Pleidiau gwleidyddol yn derbyn dros £93m mewn rhoddion yn 2023
Pleidiau gwleidyddol yn derbyn dros £93m mewn rhoddion yn 2023
Mae pleidiau gwleidyddol sydd wedi’u cofrestru yn y DU wedi nodi eu bod wedi derbyn £22,670,735 mewn rhoddion a chronfeydd cyhoeddus yn ystod pedwerydd chwarter 2023, yn ôl ffigurau a gyhoeddwyd heddiw gan y Comisiwn Etholiadol.
Cyfanswm y rhoddion a dderbyniwyd yn ystod 2023 oedd £93,839,235. Mae hyn yn cymharu â £52m yn y flwyddyn flaenorol.
Dywedodd Louise Edwards, Cyfarwyddwr Rheoleiddio a Thrawsnewid Digidol:
“Derbyniwyd dros £93 miliwn mewn rhoddion gan bleidiau gwleidyddol yn ystod 2023, bron i ddwbl y swm yn y flwyddyn flaenorol. Gydag etholiad cyffredinol ar y gorwel, nid yw'n anarferol gweld cynnydd mawr mewn rhoddion wrth i bleidiau gwleidyddol ddechrau ymgyrchu.
“Er nad oes terfyn ar yr hyn y gall pleidiau ei godi, mae yna derfynau gwariant mewn lle cyn etholiadau er mwyn sicrhau chwarae teg.”
Y pleidiau gwleidyddol yr oedd yn ofynnol iddynt roi gwybod am roddion yn Ch4 2023, gan gynnwys cronfeydd cyhoeddus, oedd:
| Plaid | Cyfanswm a adroddwyd | Rhoddion a dderbyniwyd (ac eithrio cronfeydd cyhoeddus) | Cronfeydd cyhoeddus a dderbyniwyd | Cyfanswm a dderbyniwyd yn ystod y chwarter hwn |
|---|---|---|---|---|
| Cynghrair - Plaid Gynghrair Gogledd Iwerddon | £46,022 | £16,500 | £29,522 | £46,022 |
| Plaid Gomiwnyddol Prydain | £45,000 | £45,000 | £0 | £45,000 |
| Y Blaid Geidwadol ac Unoliaethol (Prydain Fawr) | £9,912,101 | £9,726,789 | £59,105 | £9,785,903 |
| Y Blaid Geidwadol ac Unoliaethol (Gogledd Iwerddon) | £18,624 | £18,624 | £0 | £18,624 |
| Y Blaid Gydweithredol | £46,057 | £41,457 | £0 | £41,457 |
| Plaid yr Unoliaethwyr Democrataidd - D.U.P | £92,460 | £0 | £92,460 | £92,460 |
| Y Blaid Werdd (Prydain Fawr) | £222,461 | £165,994 | £51,691 | £217,685 |
| Y Blaid Lafur | £8,690,645 | £6,457,256 | £2,083,780 | £8,541,036 |
| Y Democratiaid Rhyddfrydol | £2,847,889 | £2,355,822 | £379,884 | £2,735,706 |
| Plaid Cymru | £34,638 | £5,000 | £29,638 | £34,638 |
| Propel | £113,590 | £53,000 | £0 | £53,000 |
| Reform UK | £100,000 | £100,000 | £0 | £100,000 |
| Plaid Werdd yr Alban | £59,132 | £43,213 | £3,021 | £46,233 |
| Plaid Genedlaethol yr Alban (SNP) | £387,184 | £69,673 | £317,511 | £387,184 |
| SDLP (Plaid Democratiaid Cymdeithasol a Llafur) | £61,943 | £10,000 | £51,943 | £61,943 |
| Sinn Féin | £149,948 | £58,974 | £90,974 | £149,948 |
| The Reclaim Party | £125,000 | £125,000 | £0 | £125,000 |
| Plaid Sosialaidd Prydain Fawr | £100,000 | £100,000 | £0 | £100,000 |
| Traditional Unionist Voice – TUV | £6,767 | £0 | £6,767 | £6,767 |
| Y Blaid Wir a Theg (True & Fair Party) | £46,400 | £46,400 | £0 | £46,400 |
| Plaid Unoliaethwyr Ulster | £22,728 | £0 | £22,728 | £22,728 |
| Plaid Cydraddoldeb Menywod | £9,000 | £3,000 | £0 | £3,000 |
