Gwariant Ymgyrch Pleidiau Gwleidyddol (Etholiadau Senedd Cymru) Cod Ymarfer 2025

Mae’r Cod hwn:

  • i'w adnabod fel Cod Ymarfer Gwariant Ymgyrch Pleidiau Gwleidyddol (Etholiadau'r Senedd) 2025
  • yn dod i rym ar (add date)

Ynglŷn â’r cod hwn

Cefndir


Cafodd y Cod Ymarfer hwn ar dreuliau cymwys ar gyfer pleidiau gwleidyddol cofrestredig ei baratoi gan y Comisiwn Etholiadol yn dilyn ymgynghoriad ag unigolion a chyrff sydd â diddordeb, gan gynnwys Llywodraeth Cymru a Senedd Cymru. 
 

Y pŵer i ddyroddi’r Cod hwn


Mae’r Cod Ymarfer hwn wedi’i gymeradwyo gan y Senedd ac wedi’i ddyroddi gan Weinidogion y Senedd o dan baragraff 3, Rhan 2 o Atodlen 8, Deddf Pleidiau Gwleidyddol, Etholiadau a Refferenda 2000 (PPERA). 
 

Diffiniadau

Yn y Cod hwn, mae’r diffiniadau canlynol yn berthnasol:
 

Ystyr ‘swm priodol’ yw swm gwariant ymgyrch a bennir yn unol ag a.73(2) PPERA.


Ystyr ‘gwariant ymgyrch’ yw’r gwariant a bennir yn unol ag a.72(2) PPERA.
Mae i’r gair ‘cost’ ei ystyr arferol o dreuliau eitem, neu'r treuliau sy’n gysylltiedig ag eitem. Mae'n cynnwys y ‘swm priodol’ i'w drin fel swm sydd wedi’i ysgwyddo gan y blaid o dan y gyfraith ar wariant tybiannol.


Ystyr ‘etholaeth Senedd’ yw ardal a bennir yn unol â’r rheoliadau a wnaed o dan a.2 Deddf Llywodraeth Cymru 2006.


Ystyr ‘ffurflen gwariant’ neu ‘ffurflen’ yw ffurflen gwariant plaid wleidyddol sy'n ofynnol o dan adran 80 PPERA.


Ystyr ‘eitem’ yw rhywbeth a allai fod yn destun gwariant. Mae’n cynnwys gwasanaethau a gweithgareddau yn ogystal â gwrthrychau.
 

Ystyr ‘gwariant tybiannol’ yw gwariant ymgyrch yr ystyrir ei fod wedi’i ysgwyddo pan gaiff eiddo, gwasanaethau neu gyfleusterau eu darparu am ddim neu am bris gostyngol ac y mae’r blaid neu rywun ar ran y blaid yn eu defnyddio yn unol ag adran 73 PPERA.


Ystyr ‘rhestr plaid’ yw rhestr o ddim mwy nag wyth ymgeisydd plaid (ond gallai fod yn rhestr o un ymgeisydd yn unig) i fod yn aelodau o’r Senedd mewn etholaeth Senedd.


Ystyr ‘ymgeisydd rhestr plaid’ yw ymgeisydd yn etholiad y Senedd sydd ar restr plaid.


Ystyr ‘plaid wleidyddol’ yw plaid sydd wedi'i chofrestru o dan Ran II PPERA.


Ystyr ‘PPERA’ yw Deddf Pleidiau Gwleidyddol, Etholiadau a Refferenda 2000.


Ystyr ‘cyfnod a reoleiddir’ yw’r ‘cyfnod perthnasol’ ar gyfer etholiad fel y’i nodir yn Atodlen 9 PPERA.


Mae ‘terfyn gwariant’ yn cyfeirio at yr uchafswm o arian y gall plaid wleidyddol ei wario mewn etholiad a gyfrifir gan ddefnyddio’r symiau a nodwyd yn Atodlen 9 PPERA.
 

Diben y Cod hwn

Mae’r Cod hwn yn rhoi arweiniad ynghylch beth sydd wedi’i gynnwys a beth sydd heb ei gynnwys yng nghwmpas paragraffau 1 a 2 Rhan 1 Atodlen 8 PPERA. 


Mae’r paragraffau hynny’n berthnasol i ddiffiniad ‘gwariant ymgyrch’ ac felly, yn benodol, i ba dreuliau y mae gofyn i blaid wleidyddol adrodd amdanynt wrth y Comisiwn Etholiadol. 


Mae paragraff 1 yn rhestru’r treuliau sy’n gymwys pan gânt eu hysgwyddo at ddibenion etholiad. Mae paragraff 2 yn rhestru’r eithriadau.
 

Pa etholiadau mae’r Cod hwn yn eu cwmpasu?

Mae’r Cod hwn yn berthnasol ar gyfer etholiadau i Senedd Cymru.


Os bydd cyfnod a reoleiddir cyfunol ar waith o dan Ran III, Atodlen 9 PPERA, rheolau etholiadau’r Deyrnas Unedig sy’n berthnasol i rai etholiadau a gynhelir yn ystod y cyfnod hwnnw. Pan fydd hynny’n berthnasol i etholiad i Senedd Cymru, ni fydd y Cod hwn yn berthnasol.   
 

I bwy mae’r Cod hwn yn berthnasol?

