidol, copi o dempledi graffigau cyfryngau cymdeithasol, a chopi ar gyfer gwefannau a chylchlythyrau. 
  • R Adnoddau eraill, gan gynnwys adnoddau i’r wasg ac 
    adnoddau i helpu pobl y gallai fod yn fuddiol iddynt gofrestru i 
    bleidleisio'n ddienw, fel goroeswyr cam-drin domestig.

Mae’r holl adnoddau ar gael yn Gymraeg ac yn Saesneg.

Sylwch: Mae'r dyddiad cau ar gyfer gwneud cais am ID pleidleisiwr am ddim i'w ddefnyddio yn yr etholiad cyffredinol wedi mynd heibio. Felly ni ddylai'r adnoddau sy'n annog pobl i wneud cais am ID pleidleisiwr am ddim gael eu defnyddio nawr.

Canllaw i staff a gwirfoddolwyr

Lawrlwytho’r canllaw i staff a gwirfoddolwyr yn Gymraeg

Lawrlwythwch ein canllaw i staff a gwirfoddolwyr, sy’n rhoi’r wybodaeth allweddol y bydd 
ei hangen arnynt i helpu’r bobl y maent yn eu cefnogi i ddeall y gofyniad ID pleidleisiwr. 

Gellir defnyddio’r canllaw ar ffurf ddigidol neu argraffedig, ac mae’n esbonio:
• Sut i gofrestru i bleidleisio
• Pa fathau o ID a dderbynnir
• Sut i wneud cais am Dystysgrif Awdurdod Pleidleisiwr
• Beth i’w ddisgwyl yn yr orsaf bleidleisio
• Ffyrdd eraill o bleidleisio

Fformatau sydd ar gael:
• Yn hygyrch ar sgrin
• Yn barod i’w argraffu (graddlwyd)

Llyfryn i bleidleiswyr

Lawrlwytho’r llyfryn i bleidleiswyr yn Gymraeg

Lawrlwythwch ein llyfryn i bleidleiswyr, sy’n esbonio:
• Sut i gofrestru i bleidleisio
• Ym mha etholiadau y mae angen dangos ID ffotograffig
• Pa fathau o ID a dderbynnir
• Sut i wneud cais am Dystysgrif Awdurdod Pleidleisiwr
• Beth i’w ddisgwyl yn yr orsaf bleidleisio
• Ffyrdd eraill o bleidleisio

Fformatau sydd ar gael:
• Yn hygyrch ar sgrin
• Yn barod i’w argraffu (lliw)
• Yn barod i’w argraffu (graddlwyd)
• Argraffu proffesiynol (gyda marciau tocio ac estyn tudalennau)

Dalen fewnosod

Lawrlwytho’r ddalen fewnosod yn Gymraeg

Lawrlwythwch ddalen fewnosod gryno A5 i’w chynnwys wrth anfon deunyddiau eraill fel biliau’r 
dreth gyngor neu wybodaeth am y canfasiad blynyddol at bleidleiswyr. Mae’r ddalen fewnosod 
wedi’i dylunio i’w hargraffu’n broffesiynol.

Fformatau sydd ar gael:
• Yn hygyrch ar sgrin
• Argraffu proffesiynol (gyda marciau tocio ac estyn tudalennau

Posteri

Lawrlwytho’r posteri yn Gymraeg

Lawrlwythwch bosteri A4 ac A3 i godi ymwybyddiaeth o’r gofyniad ID pleidleisiwr.

Fformatau sydd ar gael:
• Yn hygyrch ar sgrin
• Argraffu proffesiynol (gyda marciau tocio ac estyn tudalennau)

Baneri y we

Lawrlwytho’r graffigau arddangosiadau digidol yn Gymraeg

Mae baneri y we yn amrywio mewn maint a dimensiynau. Mae’r ffeiliau hyn wedi’u dylunio’n benodol ar gyfer baneri llorweddol, a argymhellir yn 1080 x 580 picsel (amrywiol) ar gyfer brasfodeli yn y fan a’r lle.

Mae’r graffigau hyn mewn fformat lle y mae’n bosibl arddangos mewn unrhyw faint heb golli eglurdeb.

Postiadau cyfryngau cymdeithasol a graffigau

Lawrlwytho’r postiadau ar gyfer cyfryngau cymdeithasol yn Gymraeg

Lawrlwytho’r graffigau cymdeithasol sy’n barod i’w postio yn Gymraeg

Gallwch lawrlwytho testun enghreifftiol i rannu negeseuon allweddol ynglŷn â’r gofyniad ID pleidleisiwr ar eich sianeli cymdeithasol.

Mae graffigau sy’n barod i’w cyhoeddi ar gael ar gyfer Facebook, Instagram a Twitter. Gellir hefyd eu rhannu drwy grwpiau WhatsApp cymunedol.

Ffeiliau JPEG ydynt a gallwch eu lawrlwytho a’u rhannu.

Llofnod e-bost

Lawrlwythwch ein llofnod e-bost

Defnyddiwch ein llofnod e-bost i godi ymwybyddiaeth o'r gofyniad ID pleidleisiwr.

Copi ar gyfer gwefannau a chylchlythyrau

Lawrlwytho copi ar gyfer gwefannau a chylchlythyrau yn Gymraeg

Gallwch lawrlwytho copi templed i rannu gwybodaeth am y gofyniad ID pleidleisiwr a sut i wneud cais am Dystysgrif Awdurdod Pleidleisiwr ar eich gwefan ac yn eich cylchlythyrau.

Adnoddau i’r wasg

Lawrlwytho adnoddau i’r wasg yn Gymraeg

Gallwch lawrlwytho adnoddau i’r wasg i godi ymwybyddiaeth o’r gofyniad ID pleidleisiwr yn eich ardal leol.