Gwybodaeth am etholiad a’r teclyn canfod gorsaf bleidleisio

Rydym yn darparu chwiliwr etholiad a theclyn canfod gorsaf bleidleisio drwy’r flwyddyn, mewn partneriaeth â Democracy Club Community Interest Company (Rhif y cwmni: 09461226). Mae’r teclyn hwn yn helpu pobl i ganfod yn gyflym pa etholiadau sy'n cael eu cynnal yn eu hardal nhw, gan roi manylion eu gorsaf bleidleisio a chyfeiriad eu cyngor lleol. Y Comisiwn Etholiadol a Democracy Club yw “rheolwyr data” eich data personol. Mae hyn yn golygu bod y Comisiwn Etholiadol a Democracy Club yn penderfynu ar gyfer beth y defnyddir eich data personol, a’r ffyrdd y caiff ei brosesu.

Fel rheolwyr data, mae’r Comisiwn Etholiadol a Democracy Club yn gyfrifol am gydymffurfio, ac i ddangos cydymffurfiad, â chyfraith diogelu data.

Rydym yn argymell cyfeirio at bolisi preifatrwydd Democracy Club (yn agor mewn ffenestr newydd) i gael rhagor o wybodaeth am sut y byddant yn prosesu eich data personol.

Rydym yn prosesu gwybodaeth bersonol i gefnogi cyflawniad ein swyddogaethau statudol, yn benodol y ddyletswydd i hyrwyddo ymwybyddiaeth gyhoeddus o’r system etholiadol o dan Ddeddf Pleidiau Gwleidyddol Etholiadau a Refferenda 2000.

Mae ein chwiliwr etholiad a’n teclyn canfod gorsaf bleidleisio yn rhoi gwybodaeth i ddefnyddwyr yn seiliedig ar eu cod post. Nid yw’r data hwn yn cael ei gadw gan y Comisiwn Etholiadol ond mae’n cael ei gasglu gan Democracy Club. Caiff codau post eu storio yn ddienw, i gynhyrchu ystadegau pwysig ynghylch defnydd y gwasanaethau yn rhannau gwahanol o’r DU. Mae’r data hwn yn helpu’r Comisiwn Etholiadol a Democracy Club i wella’r gwasanaeth rydym yn ei gynnig. Rydym yn argymell cyfeirio at bolisi preifatrwydd Democracy Club (yn agor mewn ffenestr newydd) i gael rhagor o wybodaeth am sut y byddant yn prosesu eich data personol.

Rydym hefyd yn sicrhau bod gwybodaeth am etholiadau, lleoliadau gorsafoedd pleidleisio a chyfeiriadau cynghorau lleol ar gael i sefydliadau eraill drwy API (Rhyngwyneb Rhaglennu Cymwysiadau) a theclyn chwilio’r Comisiwn Etholiadol. Pan fydd defnyddwyr yn cyrchu data drwy sefydliadau gan ddefnyddio ein API neu declyn chwilio, mae’r cais i’n API yn cynnwys cod post y defnyddiwr. Nid yw’r data hwn yn cael ei gadw gan y Comisiwn Etholiadol ond mae’n cael ei gasglu gan Democracy Club. Caiff codau post eu storio yn ddienw, i gynhyrchu ystadegau pwysig ynghylch defnydd y gwasanaethau yn rhannau gwahanol o’r DU. Mae’r data hwn yn helpu’r Comisiwn Etholiadol a Democracy Club i wella’r gwasanaeth rydym yn ei gynnig. Rydym yn argymell cyfeirio at bolisi preifatrwydd Democracy Club (yn agor mewn ffenestr newydd) i gael rhagor o wybodaeth am sut y byddant yn prosesu eich data personol. 

Rydym ond yn defnyddio cwcis angenrheidiol ar y wefan hon er mwyn dilysu defnyddwyr. Er mwyn i’r wefan weithio mae angen y dilysiad hwn. Am ragor o wybodaeth, gweler ein polisi Cwcis.