| Cyfanswm | £23,137,589 | £19,441,711 | £3,219,024 | £22,660,735 |
Mae'n ofynnol i bleidiau gwleidyddol gyflwyno ffurflenni rhoddion a benthyciadau chwarterol i'r Comisiwn Etholiadol. Yn y ffurflenni hyn, mae'r pleidiau yn adrodd:
- rhoddion a dderbyniwyd sy'n uwch na'r trothwy o £7,500 (dros £1,500 ar gyfer unedau cyfrifyddu)
- rhoddion llai gan roddwr unigol sydd, gyda'i gilydd, yn fwy na'r trothwy adrodd
- rhoddion gwaharddedig a dderbyniwyd ganddynt a'r camau a gymerwyd mewn perthynas â'r rhain
- rhoddion y dylid bod wedi eu hadrodd yn ystod chwarteri blaenorol
O 1 Ionawr 2024 ymlaen, cynyddodd y trothwy ar gyfer adrodd am roddion i’r Comisiwn. Yn dilyn newid yn y gyfraith gan Lywodraeth y DU, bydd yn ofynnol i bleidiau roi gwybod am roddion dros £11,180 (a thros £2,230 ar gyfer unedau cyfrifyddu).
Gall gwerth y rhoddion a adroddir gan blaid wleidyddol i’r Comisiwn fod yn wahanol i werth y rhoddion a dderbyniodd y blaid mewn gwirionedd yn y chwarter hwnnw.
Gall hyn fod oherwydd rhoddion a gydgrynhowyd, rhoddion na chaniateir a/neu roddion a adroddwyd yn hwyr. Gwnaeth tair plaid gynnwys rhoddion yn eu hadroddiad chwarterol a ddylai fod wedi'u hadrodd mewn adroddiadau chwarterol blaenorol. Bydd y Comisiwn yn ystyried pob un o'r materion yma yn unol â'i Bolisi Gorfodi, os yw’n briodol. Bydd unrhyw gosbau a roddir yn cael eu cyhoeddi ar ddyddiad hwyrach.
Benthyca
Adroddodd pleidiau eu bod wedi ymrwymo i £24,900 o fenthyciadau newydd ym mhedwerydd chwarter 2023. Cafodd benthyciadau â gwerth o £99,786 eu talu’n llawn.
Rhoddion a dderbyniwyd gan dderbynwyr a reoleiddir yn Ch4 2023
Mae'r Comisiwn hefyd yn cyhoeddi manylion rhoddion a dderbyniwyd gan dderbynwyr a reoleiddir. Mae derbynwyr a reoleiddir yn aelodau o bleidiau gwleidyddol cofrestredig, deiliaid swyddi dewisol perthnasol, a chymdeithasau aelodau.
Ym mhedwerydd chwarter 2023, derbyniwyd £2,169,498 mewn rhoddion gan 102 o dderbynwyr a reoleiddir. Mae manylion llawn ar gael ar ein gwefan.
| Math o dderbyniwr a reoleiddir | werth yr arian parod a'r rhoddion nad ydynt yn arian parod a dderbyniwyd | Gwerth rhoddion a dderbyniwyd tuag at ymweliadau tramor | Cyfanswm gwerth y rhoddion a dderbyniwyd |
|---|---|---|---|
| Ymgeisydd Arweinyddiaeth | £0 | £0 | £0 |
| Meiri | £56,255 | £0 | £56,255 |
| Aelod o Blaid Wleidyddol Gofrestredig | £0 | £0 | £0 |
| Cymdeithas Aelodau | £1,053,202 | £0 | £1,053,202 |
| MLA - Aelod o Awdurdod Deddfwriaethol Gogledd Iwerddon | £0 | £1,896 | £1,896 |
| AS - Aelod Seneddol | £623,922 | £309,636 | £933,558 |
| MSP - Aelod o Senedd yr Alban | £0 | £21,588 | £21,588 |
| Aelod o’r Senedd | £103,000 | £0 | £103,000 |
| Cyfansymiau | £1,836,379 | £333,120 | £2,169,498 |
Rhagor o wybodaeth
Mae manylion llawn rhoddion a benthyciadau a adroddwyd yn Ch4 2023 ar gael ar ein cofrestr cyllid gwleidyddol.