Bydd y Cod hwn yn berthnasol i bob gwariant ymgyrch (yn amodol ar yr eithriadau a restrir isod) gan bleidiau gwleidyddol cofrestredig sydd ag ymgeiswyr sy’n sefyll ar restr plaid yn etholiad y Senedd. Bydd unrhyw wariant sy’n gysylltiedig â hyrwyddo un ymgeisydd, neu bob un, sydd ar y rhestr honno, neu’r blaid ei hun, yn dod yng nghwmpas y Cod hwn.

Y Cod hwn a chanllawiau eraill a gyhoeddwyd gan y Comisiwn Etholiadol.

Mae’r Cod hwn yn ffurfio canllawiau statudol.  Mae’r Cod hwn yn wahanol i fathau eraill o ganllawiau y mae’r Comisiwn Etholiadol yn eu cyhoeddi oherwydd ei fod wedi’i gymeradwyo gan y Senedd. 


Mae’r Comisiwn Etholiadol hefyd yn cyhoeddi canllawiau anstatudol ar y rheolau ar gyfer etholiadau.


Mae’r gyfraith ar wariant gan bleidiau gwleidyddol wedi’i nodi yn PPERA. Fel cyd-destun, mae trosolwg o’r fframwaith cyfreithiol yn PPERA wedi’i nodi isod. 


Dylech gyfeirio at ganllawiau’r Comisiwn Etholiadol i gael gwybodaeth benodol am y rheolau ar gyfer pob etholiad. Mae canllawiau wedi’u diweddaru ynghylch pa etholiadau a gynhelir a pha reolau sy’n berthnasol ar gael ar wefan y Comisiwn Etholiad yn y cyfnod cyn etholiad.
 

Beth yw canlyniadau torri’r Cod hwn?

Pan nad yw swyddog plaid yn dilyn y Cod hwn, mae trysorydd y blaid, neu swyddog perthnasol arall, yn debygol o fod yn torri’r gofynion statudol mewn perthynas â gwariant ymgyrch, er enghraifft y gofyniad statudol i gyflwyno ffurflen gyflawn a chywir. Gallai achosion o dorri’r Cod hwn hefyd arwain at ddod i’r casgliad bod trysorydd plaid wedi gwneud datganiad ffug am y ffurflen yn fwriadol neu’n ddi-hid. Gallai cyflawni troseddau arwain at osod cosbau sifil neu erlyniad.

Mae Adran 79(3) PPERA yn darparu ei bod yn amddiffyniad i unrhyw unigolyn neu blaid gofrestredig sydd wedi’u cyhuddo o’r drosedd o fynd tu hwnt i derfyn gwariant ymgyrch (o dan adran 79(2)) PPERA) ddangos eu bod wedi cydymffurfio â’r Cod hwn wrth bennu eitemau a symiau gwariant ymgyrch i’w cyflwyno yn y ffurflen gwariant ymgyrch berthnasol o dan adran 80 PPERA, ac na fyddent wedi mynd y tu hwnt i’r terfyn hwnnw ar sail yr eitemau a’r symiau a nodwyd yn y ffurflen honno.

Y fframwaith cyfreithiol yn PPERA ar gyfer gwariant pleidiau gwleidyddol

Cofrestru pleidiau gwleidyddol

Mae’n rhaid i bleidiau gwleidyddol fod wedi’u cofrestru â’r Comisiwn Etholiadol i ymgeiswyr gael sefyll gan ddefnyddio marciau adnabod plaid mewn etholiadau perthnasol. 

Terfynau gwariant a chyfnodau a reoleiddir

Bydd y gyfraith ar wariant ymgyrchu pleidiau gwleidyddol yn berthnasol yn ystod y cyfnod a nodwyd yn Atodlen 9 PPERA. Mae Atodlen 9 PPERA hefyd yn nodi’r terfynau gwariant.

Beth sy’n cyfrif fel gwariant pleidiau gwleidyddol?

Caiff gwariant pleidiau gwleidyddol mewn etholiadau ei lywodraethu gan Ran V PPERA. 

Mae Adran 72(2) PPERA yn diffinio ‘gwariant ymgyrch’ mewn perthynas â phlaid gofrestredig fel ‘expenses incurred by or on behalf of the party which are expenses falling within Part I of Schedule 8 and so incurred for election purposes.’ 

Fel y nodwyd uchod, , bydd y gyfraith yn y Cod hwn yn berthnasol i bob gwariant sy’n gysylltiedig â hyrwyddo unrhyw ymgeisydd sy’n sefyll ar restr plaid ar gyfer plaid gofrestredig, neu’r blaid ei hun.

Mae Rhan 1 Atodlen 8 PPERA yn amlinellu’r treuliau sy’n gymwys lle cawsant eu hysgwyddo ‘at ddibenion etholiad’. Mae paragraff 1 Atodlen 8 yn rhestru’r materion sy’n gymwys. Mae paragraff 2 yn rhestru’r eithriadau, gan gynnwys eithriad cyffredinol ar gyfer treuliau rhesymol a ysgwyddwyd y gellir eu priodoli’n rhesymol i ddiogelu unigolion neu eiddo.

Treuliau sydd wedi’u heithrio

Mae Atodlen 8, paragraff 2 PPERA yn nodi rhestr o faterion sydd wedi’u ‘heithrio’ o fod yn ‘dreuliau etholiad’ o fewn ystyr adran 72.

Mae Atodlen 8, paragraff 2(1)(f)(i)1 a 2  yn eithrio unrhyw wariant a ysgwyddwyd mewn perthynas ag unrhyw fater y gellir ei briodoli’n rhesymol i anabledd ymgeisydd.

Mae Atodlen 8, paragraff 2(1)(f)(ii)2  yn eithrio unrhyw wariant a ysgwyddwyd mewn perthynas â, neu o ganlyniad i, gyfieithu rhywbeth o Gymraeg i Saesneg neu o Saesneg i Gymraeg. 

Mae Atodlen 8, paragraff 2(2)(f) yn eithrio unrhyw dreuliau rhesymol a ysgwyddwyd y gellir eu priodoli’n rhesymol i ddiogelu unigolion neu eiddo. 

Dibenion etholiad

Mae ‘at ddibenion etholiad’ wedi’i ddiffinio yn adran 72(4) PPERA. Mae'n golygu:

for the purpose of or in connection with—

(a)     promoting or procuring electoral success for the party at any relevant election, that is to say, the return at any such election of candidates—

(i)     standing in the name of the party, or

(ii)     included in a list of candidates submitted by the party in connection with the election; or

(b)     otherwise enhancing the standing—

(i)     of the party, or

with the electorate in connection with future relevant elections (whether imminent or otherwise).

Gwariant tybiannol

Mae ‘gwariant tybiannol ymgyrch’ yn cyfrif tuag at derfynau gwariant y blaid. O dan adran 73 PPERA, mae gwariant tybiannol ymgyrch yn codi pan fodlonir yr amodau canlynol: 

Yr amod cyntaf yw:

  • bod yr eiddo'n cael ei drosglwyddo i'r blaid am ddim neu gyda gostyngiad o fwy na 10 y cant o werth marchnadol yr eiddo, neu
  • bod  yr eiddo, y gwasanaethau neu'r cyfleusterau yn cael eu darparu i'r blaid am ddim neu gyda gostyngiad o dros 10 y cant o'r gyfradd fasnachol
     

Yr ail amod yw:

  • bod yr eiddo, y gwasnaethau neu'r cyfleusterau yn cael eu defnyddio gan neu ar ran y blaid mewn amgylchiadau sy'n golygu, pe bai neu os yw unrhyw ran o'r treuliau yn cael ei hysgwyddo gan neu ar ran y blaid mewn perthynas â'r defnydd hwnnw, y byddent neu eu bod yn wariant ymgyrchu - h.y. o fewn y categorïau a restir ym mharagraff 1 ac nad ydynt wedi'u heithrio gan baragraff 2 Atodlen 8.
  • Yn y cyd-destun hwn, ni chaiff eiddo, gwasanaethau neu gyfleusterau ond eu defnyddio ar ran y blaid os yw'r defnydd hwnnw wedi'i gyfarwyddo, ei awdurdodi neu ei annog gan y blaid, neu'r trysorydd neu'r dirprwy drysorydd a benodwyd o dan a.74 PPERA.
     

Pan fodlonir yr amodau uchod, ystyrir bod ‘swm priodol’ yn wariant ymgyrchu a ysgwyddwyd gan y blaid a rhaid ei ddatgan fel gwariant ymgyrchu ar ffurflen y blaid. Mae’r gyfraith ar roddion hefyd yn berthnasol i’r rhodd gysylltiedig i’r blaid. 

Y swm priodol yw’r gyfran y gellir ei phriodoli’n rhesymol i ddefnydd yr eitem, o un ai:

  • ei gwerth marchnadol (lle caiff ei throsglwyddo am ddim), neu
  • werth y gostyngiad

Gostyngiadau

Gostyngiadau anfasnachol

Gostyngiadau anfasnachol yw gostyngiadau arbennig a roddir i blaid neu ymgeisydd. Mae hyn yn cynnwys unrhyw gyfraddau arbennig nad ydynt ar gael ar y farchnad agored. 

Pan fydd hyn yn digwydd, bydd gwerth masnachol llawn yr eitem neu’r gwasanaeth yn cyfrif tuag at y terfyn gwariant ac mae’n rhaid adrodd amdano yn y ffurflen wariant.

Gostyngiadau masnachol

Gostyngiadau masnachol yw’r gostyngiadau sydd ar gael i gwsmeriaid tebyg eraill, fel gostyngiadau am archebion swmpus neu ostyngiadau tymhorol. Nid yw'r rhain yn cael eu trin fel gwariant tybiannol.

Adrodd

O dan adran 80 ac 82 PPERA, mae gofyn i bleidiau gwleidyddol gyflwyno ffurflen i’r Comisiwn ar ôl etholiad. Bydd y dyddiad cau ar gyfer cyflwyno yn dibynnu ar y swm mae’r blaid wedi’i wario. Un o’r prif ofynion yw bod yn rhaid i’r ffurflen gynnwys:

a statement of all payments made in respect of campaign expenditure incurred by or on behalf of the party during the relevant campaign period in the relevant part or parts of the United Kingdom.

Trysorydd y blaid sy’n gyfrifol am gwblhau’r ffurflen. Pan fo gan blaid swyddog ymgyrchu wedi’i benodi o dan adran 25 PPERA, nhw sy’n gyfrifol am hyn. 

Mae’n rhaid i drysorydd y blaid lofnodi datganiad bod y ffurflen, hyd eithaf eu gwybodaeth a’u cred, yn gyflawn ac yn gywir. Mae’n drosedd gwneud datganiad ffug yn fwriadol neu’n ddi-hid o dan adran 83 PPERA.
 

 

Canllawiau cyffredinol ar y mathau o dreuliau sy'n gymwys fel gwariant ymgyrchu pan gânt eu hysgwyddo at ddibenion etholiad

Ailddefnyddio eitemau y talwyd amdanynt ac a ddefnyddiwyd mewn etholiad blaenorol

Mae’n rhaid adrodd cost lawn eitem sy’n bodloni’r meini prawf arferol yn y ffurflen yn yr etholiad y defnyddir yr eitem ynddo gyntaf.  Ni ddylai cost eitemau y talwyd amdanynt ac a ddefnyddiwyd mewn etholiad gan blaid wleidyddol gael ei dosrannu neu ei disgowntio gan y gallent neu gan y byddant yn cael eu hailddefnyddio mewn etholiad(au) dilynol.

Bydd cost eitemau a allai neu a fydd yn cael eu hailddefnyddio yn cyfrif tuag at y terfyn gwariant yn yr etholiad cyntaf y byddant yn cael eu defnyddio. Pan ddefnyddir eitem at ddibenion heblaw am ddefnydd mewn etholiad, rhaid adrodd cost y gyfran a ddefnyddir ar gyfer yr etholiad. 

Yn achos eitemau: 

  • y talwyd amdanynt yn llawn (perchnogaeth nid llogi)
  • a ddefnyddiwyd mewn etholiad blaenorol
  • yr adroddwyd amdanynt yn llawn yn ffurflen gwariant y blaid mewn etholiad blaenorol, a
  • nad ydynt wedi'u newid mewn unrhyw ffordd 
     

nid oes rhaid adrodd am eu pris prynu yn y ffurflen gwariant ar gyfer yr un blaid wleidyddol mewn etholiad dilynol, ac nid ydynt yn cyfrif tuag at derfyn gwariant mewn etholiadau dilynol.

Serch hynny, yn achos yr holl gostau a ysgwyddwyd wrth hwyluso ailddefnyddio eitem mewn etholiad dilynol, gan gynnwys:

  • glanhau
  • newid a/neu ychwanegu
  • cynnal a chadw
  • ailddatblygu
     

rhaid adrodd amdanynt ar ffurflen yr etholiad dilynol lle defnyddir yr eitemau unwaith eto. 

Mae’r costau a ysgwyddwyd wrth hwyluso’r ailddefnydd yn cyfrif tuag at y terfyn gwariant yn yr etholiad dilynol yr ailddefnyddir yr eitem ynddo.

  • Mae plaid yn prynu cyfres o fyrddau Correx. Mae’r blaid yn eu defnyddio yn etholiad y Senedd ac yn adrodd amdanynt yn ei ffurflen ar gyfer yr etholiad hwnnw. Bum mlynedd yn ddiweddarach, mae’r blaid yn defnyddio’r byrddau Correx unwaith eto. Cyn eu defnyddio, maen nhw’n trefnu eu glanhau a, lle bo angen, eu disodli. Yn ei ffurflen, mae’r blaid yn cynnwys cost glanhau a disodli’r byrddau Correx.
  • Mae plaid yn prynu meddalwedd mae'n ei defnyddio i dargedu pleidleiswyr. Mae’r blaid yn defnyddio’r feddalwedd yn etholiad y Senedd. Mae’r blaid yn adrodd amdani yn ei ffurflen yn yr etholiad hwnnw. Yn y cyfnod rhwng yr etholiadau, mae’r blaid yn diweddaru ac yn cynnal y system. Yn yr etholiad nesaf lle caiff y system ei defnyddio, mae’r blaid yn adrodd cost diweddaru a chynnal y system. 
  • Mae plaid yn prynu meddalwedd i ddal a phrosesu gwybodaeth am bleidleiswyr. Mae’r wybodaeth yn cael ei chasglu o’r gofrestr etholiadol y mae gan y blaid hawl i gopi ohoni. Nid oes angen adrodd am y gost o gael mynediad at y data hwnnw. 

Defnyddiodd y blaid y feddalwedd hon at ddibenion eraill hefyd, fel cadw data aelodau. Mae’r wybodaeth yn cael ei diweddaru drwy ganfasio o dŷ i dŷ. Nid oes costau’n rhan o’r canfasio gan mai gwirfoddolwyr sy’n gwneud hynny.

Cynhelir etholiad y Senedd. Mae’r blaid yn dosrannu cost y feddalwedd ar sail ei defnydd. Nid yw’r gost gyfan ar gyfer etholiad y blaid. Mae’r blaid yn adrodd yn ffurflen yr etholiad hwnnw beth yw cyfran cost y feddalwedd sy’n berthnasol i’r etholiad. Mewn etholiadau dilynol, dim ond ar gost cynnal a chadw’r feddalwedd a’r gronfa ddata mae’r blaid yn adrodd.

Eitemau heb eu defnyddio o gwbl 

Ni chaiff eitemau y talwyd amdanynt ond nas defnyddir mewn etholiad eu hystyried fel eitemau a ysgwyddwyd at ddibenion etholiad, ac nid oes angen adrodd amdanynt yn y ffurflen. 

Treuliau a ysgwyddwyd cyn dechrau'r cyfnod a reoleiddir 

Mae’n rhaid adrodd am dreuliau a ysgwyddwyd cyn dechrau’r cyfnod a reoleiddir, ar eitemau a ddefnyddiwyd yn ystod y cyfnod a reoleiddir, yn y ffurflen. Felly, mae cost  eitemau a ddefnyddiwyd yn ystod y cyfnod a reoleiddir ond a brynwyd cyn dechrau’r cyfnod a reoleiddir yn cyfrif tuag at derfyn gwariant y blaid. 

TAW

Mae’n rhaid i’r treuliau yr adroddir amdanynt gynnwys TAW lle bo’n berthnasol, hyd yn oed lle gellir adennill TAW.

Os caiff TAW ei chodi ar eitem, mae’r swm TAW yn cyfrif tuag at y terfyn gwariant.

Gorbenion a chostau cysylltiedig

Pan ysgwyddir gorbenion a chostau cysylltiedig, y swm sy’n cyfrif fel gwariant ymgyrch yw’r gyfran sy’n adlewyrchu’n rhesymol y defnydd yn ystod yr ymgyrch. Dyna’r gyfran y mae’n rhaid ei chynnwys ar y ffurflen ac sy’n cyfrif tuag at y terfyn gwariant.

Mae hyn yn berthnasol i eitemau fel:

  • gwagle swyddfa
  • adrethi busnes
  • biliau trydan
  • darparu llinellau ffôn a mynediad i'r rhyngrwyd
  • ffonau symudol
  • offer swyddfa o unrhyw fath

Yn gyffredinol, y gyfran sy'n adlewyrchiad rhesymol o ddefnydd yw'r swm a ysgwyddir sy'n mynd y tu hwnt i'r costau arferol mewn cyfnod penodol.

 

Mae plaid yn talu swm safonol y mis am drydan. Yn y cyfnod yn arwain at yr etholiad, mae’n mynd i gostau uwch na fyddai’n eu talu fel arfer. Y swm ychwanegol yw’r swm y mae’n rhaid adrodd amdano ar y ffurflen. 

Mae unrhyw gostau cysylltiedig eraill hefyd yn cyfrif fel gwariant ymgyrch, felly mae’n rhaid adrodd amdanynt a’u hystyried yn y terfyn gwariant.

Eitemau sydd wedi'u heithrio

Nid yw cost dŵr, nwy, treth gyngor na gofal plant yn dreuliau sy’n dod o fewn cwmpas Rhan 1 Atodlen 8 PPERA. Ni ystyrir eu bod wedi’u cysylltu’n ddigon agos â’r materion a restrir yno. Nid oes angen adrodd amdanynt.

 

Atodlen 8, paragraff 1 PPERA

Nodiadau cyffredinol

Nid yw’r Cod hwn yn gynhwysfawr

Mae’r rhan hon o’r Cod yn cynnwys rhestrau nad ydynt yn hollgynhwysol o faterion sy’n berthnasol at ddibenion pob categori yn Atodlen 8, paragraff 1. Dylid felly adrodd amdanynt mewn ffurflen gwariant os yw’r treuliau cysylltiedig yn cael eu hysgwyddo gan neu ar ran plaid at ddibenion etholiad. 

Fel y nodir uchod, yn amodol ar yr eithriadau, bydd gwariant sy’n gysylltiedig â hyrwyddo ymgeisydd sydd ar restr plaid gofrestredig neu’r blaid ei hun wedi’i gwmpasu yn y Cod hwn.

Gwariant tybiannol

Mae’r Cod hwn yn berthnasol i wariant tybiannol ar ran plaid wleidyddol yn yr un modd ag y mae’n berthnasol i wariant a gaiff ei ysgwyddo gan blaid wleidyddol, oni nodir yn wahanol.

Costau nad ydynt wedi'u cynnwys

Mae’r adran hon o’r Cod yn egluro paragraff 1 Atodlen 8 PPERA. Ni ddylid ystyried bod unrhyw beth ynddi yn addasu’r rhestr o eithriadau a nodir ym mharagraff 2 Atodlen 8 PPERA, sydd wedi’i hatgynhyrchu isod.  

Yn ogystal â’r eithriadau a gaiff eu hatgynhyrchu isod, unrhyw dreuliau rhesymol a ysgwyddwyd y gellir eu priodoli’n rhesymol i ddiogelu unigolion neu eiddo. 

(1)  Nothing in paragraph 1 shall be taken as extending to—


(a)  any expenses in respect of newsletters or similar publications issued by or on behalf of the party with a view to giving electors in a particular electoral area information about the opinions or activities of, or other personal information relating to, their elected representatives or existing or prospective candidates;


(b)  any expenses incurred in respect of unsolicited material addressed to party members;


(c)  any expenses in respect of any property, services or facilities so far as those expenses fall to be met out of public funds;


(d)  any expenses incurred in respect of the remuneration or allowances payable to any member of the staff (whether permanent or otherwise) of the party; 
 

(e)  any expenses incurred in respect of an individual by way of travelling expenses (by any means of transport) or in providing for his accommodation or other personal needs to the extent that the expenses are paid by the individual from his own resources and are not reimbursed to him; or

(f)  any expenses incurred in respect of a Senedd Cymru election or a local government election in Wales:

  • (i) relating to any matter that is reasonably attributable to the candidate’s     disability, to the extent that the expenses in respect of the matter are     reasonably incurred; and
  • (ii) in respect of, or in consequence of, the translation of anything from Welsh into English or from English into Welsh.

