Cylch Gorchwyl: Gweithgor Ymarferwyr Etholiadol Cymru

Bydd y Gweithgor yn darparu fforwm i drafod materion etholiadol yng Nghymru, gan ddwyn ynghyd swyddogion o'r Comisiwn Etholiadol yng Nghymru a Chynrychiolwyr Rhanbarthol o Gymdeithas Gweinyddwyr Etholiadol Cymru.

Bydd y grŵp yn trafod y modd y caiff etholiadau a chofrestru etholiadol eu cyflawni yng Nghymru a bydd yn cynnig cyfle i wybodaeth gael ei rhannu.

Amcanion

  • darparu cyfle rheolaidd i'r Comisiwn ac AEA Cymru ddod ynghyd I drafod;
  • helpu i sicrhau cysondeb a pherfformiad effeithiol cofrestru etholiadol yng Nghymru;
  • helpu i sicrhau cysondeb a pherfformiad effeithiol rheoli etholiadol yng Nghymru;
  • rhoi gwybodaeth am fentrau'r DU sy'n ymwneud â materion etholiadol;
  • dosbarthu a thrafod canllawiau'r Comisiwn Etholiadol;
  • rhannu a chytuno ar arferion da;
  • gwrando ar safbwyntiau gweinyddwyr etholiadol yng Nghymru ar yr holl faterion hyn;
  • sicrhau bod ymateb priodol i faterion sy'n codi ynghylch arferion etholiadol

Aelodaeth

Caiff cyfarfodydd y Gweithgor eu cadeirio ar y cyd gan Bennaeth y Comisiwn Etholiadol yng Nghymru a Chadeirydd AEA Cymru.

Os na fydd y naill Gadeirydd yn bresennol, dewisir cynrychiolydd i gadeirio'r cyfarfod.

Bydd aelodaeth y grŵp yn cynnwys:

  • cadeirydd AEA Cymru
  • dirprwy Gadeirydd AEA Cymru 
  • cadeiryddion Rhanbarthol AEA Cymru
  • staff y Comisiwn Etholiadol

Os na all Cadeiydd Rhanbarthol AEA fod yn bresennol, dylent benodi Dirprwy i fynd yn eu lle.

Bydd y Gweithgor hefyd yn gwahodd eraill i ddod i'r cyfarfod ar sail ad hoc er mwyn cyfrannu at drafodaethau penodol (er enghraifft cynrychiolwyr o'r trydydd sector, adrannau eraill o'r llywodraeth neu ddarparwyr masnachol).

Caiff gwaith y Gweithgor ei gydlynu â gwaith:

  • Bwrdd Cydlynu Etholiadol Cymru
  • Y Grŵp Cydlynu a Chynghori Etholiadol
  • Y Gweithgor Etholiadau, Refferenda a Chofrestru
  • Rhwydwaith Cyfathrebu Etholiadau a Refferenda
  • Bord Gron Uniondeb
  • Grŵp Cynllunio Etholiadol Cymru

Cyfarfodydd

Bydd y Gweithgor yn cyfarfod rhwng tair a phedair gwaith y flwyddyn.

Fel arfer, cynhelir cyfarfodydd yn swyddfeydd y Comisiwn Etholiadol yng Nghymru, er y gall aelodau gytuno ar leoliadau eraill. Ystyrir defnyddio
cyfleusterau fideo-gynadledda os oes modd er mwyn osgoi teithio diangen.

Y Comisiwn Etholiadol fydd yn darparu'r ysgrifenyddiaeth a hefyd drefnu dyddiad, amser a lleoliad cyfarfodydd, ynghyd â pharatoi'r agenda a'r
nodiadau. Bydd Cadeirydd AEA Cymru yn rhoi nodiadau cyfarfodydd i aelodau AEA Cymru.

Gofynnir i aelodau'r Gweithgor awgrymu eitemau ar gyfer yr agenda, a chytunir ar yr agenda cyn pob cyfarfod.

Dosberthir papurau i aelodau'r Gweithgor o leiaf bum diwrnod gwaith cyn y cyfarfod.