Diwedd
I gael rhagor o wybodaeth, cysylltwch â swyddfa cyfryngau’r Comisiwn Etholiadol drwy ffonio 020 7271 0704, neu 07789 920 414 y tu allan i oriau swyddfa. Fel arall gallwch e-bostio [email protected]
Nodiadau i olygyddion
- Mae Deddf Pleidiau Gwleidyddol, Etholiadau a Refferenda 2000 (PPERA) yn gofyn bod pleidiau gwleidyddol yn adrodd am roddion a benthyciadau arian parod, a’r rheiny nad ydynt yn arian parod, yn chwarterol i'r Comisiwn Etholiadol. Mae rhaid i bleidiau gwleidyddol adrodd am bob rhodd a benthyciad dros £7,500 sy'n ymwneud â'r blaid ganolog, neu bob un dros £1,500 sy'n ymwneud ag uned gyfrifyddu. Mae hyn yn cynnwys cyfansymiau rhoddion a benthyciadau o'r un ffynhonnell yn ystod y flwyddyn galendr. Unwaith y bydd y blaid ganolog wedi adrodd rhodd neu gydgrynhoi rhodd o dros £7,500 mae’n rhaid iddynt adrodd bob rhodd dilynol o fwy na £1,500 o’r ffynhonnell hwnnw.
- Gan mai dim ond rhoddion a benthyciadau dros y trothwyon hyn sy’n cael eu hadrodd gan bleidiau, nid yw'r ffigyrau yn cynnwys yr holl roddion a benthyciadau a dderbyniwyd gan bleidiau gwleidyddol. Cofnodir rhoddion a benthyciadau o dan y trothwyon hyn yng nghyfrifon blynyddol pleidiau gwleidyddol. Mae gwybodaeth am ddatganiadau o gyfrifon mwyaf diweddar pleidiau gwleidyddol ar gael yng nghronfa ddata’r Comisiwn.
- Cronfeydd cyhoeddus yw rhoddion gan Dŷ'r Cyffredin, Tŷ'r Arglwyddi, Senedd yr Alban a'r Comisiwn Etholiadol. Mae grantiau 'Short' a 'Cranborne' ar gael i’r gwrthbleidiau yn Nhŷ'r Cyffredin neu Dŷ'r Arglwyddi fel ei gilydd.
- Roedd 370 o bleidiau gwleidyddol cofrestredig ym Mhrydain Fawr a Gogledd Iwerddon yn ystod pedwerydd chwarter 2023. Roedd gofyn i 55 ohonynt gyflwyno adroddiad rhoddion chwarterol a 40 ohonynt gyflwyno gwybodaeth fenthyca erbyn y dyddiad cau. Eithriwyd y pleidiau gwleidyddol eraill gan iddynt gyflwyno pedwar cofnod o ddim yn olynol yn flaenorol. Cyn belled â’u bod heb gael rhoddion yn ystod y chwarter diwethaf, maent wedi’u heithrio rhag cyflwyno adroddiad.
- Y Comisiwn Etholiadol yw'r corff annibynnol sy'n goruchwylio etholiadau ac yn rheoleiddio cyllid gwleidyddol yn y DU. Rydym yn gweithio i hyrwyddo hyder y cyhoedd yn y broses ddemocrataidd a sicrhau ei huniondeb trwy’r canlynol:
o galluogi cyflawni etholiadau a refferenda rhydd a theg, canolbwyntio ar anghenion etholwyr, a mynd i'r afael ag amgylchedd sy'n newid i sicrhau bod pob pleidlais yn parhau i fod yn ddiogel ac yn hygyrch.
o rheoleiddio cyllid gwleidyddol - cymryd camau rhagweithiol i gynyddu tryloywder, sicrhau cydymffurfiaeth, a mynd ar ôl achosion o dorri rheolau
o defnyddio ein harbenigedd i wneud newidiadau i'n democratiaeth ac eirioli drostynt, gan geisio gwella tegwch, tryloywder ac effeithiolrwydd
Sefydlwyd y Comisiwn Etholiadol yn 2000 ac mae'n adrodd yn uniongyrchol i Senedd y DU a Senedd yr Alban.