Cywirdeb a chyflawnrwydd cofrestrau etholwyr mis Rhagfyr 2015

Yn yr adroddiad hwn, edrychwn ar effaith y system Cofrestru Etholiadol Unigol (IER) ar gywirdeb a chyflawnrwydd y cofrestrau etholwyr.

I wneud hyn, rydym yn cymharu'r cofrestrau etholwyr o fis Rhagfyr 2015 (ar ôl i system IER gael ei chyflwyno) â'r rhai o fis Chwefror a mis Mawrth 2014 (pan roedd y system cartrefi ar waith o hyd).
 

Cywirdeb a chyflawnrwydd

Roedd cofrestrau llywodraeth leol 91% yn gywir ac 84% yn gyflawn.

Roedd y cofrestrau seneddol 91% yn gywir ac 85% yn gyflawn.

TMae hyn yn golygu bod cywirdeb cyffredinol y cofrestrau wedi cynyddu tua phedwar pwynt canran yn ystod y broses o newid i system IER (10 Mehefin 2014 i 1 Rhagfyr 2015). 

Mae'n ymddangos bod cyflawnrwydd wedi aros yn sefydlog i raddau helaeth, gyda gostyngiad o lai nag 1 pwynt canran nad yw'n ystadegol bwysig.
 

Mae'r amcangyfrifon hyn yn berthnasol i Brydain Fawr yn ei chyfanrwydd. Mae'n debygol y bydd cywirdeb a chyflawnrwydd yn amrywio rhwng ardaloedd cynghorau lleol gwahanol, o ganlyniad i ddemograffeg y boblogaeth leol yn ogystal ag arferion cofrestru.

Gallwch hefyd weld ein hadroddiadau a'n trosolygon ar gyfer pob rhan o'r DU 
 

Lleihad mewn cyflawnrwydd

Yn gyffredinol, mae'r newid mewn cyflawnrwydd o 85% cyn i system IER gael ei chyflwyno i 84% ar ôl hynny, yn fach.

Fodd bynnag, mae gostyngiadau mwy nodedig ar gyfer grwpiau economaidd-gymdeithasol penodol. Mae ein gwaith ymchwil yn cadarnhau'r gydberthynas rhwng demograffeg benodol a lefelau is neu uwch o gyflawnrwydd.

Oedran a symudedd yw'r newidynnau sy'n cael yr effaith fwyaf o hyd: mae'r ifanc a'r rhai sy'n fwy tebygol o symud tŷ yn llai tebygol o fod wedi'u cofrestru.
 

Yn ein gwaith ymchwil blaenorol, rydym wedi canfod cysylltiad clir rhwng symud tŷ a chyflawnrwydd. Mae'r cysylltiad hwn yn parhau ar ôl newid i system IER.

Cronfa ddata sy'n seiliedig ar eiddo yw'r gofrestr, felly;

  • mae cysylltiad rhwng lefelau uwch o symud tŷ a lefelau is o gyflawnrwydd.
  • po fwyaf y mae rhywun wedi byw yn eu heiddo, y mwyaf tebygol ydynt o ymddangos ar y gofrestr etholwyr

Noder: * Nid yw'r gwahaniaeth o gymharu â 2014 yn ystadegol bwysig.

Ar ôl newid i system IER, gwelir y gostyngiad mwyaf mewn lefelau cyflawnrwydd ymhlith y rhai sydd wedi symud tŷ yn ddiweddar.

Mae'r lefel uchaf o gyflawnrwydd ymhlith y rhai 65 oed a throsodd (96%).

Cofnodwyd y lefel isaf ymhlith cyrhaeddwyr (rhai 16 a 17 oed, 45%).

Bu dirywiad mewn cyflawnrwydd hefyd ymhlith y rhai o dan 45 oed.

Mae'r gwymp ymhlith pobl 18-19 oed, 25-34 oed a 35-44 oed yn ystadegol bwysig.

Gallai'r system IER newydd egluro'r lefelau is o gyflawnrwydd ymhlith pobl 18 a 19 oed. O dan y system cartrefi flaenorol, gallai rhieni a gwarcheidwaid gofrestru plant cymwys a oedd yn byw yn yr un cyfeiriad â nhw.

Noder: * Nid yw'r gwahaniaeth o gymharu â 2014 yn ystadegol bwysig.

Mae cydberthynas gref rhwng y cyfnod y mae rhywun wedi byw yn ei gyfeiriad a'r tebygolrwydd ei fod wedi'i gofrestru i bleidleisio.

Mae cysylltiad pendant rhwng lefelau is o gyflawnrwydd ymhlith pobl o dan 35 oed a symudedd. Mae grwpiau oedran iau yn llawer mwy tebygol o fod wedi symud tŷ yn ddiweddar na grwpiau oedran hŷn.

Ni ellir priodoli'r lefelau cofrestru is ymhlith pobl ifanc i symudedd yn unig. Mae lefelau is o ymgysylltiad â gwleidyddiaeth a phleidleisio hefyd yn ffactor perthnasol.

Ers ein hasesiad diwethaf, mae cyflawnrwydd wedi cynyddu o 94% i 95% ymhlith y rhai sy'n berchen ar eu cartref yn gyfan gwbl. Mae hyn yn ystadegol bwysig.

Mewn cyferbyniad, y rhai sy'n rhentu'n breifat sydd â'r lefelau isaf o gyflawnrwydd. Bu dirywiad ystadegol bwysig mewn lefelau cofrestru ymhlith y grŵp hwn ar ôl newid i system IER.

Mae deiliadaeth yn croestorri ag oedran a symudedd: mae'r ddau yn cael effaith fawr ar gofrestru. Y sector rhentu preifat sydd â'r proffil ieuengaf o blith y deiliadaethau. Yn ôl arolwg tai Lloegr ar gyfer 2014-15, mae 48% o rentwyr preifat rhwng 16 a 34 oed. Mewn cyferbyniad, mae 84% o'r rhai sy’n berchen ar eu cartref yn gyfan gwbl dros 55 oed. Mae rhentwyr preifat hefyd yn tueddu i fyw yn eu cyfeiriad am gyfnodau byrrach na'r mathau eraill o ddeiliadaethau: