Cyflwyniad
Mae'r canllawiau hyn ar gyfer ymgyrchwyr nad ydynt yn bleidiau sy'n ymgyrchu yn etholiadau Comisiynwyr yr Heddlu a Throseddu yng Nghymru a Lloegr.
O dan Orchymyn Etholiadau Comisiynwyr yr Heddlu a Throseddu 2012, rhaid i ymgyrchwyr nad ydynt yn bleidiau ddilyn rheolau ynghylch faint y gallant ei wario ar weithgareddau ymgyrchu yn y cyfnod cyn yr etholiadau hyn.
Mae'r canllawiau hyn yn esbonio sut mae'r rheolau'n berthnasol.
Beth yw ymgyrchwyr nad ydynt yn bleidiau?
Unigolion neu sefydliadau sy'n ymgyrchu mewn etholiadau, ond nad ydynt yn sefyll fel pleidiau gwleidyddol nac ymgeiswyr yw ymgyrchwyr nad ydynt yn bleidiau.
Mae’n rhaid i ymgyrchwyr nad ydynt yn bleidiau ddilyn rheolau penodol yn y cyfnod cyn etholiadau.
Y mathau o ymgyrchoedd nad ydynt yn bleidiau
Mae dau fath o ymgyrchoedd nad ydynt yn bleidiau, sef:
| Ymgyrchoedd cyffredinol | Ymgyrchoedd lleol |
|---|---|
Ymgyrchoedd dros neu yn erbyn:
| Ymgyrchoedd dros neu yn erbyn:
|
Mae'r canllawiau hyn yn ymdrin â chyfreithiau ymgyrchoedd lleol mewn etholiadau Comisiynwyr yr Heddlu a Throseddu.
Dim ond yn y cyfnod cyn etholiadau y caiff gwariant ar ymgyrchoedd cyffredinol ei reoleiddio ar gyfer yr etholiadau canlynol:
- Senedd y DU
- Senedd yr Alban
- y Senedd
- Cynulliad Gogledd Iwerddon
Gallwch ddod o hyd i ganllawiau ar gyfer mathau eraill o etholiadau ar ein tudalen chwilio ymgyrchwyr nad ydynt yn bleidiau.
Ymgyrchoedd lleol mewn etholiadau Comisiynwyr Heddlu a Throseddu
Os ydych yn ymgyrchu dros neu yn erbyn ymgeisydd mewn etholiad Comisiynydd yr Heddlu a Throseddu, rydych yn dod o dan y rheolau ar gyfer ymgyrchoedd lleol.
Nid yw'r Comisiwn Etholiadol yn rheoleiddio ymgyrchu lleol. Dylid gwneud cwynion ynghylch tor-rheolau posibl i'r heddlu.
O dan y rheolau ar gyfer ymgyrchoedd lleol, mae yna derfynau ar faint allwch wario ar ymgyrchu dros neu yn erbyn ymgeiswyr penodol mewn etholaeth neu ardal etholiadol leol. Mae’r terfynau hyn yn wahanol, yn dibynnu ar faint yr etholaeth yn yr ardal berthnasol.
Mae'r terfynau gwario hyn yn cynnwys gwariant ar y mwyafrif o weithgareddau ymgyrchu, gan gynnwys taflenni, cyfarfodydd ac ymgyrchu digidol.
Terfynau gwariant
Gall ymgyrchwyr lleol nad ydynt yn bleidiau wario hyd at 'swm a ganiateir' ym mhob ardal yr heddlu yn ystod y cyfnod a reoleiddir ar ymgyrchu ar gyfer neu yn erbyn ymgeisydd.1 Mae gan bob ardal yr heddlu ei therfyn gwariant ei hun. Mae'n berthnasol pan fydd yr ymgeisydd yn ymgeisydd swyddogol.
