Cylch Gorchwyl

Grŵp Cynghori’r Gymraeg

Amcanion

Bydd y grŵp yn fforwm i drafod materion etholiadol Cymraeg a Chymreig gyda'r bwriad o sicrhau bod y Gymraeg a'r Saesneg yn cael eu trin yn gyfartal o ran deddfwriaeth a chanllawiau etholiadol.

Bydd y grŵp yn cyflwyno sylwadau o ran deddfwriaeth a chanllawiau drafft a phresennol Cymraeg ac i wella deunyddiau sydd wedi'u drafftio'n flaenorol.

Nid cyfrifoldeb y grŵp yw cyfieithu deddfwriaeth, ond yn hytrach ymgynghori a rhoi barn. Cyfrifoldeb y llywodraeth berthnasol yw darparu’r geiriad Cymraeg.

Bydd y grŵp hefyd yn trafod ac yn ymateb i unrhyw ymgynghoriad neu fater sy’n codi sydd o ddiddordeb i’r grŵp 

Aelodaeth

Dau o Swyddogion Canlyniadau sy'n siarad Cymraeg i'w henwebu gan Fwrdd Cydlynu Etholiadol Cymru.

Bydd un o'r ddau Swyddog Canlyniadau yn Gadeirydd y Grŵp a hefyd yn aelod o Fwrdd Cydlynu Etholiadol Cymru.

Hyd at ddau Reolwr Etholiadau / Dirprwy Swyddogion Canlyniadau (i'w henwebu gan AEA Cymru).

Hyd at ddau gynrychiolydd gan y Comisiwn Etholiadol (Pennaeth Comisiwn Etholiadol, Cymru ac Ymgynghorydd y Gymraeg).

Cynrychiolydd perthnasol Llywodraeth Cymru neu Lywodraeth San Steffan (yn ddibynnol ar yr etholiad / deddfwriaeth).

Amlder cyfarfodydd

Bydd y grŵp yn cynnal cyfarfod ffurfiol o leiaf unwaith y flwyddyn, a bydd aleodau yn gallu ymuno’n bersonol drwy fideogynadledda neu dros y ffôn.

Heblaw hynny, bydd yn ceisio cyfarfod pan a phryd fo angen, ond bydd yn gwneud y mwyafrif o'i waith dros e-bost.

Mynychwyr eraill

Bydd yr AEA yn enwebu dirprwyon i’r Rheolwr Etholiadau / Dirprwy Swyddogion Canlyniadau ym mwynt 7 uchod. Yn ddelfrydol ni fydd y dirprwyon o fewn yr un awdurdod lleol. Byddant yn gallu mynychu pob cyfarfod, ac yn gweithredu fel aelod pan fo’r person y maent yn ddirpryw iddynt yn absennol.

Gall y Comisiwn hefyd ofyn bod aelodau eraill o staff yn mynychu o dro i dro.

Gall grwpiau ac unigolion allanol eraill sydd â diddordeb (e.e. Comisiynydd y Gymraeg) fynychu lle bo gofyn.

Gweithdrefnau

Bydd y grŵp yn craffu ar unrhyw ddeddfwriaeth Gymraeg newydd gan gynnwys canllawiau statudol ac anstatudol (e.e. Canllawiau’r Comisiwn) ac yn rhoi adborth ffurfiol fel grŵp ar ôl ymgynghori.

Bydd y grŵp yn edrych ar ddeddfwriaeth bresennol ac yn asesu os oes angen gwneud unrhyw ddiwygiadau i ddeddfwriaeth o ran cywirdeb y geiriad sydd wedi ei gynnwys.

Ymddygiad

Bydd trafodaethau a chyflwyniadau yn cael eu cynnal gyda pharch a chwrteisi i eraill.

Cynhelir cyfarfodydd yn Gymraeg. Bydd darpariaethau cyfieithu ar gael fel bo angen os oes rhai’n mynychu nad ydynt yn siarad Cymraeg.

Gwrthdaro buddiannau - bydd gofyn i aelodau ddatgan unrhyw achos cyn y cyfarfod. Yr aelod sydd i benderfynu a yw’n addas eu bod yn aros yn y drafodaeth ar gyfer unrhyw eitem ar agenda allai fod yn achos o wrthdaro buddion.

Ysgrifenyddiaeth

Bydd y Comisiwn yn darparu cefnogaeth ysgrifenyddol llawn i'r grŵp. 

Bydd y Comisiwn yn gyfrifol am anfon nodyn y cyfarfod at y rhanddeiliaid perthnasol (Swyddogion Canlyniadau, yr AEA ac ati).