(3)  In relation to sub-paragraph 2(1)(f)(i) “disability”, has the same meaning as in section 6 of the Equality Act 2010
 

Atodlen 8, paragraff 1(1)

Party political broadcasts.

Expenses in respect of such broadcasts include agency fees, design costs and other costs in connection with preparing or producing such broadcasts.

Mae’r paragraff hwn yn cynnwys:

Gwasanaethau, safleoedd, cyfleusterau neu offer a ddarperir gan eraill

Mae hyn yn cynnwys cost defnyddio neu logi unrhyw:

  • asiantaeth, unigolyn neu sefydliad
  • gwasanaethau a ddarperir gan asiantaeth, unigolyn neu sefydliad
  • safle neu gyfleusterau
  • offer
     

i baratoi, llunio neu hwyluso’r gwaith o lunio cynnwys neu ddarlledu’r cynnwys.

Gorbenion a chostau cysylltiedig

Mae’n cynnwys cost meddalwedd o unrhyw fath a ddefnyddir ar unrhyw ddyfais ar gyfer dylunio a llunio deunydd yn fewnol.

Er enghraifft, ffi drwyddedu ar gyfer meddalwedd i'w defnyddio ar gyfer dylunio cynnwys i’w ddarlledu. 

Mae’n cynnwys cost prynu a defnyddio unrhyw offer i baratoi, llunio, neu hwyluso’r gwaith o lunio neu ddarlledu’r cynnwys. 

Mae’n cynnwys cyfran berthnasol o gost:

  • safle swyddfa
  • adrethi busnes
  • trydan
  • rhentu ffôn a mynediad i’r rhyngrwyd 

sy’n gysylltiedig â pharatoi, llunio, hwyluso’r gwaith o lunio a/neu ddarlledu’r cynnwys.

Mae'n cynnwys cost bwyd a/neu lety i unrhyw unigolyn sy'n darparu gwasanaethau mewn perthynas â’r darllediad ar gyfer y blaid pan fo’r blaid yn talu amdano neu'n ei ad-dalu.

Atodlen 8, paragraff 1(2)

Advertising of any nature (whatever the medium used).

Expenses in respect of such advertising include agency fees, design costs and other costs in connection with preparing, producing, distributing or otherwise disseminating such advertising or anything incorporating such advertising and intended to be distributed for the purpose of disseminating it.

Mae’r paragraff hwn yn cynnwys:

Gwasanaethau, safleoedd, cyfleusterau neu offer a ddarperir gan eraill

Mae hyn yn cynnwys cost defnyddio neu logi unrhyw: 

  • asiantaeth, unigolyn neu sefydliad
  • gwasanaethau a ddarperir gan asiantaeth, unigolyn neu sefydliad
  • safle neu gyfleusterau
  • offer

a ddefnyddir i: 

  • baratoi, cynhyrchu neu hwyluso'r broses o gynhyrchu deunydd ar gyfer hysbyseb
  • lledaenu deunydd hysbysebu drwy ddosbarthu neu fel arall
     

Er enghraifft, llogi ffotograffydd a safle i gynhyrchu delweddau i'w defnyddio mewn deunydd hysbysebu. 

Costau penodol mewn perthynas â chynhyrchu neu ledaenu deunydd hysbysebu digidol neu electronig

Mae'n cynnwys cost meddalwedd o unrhyw fath i'w defnyddio ar unrhyw ddyfais i: 

  • ddylunio a chynhyrchu deunydd hysbysebu yn fewnol
  • lledaenu neu hwyluso'r broses o ledaenu deunydd hysbysebu

p'un a gaiff y deunydd hwnnw ei ddosbarthu'n ddigidol, yn electronig neu drwy ddulliau eraill.

Er enghraifft, ffi drwyddedu neu feddalwedd i'w defnyddio ar unrhyw ddyfais.

Mae'n cynnwys cost defnyddio neu logi unrhyw: 

  • asiantaeth, unigolyn neu sefydliad
  • gwasanaethau a ddarperir gan asiantaeth, unigolyn neu sefydliad
  • safle neu gyfleusterau
  • offer

a ddefnyddir i:

  • baratoi, cynhyrchu neu hwyluso'r broses o gynhyrchu deunydd hysbysebu digidol neu electronig
  • dosbarthu neu hwyluso'r broses o ledaenu'r deunydd hysbysebu hwnnw mewn unrhyw ffordd

gan gynnwys unrhyw gost y gellir ei phriodoli i wneud y cynnwys yn fwy gweladwy drwy unrhyw ddull. 

Er enghraifft, prynu lle mwy blaenllaw ar dudalen mewn chwilotwr.

Mae’n cynnwys cost paratoi, llunio neu hwyluso’r gwaith o lunio deunydd hysbysebu ar gyfer:

  • ei lawrlwytho a'i ddefnyddio gan eraill
  • ei rannu a hyrwyddo'r blaid drwy unrhyw fath o sianel neu lwyfan cyfryngau cymdeithasol

Er enghraifft, costau cynhyrchu deunydd hysbysebu yn hyrwyddo'r blaid a gaiff ei rannu ar dudalen ar sianel cyfryngau cymdeithasol yn annog dilynwyr i'w rannu.

