Please note that this page is only relevant to voters living in Wales.

Os ydych yn fyfyriwr, mae'n bosibl y gallwch gofrestru i bleidleisio yn eich cyfeiriad cartref ac yn eich cyfeiriad yn ystod y tymor. Fodd bynnag, nid yw hyn o reidrwydd yn golygu y gallwch bleidleisio fwy nag unwaith mewn etholiadau sy'n cael eu cynnal ar yr un diwrnod. 

Dysgwch a ydych yn gymwys i gofrestru a sut i wneud cais.

Edrychwch i weld a ydych wedi cofrestru i bleidleisio yn barod

Bydd angen i chi gysylltu â'r tîm gwasanaethau etholiadol yn eich cyngor lleol i ganfod a ydych wedi cofrestru i bleidleisio. 

Os ydych wedi cofrestru i bleidleisio, byddwch ar y gofrestr etholiadol. Eich cyngor lleol sy'n cadw'r gofrestr hon, felly bydd yn gallu dweud wrthych a ydych wedi cofrestru. Nid oes gennym gopïau o gofrestrau etholiadol, felly ni allwn ddweud wrthych a ydych wedi cofrestru. 

Dod o hyd i fanylion cyswllt eich cyngor lleol

Nodwch eich cod post i ddod o hyd i fanylion cyswllt ar gyfer y tîm gwasanaethau etholiadol yn eich cyngor lleol. 

Pleidleisio fel myfyriwr

Nid yw cofrestru yn eich cyfeiriad cartref ac yn eich cyfeiriadau yn ystod y tymor o reidrwydd yn golygu y cewch bleidleisio ddwywaith.   

Bydd angen i chi ddewis un cyfeiriad a phleidleisio yn yr ardal honno yn unig pan fyddwch yn pleidleisio mewn:  

  • Etholiadau Senedd y DU
  • Etholiadau Senedd Cymru
  • Refferenda'r DU   

Ni allwch bleidleisio yn eich cyfeiriad yn ystod y tymor a'ch cyfeiriad cartref yn yr etholiadau hyn. Mae pleidleisio mewn mwy nag un lleoliad yn drosedd. 

Ar gyfer etholiadau eraill, gallwch bleidleisio yn eich cyfeiriad yn ystod y tymor ac yn eich cyfeiriad cartref.

  Gallwch ddewis pleidleisio yn y naill ardal neu'r llall neu yn y ddwy ardal (cyhyd â bod y cyfeiriadau mewn ardaloedd cyngor gwahanol)  pan fyddwch yn pleidleisio mewn: 

  • Etholiadau cyngor lleol yng Nghymru
  • Etholiadau ar gyfer Comisiynwyr yr Heddlu a Throseddu 

Gwnewch yn siŵr eich bod yn deall y rheolau ar gyfer yr etholiadau rydych yn pleidleisio ynddynt. 

Ffyrdd i bleidleisio

Os na allwch fynd i’r orsaf bleidleisio ar y diwrnod pleidleisio, gallwch wneud cais am bleidlais bost, neu bleidlais drwy ddirprwy (lle bydd rhywun rydych yn ymddiried ynddo yn pleidleisio ar eich rhan).

Cynnwys cysylltiedig