Ar gyfer deunydd yr ymgeisydd, yr asiant fydd yr hyrwyddwr fel arfer. Fel arfer, yr ymgeisydd fydd y person y mae’r deunydd yn cael ei gyhoeddi ar ei ran.
Dylai argraffnod ar ddeunydd ymgyrchu ymgeisydd ymddangos fel hyn:
Argraffwyd gan [enw a chyfeiriad yr argraffydd]
Hyrwyddwyd gan [enw a chyfeiriad yr asiant], ar ran [enw a chyfeiriad yr ymgeisydd].
Er enghraifft:
Argraffwyd gan Armadillo Printing Ltd, 22 Thornfields Avenue, Glasgow.
Hyrwyddwyd gan John Smith, 110 High Street, Airdrie ar ran Jane Smith o 112 High Street Airdrie.
neu lle rydych yn defnyddio cyfeiriad swyddfa:
Argraffwyd gan Armadillo Printing Ltd, 22 Thornfields Avenue, Glasgow.
Hyrwyddwyd gan John Smith, ar ran Jane Smith o 112 High Street Airdrie.
Os yw’r deunydd yn ddigidol, nid oes argraffydd, ac felly rhaid i argraffnod digidol ar ddeunydd ymgyrchu ymgeisydd ymddangos fel hyn:
Hyrwyddwyd gan John Smith, ar ran Jane Smith, y ddau o 112 High Street Airdrie.
Pan fydd yr ymgeisydd hefyd yn hyrwyddo’r deunydd, nid oes angen rhan ‘ar ran’ yr argraffnod. Gall hyn ddigwydd pan fydd ymgeisydd yn asiant i’w hun.
Er enghraifft:
Argraffwyd gan Armadillo Printing Ltd, 22 Thornfields Avenue, Glasgow.
Hyrwyddwyd gan Jane Smith o 112 High Street Airdrie.
Os yw’r ymgeisydd hefyd yn argraffu taflenni gan ddefnyddio’i argraffydd ei hun, dylai’r argraffnod ymddangos fel hyn:
Argraffwyd ac hyrwyddwyd gan Jane Smith o 112 High Street Airdrie.