Cyfreithiwr

Gwnewch gais nawr

Y Comisiwn Etholiadol yw’r corff annibynnol sy’n goruchwylio etholiadau ac yn rheoleiddio cyllid gwleidyddol yn y DU. Rydym yn gweithio i hyrwyddo hyder y cyhoedd yn y broses ddemocrataidd a sicrhau ei huniondeb. Mae’r Comisiwn yn uniongyrchol atebol i’r Senedd, Senedd y DU, a Senedd yr Alban.

Ar hyn o bryd rydym yn chwilio am o leiaf un Cyfreithiwr llawn amser neu ran amser i ymuno â Thîm Cyfreithiol y Comisiwn.

Fel corff statudol, mae’r Comisiwn yn dibynnu ar ei Dîm Cyfreithiol am gyngor cyfreithiol o ansawdd uchel i hybu ei amcanion a sicrhau ei fod yn arfer ei swyddogaethau’n gyfreithlon. Arweinir y tîm gan Gwnsler Cyffredinol y Comisiwn, a gefnogir ar hyn o bryd gan y Pennaeth Cyfreithiol, dau Uwch Gyfreithiwr, pum Cyfreithiwr a Swyddog Cyfreithiol.

Bydd y rôl yn cynnwys:

• cynghori ar gyfraith etholiadol gan gynnwys yn ystod digwyddiadau gwleidyddol mawr megis Etholiadau
• Cyffredinol Senedd y DU, etholiadau lleol, etholiadau Comisiynwyr yr Heddlu a Throseddu, etholiadau maerol, refferenda, ac etholiadau ar gyfer y seneddau datganoledig.
• cynghori ar benderfyniadau rheoleiddio a chamau gorfodi sy'n effeithio ar bleidiau gwleidyddol ac ymgyrchwyr
  gweithio ar ddeddfwriaeth arfaethedig a rhoi deddfwriaeth newydd ar waith, a
• chynghori ar rwymedigaethau cyfreithiol ehangach y Comisiwn fel corff cyhoeddus mewn perthynas â chyfraith gwybodaeth, caffael, contractau, a materion cyflogaeth.

Gan fod y Comisiwn yn gweithredu mewn maes arbenigol, nid ydym yn gofyn nac yn disgwyl i ymgeiswyr feddu ar brofiad o gyfraith etholiadol, ond bydd profiad cyffredinol o waith cynghori, dehongli statudol a chyfraith gyhoeddus a gweinyddol i gyd yn hanfodol. Byddwch yn cael eich cefnogi gan un o'r Uwch Gyfreithwyr ac yn derbyn hyfforddiant yn y rôl.

Mae'r Comisiwn yn gweithredu system o weithio hyblyg a hybrid ac mae ganddo swyddfeydd yn Llundain, Caeredin, Caerdydd a Belfast. Er bod y rhan fwyaf o'r tîm wedi'u lleoli yn Llundain, byddai'n bosibl i'r ymgeisydd llwyddiannus gyflawni'r rôl hon o unrhyw un o swyddfeydd y Comisiwn a byddem yn croesawu ceisiadau gan gyfreithwyr â chymwysterau deuol sy'n gallu ymarfer yn yr Alban yn ogystal â Lloegr & Cymru.

Mae hwn yn gyfnod cyffrous i ymuno â'r Comisiwn.  Mae ein gwaith yn uchel ei broffil ac yn amrywiol o ran diwygio etholiadol, rheoleiddio pleidiau ac ymgeiswyr, a datganoli, sydd i gyd yn bynciau llosg ar draws y DU gyfan. Mae'r gwaith yn ddiddorol, yn heriol yn ddeallusol ac yn amrywiol.

Mae'r Comisiwn wedi ymrwymo i gynyddu amrywiaeth ei staff a chreu amgylchedd cynhwysol ar gyfer pob gweithiwr. Penderfynir ar bob cyflogaeth ar sail cystadleuaeth agored a theg, teilyngdod ac anghenion busnes.

I wneud cais, anfonwch e-bost atom â CV dienw a datganiad ategol sy'n esbonio'n glir sut rydych yn bodloni'r meini prawf a amlinellir ym manyleb y swydd.

Dysgwch fwy a gwnewch gais nawr