Gwariant pleidiau a rhoddion a benthyciadau cyn y bleidlais: Etholiad cyffredinol Senedd y DU

Argraffu'r canllawiau llawn

Ymchwil i'r farchnad neu ganfasio

Gwasanaethau, safleoedd, cyfleusterau neu gyfarpar a ddarperir gan eraill

Mae hyn yn cynnwys cost defnyddio neu logi unrhyw:

  • asiantaeth, unigolyn neu sefydliad
  • gwasanaethau a ddarperir gan asiantaeth, unigolyn neu sefydliad
  • safle neu gyfleusterau
  • cyfarpar

a ddefnyddir i:

  • baratoi, cynhyrchu neu hwyluso gweithgarwch canfasio neu ymchwil i'r farchnad
  • cynnal neu gydlynu gweithgarwch canfasio neu ymchwil i'r farchnad
  • cofnodi neu ddadansoddi canlyniadau unrhyw ymchwil i'r farchnad neu weithgarwch canfasio, neu eu defnyddio mewn ffordd arall
     

Er enghraifft, cost defnyddio banciau ffôn i gysylltu â phleidleiswyr, gan gynnwys datblygu sgriptiau i gyflogeion banciau ffôn eu defnyddio y bwriedir iddynt ddylanwadu ar bleidleiswyr.

Costau cael neu gynnal data 

Mae hyn yn cynnwys cost cyrchu, prynu, datblygu neu gynnal:

  • meddalwedd TG neu gronfeydd data o fanylion cyswllt
  • setiau data, gan gynnwys defnyddio dadansoddeg data 

i hwyluso neu gynnal ymchwil i'r farchnad neu weithgarwch canfasio. 
 

Er enghraifft, mae'n cynnwys cost ymgymryd â gweithgarwch gwrando ar y cyfryngau cymdeithasol a dadansoddi'r canlyniad er mwyn canfod bwriad pleidleiswyr. Mae'n cynnwys costau yr aed iddynt cyn y cyfnod a reoleiddir lle mae'r data yn cael eu defnyddio wedyn yn ystod y cyfnod a reoleiddir.

Costau eraill sydd wedi'u cynnwys 

Mae'n cynnwys cost prynu a defnyddio unrhyw gyfarpar sydd ei angen i:

  • baratoi, cynhyrchu neu hwyluso gweithgarwch canfasio neu ymchwil i'r farchnad
  • cynnal neu gydlynu gweithgarwch canfasio neu ymchwil i'r farchnad
  • cofnodi neu ddadansoddi canlyniadau unrhyw ymchwil i'r farchnad neu weithgarwch canfasio, neu eu defnyddio mewn ffordd arall

Er enghraifft:

  • gliniaduron neu lechi os cânt eu defnyddio ar gyfer canfasio
  • ffonau symudol os cânt eu defnyddio gan arweinydd/cydlynydd y gweithgarwch canfasio
    lle mae'r blaid neu drydydd parti yn talu neu'n ad-dalu'r costau am y cyfarpar hwnnw a/neu gostau cysylltiedig.

Mae'n cynnwys cyfran berthnasol o gostau:

  • swyddfa
  • ardrethi busnes
  • trydan
  • rhentu ffonau a mynediad i'r rhyngrwyd

sy'n gysylltiedig ag ymchwil i'r farchnad neu weithgarwch canfasio.

Mae'n cynnwys cost bwyd a/neu lety i unrhyw unigolyn sy'n darparu gwasanaethau mewn cysylltiad â'r ymchwil i'r farchnad neu ganfasio i'r blaid, lle mae'r blaid yn talu neu'n ad-dalu'r gost honno. 
 

Diweddarwyd ddiwethaf: 9 Tachwedd 2023