Gwallau prosesu wrth fewnbynnu gwybodaeth i gadarnhau pwy yw unigolyn ar gyfer ceisiadau am bleidlais bost

Gall gwallau prosesu ddigwydd wrth fewnbynnu gwybodaeth dynodyddion personol er mwyn cadarnhau pwy yw unigolyn. Gall hyn olygu na fydd hunaniaeth ymgeisydd yn cael ei dilysu mewn pryd i chi gyflwyno pleidlais bost mewn pryd iddo bleidleisio mewn etholiad. Er enghraifft, efallai y bydd ffurflen gais bapur wedi dod i law sy'n cynnwys gwybodaeth dynodyddion personol ond wedi mynd ar goll a heb gael ei phrosesu'n gywir, neu efallai y bydd cais ar-lein wedi cael ei brosesu'n anghywir, gan olygu na chafodd y cais ei anfon i'r Adran Gwaith a Phensiynau.

Gallwch gywiro'r gwall, penderfynu ar gais am bleidlais bost a chyflwyno'r bleidlais bost unrhyw bryd cyn diwedd y cyfnod pleidleisio. Fodd bynnag, os oes angen y bleidlais bost ar gyfer etholiad sydd i ddod, dylech gysylltu â’r Swyddog Canlyniadau (lle nad chi yw’r Swyddog Canlyniadau hefyd) i gynllunio sut byddwch yn cydlynu sut y caiff pecynnau pleidleisiau post eu pennu a’u hanfon wedyn ar gyfer yr etholiad hwnnw. Mae ein canllawiau ar benderfynu ar geisiadau yn agos at y dyddiad cau yn cynnwys rhagor o wybodaeth am hyn.
 
Ar ôl darganfod y math hwn o wall prosesu, a chyn y gallwch benderfynu ar y cais, bydd yn rhaid i chi wneud y canlynol o hyd:

• bod yn fodlon i'r cais gael ei gyflwyno cyn y terfyn amser (er enghraifft, rhoddwyd stamp dyddiad ac amser arno pan ddaeth i law)
• anfon dynodyddion personol yr ymgeisydd i gael eu dilysu

Pan gaiff gwallau prosesu eu nodi yn agos at ddiwedd cyfnod pleidleisio, a'ch bod yn bryderus na chaiff canlyniadau proses paru data'r Adran Gwaith a Phensiynau eu dychwelyd mewn pryd, o dan yr amgylchiadau hyn, cewch symud ymlaen yn syth i'r broses eithriadau dogfennol cyn i chi gael canlyniadau proses baru'r Adran Gwaith a Phensiynau er mwyn lliniaru effaith y gwall prosesu.