Rydym yn defnyddio'r term 'twyll etholiadol' i gyfeirio at achosion lle mae rhywun wedi cyflawni, neu yr honnir ei fod wedi cyflawni, troseddau cyfraith etholiadol penodol. Mae'r rhain yn droseddau sy'n ymwneud â chofrestru i bleidleisio, enwebu ymgeiswyr, ymgyrchu a phleidleisio.

Rydym yn cymryd y risg hon o ddifrif. 

Drwy gydol y flwyddyn, mae heddluoedd ledled y DU yn anfon data atom am honiadau o dwyll etholiadol sy'n dod i law ac yr ymchwilir iddynt.

Bob blwyddyn, rydym yn cyflwyno adroddiad ar nifer, math a chanlyniad yr honiadau hyn, fel y gallwch ddeall yr hyn sydd wedi digwydd a sut y caiff achosion eu datrys.

Trosolwg

Yn y pum mlynedd diwethaf, nid oes tystiolaeth o dwyll etholiadol ar raddfa fawr.

O’r 1,318 o achosion o dwyll etholiadol honedig a adroddwyd i’r heddlu rhwng 2020 a 2024, cafwyd 8 euogfarn a rhoddwyd 3 rhybudd gan yr heddlu

Arweiniodd y mwyafrif llethol o achosion naill ai at yr heddlu ddim yn cymryd unrhyw gamau pellach neu cawsant eu datrys yn lleol gan yr heddlu yn cyhoeddi geiriau o gyngor