Rydym yn defnyddio'r term 'twyll etholiadol' i gyfeirio at achosion lle mae rhywun wedi cyflawni, neu yr honnir ei fod wedi cyflawni, troseddau cyfraith etholiadol penodol. Mae'r rhain yn droseddau sy'n ymwneud â chofrestru i bleidleisio, enwebu ymgeiswyr, ymgyrchu a phleidleisio.

Trosolwg

Mae'r Comisiwn Etholiadol a'r heddlu yn cymryd honiadau o dwyll etholiadol o ddifrif ac yn gweithredu arnynt. Mae'n rhaid i bleidleiswyr allu ymddiried bod etholiadau'n cael eu cynnal yn ddiogel a chydag uniondeb.

Allan o dros 200 o etholiadau a mwy na 4 miliwn o bleidleisiau, roedd 265 o achosion o dwyll etholiadol honedig yn 2025. Roedd pob un yn achos ynysig.

Mae'r data'n dangos yn gyson nad oes tystiolaeth o dwyll etholiadol ar raddfa fawr.

Yn y rhan fwyaf o achosion o dwyll etholiadol honedig (88%), ni wnaeth yr heddlu gymryd camau pellach neu cawsant eu datrys yn lleol trwy roi cyngor i'r rhai dan sylw.