Mae'n cynnwys cost cyrchu, prynu, datblygu a chynnal unrhyw rwydwaith digidol neu rwydwaith arall sy'n:

  • hwyluso'r broses o ddosbarthu neu ledaenu deunydd hysbysebu drwy unrhyw ddull
  • hyrwyddo deunydd hysbysebu neu'n ei wneud yn fwy gweladwy drwy unrhyw ddull 

Er enghraifft, prynu hunaniaethau digidol a ddefnyddir i wneud i ddeunydd ymddangos fel petai wedi cael ei weld a'i gymeradwyo gan nifer mawr o ddefnyddwyr ar lwyfan y cyfryngau cymdeithasol.

Mae'n cynnwys costau:

  • lletya a chynnal gwefan neu ddeunydd electronig/digidol arall sy'n hyrwyddo'r blaid
  • dylunio ac adeiladu'r wefan
  • cyfran o unrhyw wefan neu ddeunydd sy'n cael ei sefydlu i godi arian ar gyfer y blaid ond sydd hefyd yn hyrwyddo'r blaid yn ystod y cyfnod a reoleiddir

Costau eraill sydd wedi’u cynnwys yn Atodlen 8, paragraff 1(2)

Mae'n cynnwys cost unrhyw hawliau neu ffi drwyddedu ar gyfer unrhyw ddelwedd a ddefnyddir wrth gynhyrchu deunydd hysbysebu. 

Mae’n cynnwys cost prynu a defnyddio unrhyw offer yn ymwneud â:

  • pharatoi, cynhyrchu neu hwyluso'r broses o gynhyrchu'r deunydd hysbysebu
  • i ledaenu deunydd hysbysebu drwy ddosbarthu neu fel arall

Mae'n cynnwys cost: 

  • papur neu unrhyw gyfrwng arall y mae'r deunydd hysbysebu yn cael ei argraffu arno
  • arddangos hysbysebion yn ffisegol mewn unrhyw leoliad, er enghraifft clymau neu lud i osod posteri

Mae'n cynnwys cost prynu, llogi neu ddefnyddio: 

  • offer llungopïo
  • offer argraffu

i'w ddefnyddio wrth argraffu deunydd hysbysebu. 

Mae’n cynnwys cyfran berthnasol o gost:

  • safle swyddfa
  • adrethi busnes
  • trydan
  • rhentu ffôn a mynediad i’r rhyngrwyd

mewn cysylltiad â:

  • pharatoi, cynhyrchu neu hwylyso'r broses o gynhyrchu'r deunydd hysbysebu
  • i ledaenu deunydd hysbysebu drwy ddosbarthu neu fel arall

Mae'n cynnwys cost bwyd a/neu lety i unrhyw unigolyn sy'n darparu gwasanaethau mewn perthynas â deunydd hysbysebu ar gyfer y blaid pan fo’r blaid yn talu amdano neu'n ei ad-dalu. 


 

Atodlen 8, paragraff 1(3)

Unsolicited material addressed to electors (whether addressed to them by name or intended for delivery to households within any particular area or areas).

Expenses in respect of such material include design costs and other costs in connection with preparing, producing or distributing such material (including the cost of postage).

Mae’r paragraff hwn yn cynnwys:

Costau sy'n gysylltiedig â chael gwybodaeth a thargedu neu nodi pleidleiswyr, gan gynnwys costau cronfeydd data

Mae hyn yn cynnwys cost cyrchu, cael, prynu, datblygu neu gynnal:

  • meddalwedd TG neu gronfeydd data o fanylion cyswllt
  • unrhyw wybodaeth, drwy ba bynnag ddull

a ddefnyddir i hwyluso'r broses o anfon deunydd digymell at bleidleiswyr. 

Er enghraifft, prynu cyfeiriadau e-bost.

Mae'n cynnwys cost cyrchu, cael neu ddatblygu setiau data, gan gynnwys dadansoddeg data i dargedu pleidleiswyr drwy ba ddull bynnag, gan gynnwys cost asiantaethau, sefydliadau neu bobl eraill sy'n nodi grwpiau o bleidleiswyr, drwy ba ddull bynnag. 

Er enghraifft, cost unrhyw asiantaeth a gaiff ei thalu i ddadansoddi cynnwys cyfryngau cymdeithasol er mwyn hwyluso'r broses o dargedu pleidleiswyr mewn ardaloedd etholiadol a chost modelu gan asiantaeth sy'n seiliedig ar y dadansoddiad hwnnw. 

Mae'n cynnwys cost unrhyw wasanaethau i nodi pleidleiswyr sy'n cael eu prynu, eu datblygu neu eu darparu cyn y cyfnod a reoleiddir, ond a ddefnyddir i dargedu pleidleiswyr yn ystod y cyfnod a reoleiddir.

Lle ceir gwybodaeth neu fynediad at wybodaeth gan drydydd parti, mae cost fasnachol cael yr wybodaeth honno gan y trydydd parti wedi'i chynnwys. 

Costau sy’n gysylltiedig â pharatoi, cynhyrchu neu ddosbarthu deunydd digymell i bleidleiswyr, gan gynnwys drwy ddulliau digidol

Mae hyn yn cynnwys cost defnyddio neu logi unrhyw: 

  • asiantaeth, unigolyn neu sefydliad
  • gwasanaethau a ddarperir gan asiantaeth, unigolyn neu sefydliad
  • safle neu gyfleusterau
  • offer

a ddefnyddir i:

  • baratoi, cynhyrchu neu hwyluso'r broses o gynhyrchu'r deunydd digymell
  • lledaenu'r deunydd digymell drwy ei ddosbarthu neu fel arall, gan gynnwys unrhyw gost y gellir ei phriodoli i wneud y deunydd yn fwy gweladwy drwy unrhyw ddull

Mae'n cynnwys cost dosbarthu deunydd drwy unrhyw ddull gan gynnwys dulliau electronig neu ddosbarthu'r deunydd yn ffisegol, er enghraifft cost amlenni a stampiau neu brynu system ar gyfer anfon negeseuon e-bost. 