Mae'r terfynau fel a ganlyn: 2
| Ardal yr heddlu | Terfyn gwariant | Ardal yr heddlu | Terfyn gwariant |
|---|---|---|---|
| Avon a Gwlad yr Haf | £6,278 | Norfolk | £3,392 |
| Swydd Bedford | £2,347 | Gogledd Cymru | £2,674 |
| Swydd Gaergrawnt | £3,055 | Gogledd Swydd Efrog | £3,142 |
| Swydd Gaer | £4,015 | Swydd Northampton | £2,686 |
| Cleveland | £2,155 | Northumbria | £5,507 |
| Cumbria | £2,024 | Swydd Nottingham | £4,116 |
| Swydd Derby | £3,993 | De Cymru | £4,904 |
| Dyfnaint a Chernyw | £6,573 | De Swydd Efrog | £5,030 |
| Dorset | £3,003 | Swydd Stafford | £4,314 |
| Durham | £2,499 | Suffolk | £2,828 |
| Dyfed-Powys | £2,035 | Surrey | £4,345 |
| Essex | £6,605 | Sussex | £6,197 |
| Swydd Gaerloyw | £2,422 | Dyffryn Tafwys | £8,551 |
| Gwent | £2,199 | Swydd Warwick | £2,144 |
| Hampshire | £7,345 | Gorllewin Mersia | £4,750 |
| Swydd Hertford | £4,260 | Gorllewin Canolbarth Lloegr | £10,080 |
| Glannau Humber | £3,557 | Wiltshire | £2,630 |
| Caint | £6,433 | ||
| Swydd Gaerhirfryn | £5,682 | ||
| Swydd Gaerlŷr | £3,952 | ||
| Swydd Lincoln | £2,805 | ||
| Glannau Mersi | £5,139 |
Dylech gadw cofnod o'ch gwariant, i wneud yn siŵr nad ydych yn mynd dros y terfyn gwariant.
Rhaid i unrhyw wariant dros y terfynau hyn gael ei awdurdodi'n ysgrifenedig gan asiant yr ymgeisydd perthnasol. Bydd y gwariant awdurdodedig yn cyfrif fel gwariant ymgeisydd a thuag at derfyn gwariant yr ymgeisydd.3
Os ydych wedi cael eich awdurdodi i fynd i wariant ymgeiswyr, dylech ddarllen ein canllawiau i ymgeiswyr ac asiantiaid.
- 1. Erthygl 34(1) a (3), Gorchymyn Etholiadau Comisiynwyr yr Heddlu a Throseddu 2012 ↩ Back to content at footnote 1
- 2. Erthygl 34(4), Gorchymyn Etholiadau Comisiynwyr yr Heddlu a Throseddu 2012 ↩ Back to content at footnote 2
- 3. Erthyglau 50 a 35(1) Gorchymyn Etholiad Comisiynwyr yr Heddlu a Throseddu 2012 ↩ Back to content at footnote 3
Adrodd
Os rhoddir awdurdodiad, bydd angen i'r asiant gynnwys eich gwariant ar y ffurflen gwariant ymgeisydd. Bydd angen i chi roi'r manylion angenrheidiol i'r asiant er mwyn i'r gwariant hwnnw gael ei gynnwys.
Os ydych yn gwario mwy na'r terfyn rhaid i chi hefyd gwblhau ffurflen gwariant a datganiad gwariant a chyflwyno'r rhain i'r Swyddog Canlyniadau Ardal Heddlu perthnasol o fewn 21 diwrnod i ddatgan y canlyniad.
Gallwch ddod o hyd i fanylion cyswllt eich swyddfa etholiadau lleol gan ddefnyddio ein chwiliwr cod post.
Argraffnodau
Pryd bynnag y caiff deunydd etholiadol argraffedig ei gyhoeddi, rhaid iddo gynnwys manylion penodol (yr ydym yn eu galw’n ‘argraffnod’) i ddangos pwy sy’n gyfrifol am y deunydd. Mae hyn yn helpu sicrhau bod tryloywder o ran pwy sy’n ymgyrchu.
Gweler ein taflen wybodaeth argraffnodau i ymgyrchwyr nad ydynt yn bleidiau, am arweiniad ynghylch defnyddio argraffnodau ar ddeunydd etholiadol: