Logo

Y corff annibynnol sy'n goruchwylio etholiadau a rheoleiddio cyllid gwleidyddol yn y DU

Dewislen yr adran

Refferendwm ar aelodaeth y Deyrnas Unedig o'r Undeb Ewropeaidd

Ar y dudalen hon mae gwybodaeth am ein rôl ar y refferendwm ar aelodaeth y Deyrnas Unedig o'r Undeb Ewropeaidd (UE).

Ein rôl

Rydym yn canolbwyntio ar bleidleiswyr ac ar roi eu buddion nhw yn gyntaf.

Ein hamcanion ar gyfer refferenda:

  • eu bod yn cael eu cynnal yn dda ac yn rhoi canlyniadau a dderbynnir
  • bod hygrededd a thryloywder cyllido a gwariant ymgyrchu.

Canlyniad Refferendwm yr UE

Cyfansymiau terfynol Refferendwm yr UE:

  • Aros – 16,141,241
  • Gadael – 17,410,742

Manylion llawn canlyniad y Refferendwm yr UE

Adroddiadau ar Refferendwm yr UE

Adroddiad ar reoleiddio ymgyrchwyr yn Refferendwm yr UE

Ry'n ni wedi darganfod bod y rheolau oedd yn eu lle yn benodol ar gyfer Refferendwm yr UE wedi gweithio'n dda. Fe wnaethom nodi nifer o argymhellion i newidiadau gael eu hymgorffori i'r ddeddfwriaeth sy'n tanategu refferenda ar gyfer y DU i gyd.

Darllenwch ein hadroddiad ar reoleiddio ymgyrchwyr yn refferendwm yr UE (PDF)

Adroddiad ar sut cynhaliwyd refferendwm yr UE

Mae'r Comisiwn wedi cyhoeddi adroddiad ar y refferendwm ar aelodaeth y Deyrnas Unedig o'r UE, sy'n edrych ar y prif faterion gododd cyn y diwrnod pleidleisio, gan gynnwys ymddygiad ymgyrchwyr a sut y gwnaethom ni eu rheoleiddio, a rhoi'r data ar farn pleidleiswyr a'r profiad a gawsant drwy gydol y cyfnod.

Mae'r adroddiad hefyd yn pwyntio ar nifer o argymhellion fyddai'n gwella gweinyddiaeth, rheoliad a chyflawni refferenda'r dyfodol.

Darllenwch ein hadroddiad ar y refferendwm ar aelodaeth y DU o'r UE (PDF)

Yn ogystal â'r adroddiad cynhwysfawr, mae'r Comisiwn hefyd wedi cyhoeddi adroddiadau ar:

Ein cyfrifoldebau

Mae gennym gyfrifoldebau a swyddogaethau penodol mewn perthynas â darparu a rheoleiddio refferenda a gynhelir yn unol â'r Ddeddf Pleidiau Gwleidyddol, Etholiadau a Refferenda (PPERA).

Mae'r rhain yn berthnasol i unrhyw Fil a roddir gerbron Senedd y DU, heblaw y nodir yn benodol fel arall.

Ein cyfrifoldebau yn unol â PPERA

  • Gwneud sylwadau ar eglurdeb geiriad cwestiwn y refferendwm.
  • Cofrestru sefydliadau neu unigolion sydd am ymgyrchu yn y refferendwm.
  • Monitro gwariant ar ymgyrchu refferendwm, yn unol â therfynau gwario refferendwm wedi'u gorfodi gan PPERA.
  • Ystyried ceisiadau ar gyfer dynodi grwpiau prif ymgyrchwyr ar gyfer pob canlyniad refferendwm.
  • Sicrhau bod y sefydliadau dynodedig (os y'u penodir) yn gallu cael mynediad at gymorth.
  • Adrodd ar weinyddiaeth y refferendwm a gwariant ymgyrchu'r refferendwm.

Mae'n rhaid i Gadeirydd y Comisiwn, neu rywun y maent yn eu penodi, fod yn Brif Swyddog Cyfrif ar gyfer y refferendwm, ac maent yn gyfrifol am dystio canlyniad y refferendwm.

Deddf Refferendwm yr UE

Cafodd Deddf Referendum yr Undeb Ewropeaidd (y Ddeddf) Gydsyniad Brenhinol ar 17 Rhagfyr 2015 a daeth i rym ddydd Llun 1 Chwefror 2016.

Mae'r Ddeddf yn ychwanegu at ac yn diwygio'r fframwaith yn PPERA i sefydlu fframwaith rheoleiddiol ar gyfer refferendwm ar aelodaeth y DU o'r UE.

Mae ein briffiau seneddol a roddwyd wrth i'r Bil deithio drwy Senedd y DU ar gael yma

Dynodi Prif ymgyrchwyr

Prif ymgyrchydd dynodedig yw'r prif grŵp ymgyrchu ar gyfer un ochr y ddadl. Byddant yn ymddwyn fel prif grŵp ymgyrchu ar ran rheiny sy'n ymgyrchu dros y canlyniad hwnnw.

Ar 13 Ebrill 2016 fe wnaethom ddynodi The In Campaign Ltd  fel y prif ymgyrchydd ar gyfer y canlyniad aros a Vote Leave Ltd fel y prif ymgyrchydd ar gyfer y canlyniad gadael yn refferendwm ar aelodaeth y DU o'r Undeb Ewropeaidd.

Darllenwch fwy am ddynodi prif ymgyrchwyr

Canllawiau ar gyfer Ymgyrchwyr Refferendwm yr UE

Fe wnaethom gofrestru ymgyrchwyr yn Refferendwm yr UE a rhoi cyngor a chanllawiau ar y rheolau gwariant a rhoddion sy'n rhaid i ymgyrchwyr ddilyn. Mae ein canllawiau yn helpu ymgyrchwyr i gydymffurfio gyda'r rheolau.

Darllen ein canllawiau ar gyfer ymgyrchwyr refferendwm yr UE

Asesu cwestiwn

Fe wnaethom asesu'r cwestiwn refferendwm, i sicrhau ei fod yn glir ac yn hawdd i bleidleiswyr ei ddeall.

Darganfod mwy ar ein tudalen asesu cwestiwn refferendwm yr UE

Etholiadau & refferenda