Ein gwaith gyda Senedd y DU
Rydym yn darparu cyngor a mewnwelediadau i helpu seneddwyr i gydymffurfio â chyfraith etholiadol, ymateb i ymholiadau a deall materion sy'n cael eu codi yn y Senedd.
Bil Cynrychiolaeth y Bobl
Mae llywodraeth y DU wedi cyhoeddi'r Bil Cynrychiolaeth y Bobl. Mae’r bil yn cynnwys:
• cyflwyno ffurfiau mwy awtomataidd o gofrestru pleidleiswyr
• gostwng yr oedran pleidleisio fel y gall pobl ifanc 16 oed bleidleisio ym mhob etholiad yn y DU
• ehangu'r rhestr o ID pleidleisiwr a dderbynnir
• cryfhau rheolaethau cyllid gwleidyddol
• rhoi mwy o amddiffyniad i ymgeiswyr rhag camdriniaeth
• cryfhau gorfodi cyfreithiau cyllid gwleidyddol
Dysgwch ragor am y Bil Cynrychiolaeth y Bobl.
Rydym bob amser yn hapus i gyfarfod i drafod y Bil yn fanylach, gan gynnwys rhannu gwybodaeth ynghylch gwelliannau posibl y gallech fod yn eu hystyried. Gallwch gysylltu â ni drwy [email protected]
Sut i gydymffurfio â chyfraith cyllid gwleidyddol
Rydym yn darparu canllawiau i Aelodau Seneddol a’u staff i’w helpu i ddeall yr hyn y mae’n rhaid iddynt ei wneud i gydymffurfio â chyfreithiau cyllid gwleidyddol.
Ceir rhagor o wybodaeth yn ein canllawiau.
Adnoddau ar gyfer eich etholaeth
Rydym yn darparu ystod o adnoddau ar gyfer unrhyw un sy’n rhannu gwybodaeth am ddemocratiaeth gyda phleidleiswyr. Gallwch ddefnyddio’r adnoddau hyn ar gyfryngau cymdeithasol neu gyda grwpiau ac ysgolion yn eich etholaeth.
Cysylltu â ni
E-bostiwch ni yn [email protected]
• os oes gennych gwestiynau am ein gwaith
• angen cefnogaeth a chyngor, gan gynnwys cyngor pwrpasol ynghylch cydymffurfio â chyfraith etholiadol
• os oes gennych etholwr sydd wedi cysylltu â chi ynglŷn ag etholiadau.
• os hoffech ragor o wybodaeth am ein gwaith addysg, gan gynnwys sut y gallwn eich cefnogi gydag ymweliadau i ysgolion