Grŵp Cynghori’r Gymraeg: Cofnodion 2 Medi 2019

Croesawyd Gethin i’r grŵp am y tro cyntaf.

Roedd pawb yn hapus gyda chofnodion y cyfarfod diwethaf, ac nid oedd unrhyw newidiadau.

Roedd rhai camau gweithredu angen ystyriaeth pellach:

Nid oedd y grŵp wedi derbyn ymateb gan swyddfa’r cabinet ynghylch ffurflenni a gorchymyn ffurflenni. 

Nodwyd nad oedd Mailmark yn cael llawer o ddefnydd oherwydd ei fod wedi profi’n gymhleth i’w ddefnyddio.

Nid oedd y grŵp yn siŵr a oedd ymateb wedi ei dderbyn gan y Post Brenhinol ynghylch defnyddio slaes (/) i wahanu mwy nag un iaith.

Nodwyd enwau y dirprwyon, Glynis Davies a Raymond Harvey, gan GE a AO.

Nodwyd bod GE yn mynychu cyfarfod AEA ar 3 Medi 2019.

Cytunwyd bod BM am ddiweddaru’r BCEC (2 Medi 2019) gyda’r pwyntiau uchod.

Trafodwyd yr Eirfa Etholiadol a chytunwyd ei bod yn werthfawr.

Nodwyd bod unrhyw eiriau a thermau yn cael eu hychwanegu pan fo angen.

Cytunwyd bydd GR yn diweddaru’r Eirfa yn rheolaidd, pob 3-6 mis.

Cytunwyd bydd awdurdodau yn cael un mis (yn ddibynnol ar unrhyw weithgareddau etholiadol posibl a fydd yn codi) i anfon sylwadau ynghylch yr eirfa at y grŵp.

Trafodwyd yn fyr ffurflenni etholiadol Comisiynydd yr Heddlu a Throsedd, a chytunwyd bod y gwaith yn flaenoriaeth i’r grŵp wrth symud ymlaen.

Cytunwyd y bydd hi’n fanteisiol i ymgynghori gyda’r holl awdurdodau a’r Swyddogion Canlyniadau ar eu profiad gyda ffurflenni, yn bennaf y rhai sydd yn delio gydag enwebiadau, i roi sylwadau ar unrhyw drafferthion y maent wedi eu hwynebu neu’n eu rhagweld o safbwynt dwyieithrwydd.

Trafodwyd yr Etholfraint a Diwygio Canfas, a nodwyd pa mor bwysig yw hi bod y grŵp yn cadw ar flaen y diwedderiadau, ac yn cadw mewn cysylltiad rheolaidd gyda Llywodraeth Cymru.

Yn dilyn ymddeoliad GJ, nodwyd bod angen enwebu Swyddog Canlyniadau newydd i’r grŵp.

Trafodwyd y cyfarfod nesaf a chytunwyd bod angen cyfarfod wyneb-yn-wyneb yn y dyfodol, mewn lleoliad sydd yn gyfleus i bawb.

Cytunwyd bod y cyfarfod nesaf yn medru cael ei gynnal ar-lein eto (neu ffôn gynhadledd), a bydd GR yn edrych am y system orau i wneud hyn.