Mae'n cynnwys cost cyrchu, datblygu a chynnal unrhyw rwydwaith digidol neu rwydwaith arall sy'n hyrwyddo deunydd digymell ar unrhyw lwyfan neu sy'n ei wneud yn fwy gweladwy ar unrhyw lwyfan. 

Er enghraifft, os bydd plaid yn talu datblygwr i greu ap sy'n hwyluso'r broses o dargedu ei ddeunydd ar sianel cyfryngau cymdeithasol.   

Mae'n cynnwys cost goruchwylio a chynnal pob cyfrwng cymdeithasol, dull digidol neu ddulliau eraill o ddosbarthu deunydd digymell. Mae hyn yn cynnwys cynnal pob cyfrif ar y cyfryngau cymdeithasol, gan gynnwys os yw'n cael ei gynnal gan endid/unigolyn arall.

Costau eraill sydd wedi’u cynnwys yn Atodlen 8, paragraff 1(3)

Mae'n cynnwys cost unrhyw hawliau neu ffi drwyddedu ar gyfer unrhyw ddelwedd a ddefnyddir wrth gynhyrchu deunydd digymell. 

Mae'n cynnwys cost papur neu unrhyw gyfrwng arall y mae'r deunydd digymell yn cael ei argraffu arno.

Mae’n cynnwys cost prynu a defnyddio unrhyw offer yn ymwneud â: 

  • pharatoi, cynhyrchu neu hwyluso'r broses o gynhyrchu'r deunydd digymell
  • lledaenu'r deunydd digymell drwy ei ddosbarthu neu fel arall

Mae'n cynnwys cost prynu, llogi neu ddefnyddio: 

  • offer llungopïo
  • offer argraffu

i'w ddefnyddio wrth argraffu denydd digymell.

Mae’n cynnwys cyfran berthnasol o gost:

  • safle swyddfa
  • adrethu busnes
  • trydan
  • rhentu ffôn a mynediad i’r rhyngrwyd

sy’n gysylltiedig â’r gwaith o baratoi, llunio, lledaenu a dosbarthu deunydd digymell.

Mae’n cynnwys cost bwyd a/neu lety ar gyfer unrhyw unigolyn sy’n darparu gwasanaethau mewn perthynas â deunydd digymell ar gyfer y blaid, pan fo’r blaid yn talu amdano neu’n ei ad-dalu.

Costau sydd wedi’u heithrio o Atodlen 8, paragraff 1(3)

Nid yw’n cynnwys cost postio’r anerchiad etholiadol am ddim fel yr amlinellir yn erthygl 65 o Orchymyn 2007.

Nid yw'n cynnwys unrhyw gost sy'n gysylltiedig â chael data fel y'i caniateir drwy statud neu reoliad.

Er enghraifft, mae gan bleidiau gwleidyddol hawl i gopi o’r gofrestr etholiadol drwy reoliad 102 o Reoliadau Cynrychiolaeth y Bobl (Cymru a Lloegr) 2001.

Atodlen 8, paragraff 1(4)

Any manifesto or other document setting out the party’s policies.

Expenses in respect of such a document include design costs and other costs in connection with preparing or producing or distributing or otherwise disseminating any such document.

Mae’r paragraff hwn yn cynnwys:

Gwasanaethau, safleoedd, cyfleusterau neu offer a ddarperir gan eraill

Mae hyn yn cynnwys cost defnyddio neu logi unrhyw: 

  • asiantaeth, unigolyn neu sefydliad
  • gwasanaethau a ddarperir gan asiantaeth, unigolyn neu sefydliad
  • safle neu gyfleusterau
  • cyfarpar

a ddefnyddir i:

  • paratoi, cynhyrchu neu hwyluso'r broses o gynhyrchu unrhyw faniffesto neu ddogfen arall
  • lledaenu neu ddosbarthu'r maniffesto neu ddogfen arall, drwy unrhyw fodd

gan gynnwys unrhyw gost y gellir ei phriodoli i wneud y cynnwys yn fwy gweladwy drwy unrhyw ddull. 

Er enghraifft, prynu lle mwy blaenllaw ar dudalen mewn chwilotwr.

Mae’n cynnwys y gost o sicrhau bod y maniffesto neu ddogfen arall ar gael ar ffurf electronig neu gopi caled a phob dull o’i ddosbarthu. 

Costau eraill sydd wedi’u cynnwys yn Atodlen 8, paragraff 1(4)

Mae'n cynnwys cost unrhyw hawliau neu ffi drwyddedu ar gyfer unrhyw ddelwedd a ddefnyddir wrth gynhyrchu maniffesto neu ddogfen arall. 

Mae'n cynnwys cost papur neu unrhyw gyfrwng arall y mae'r maniffesto neu ddogfen arall yn cael ei argraffu arno.

Mae’n cynnwys cost prynu a defnyddio unrhyw offer yn ymwneud â: 

  • paratoi, cynhyrchu neu hwyluso'r broses o gynhyrchu'r maniffesto neu ddogfen arall
  • lledaenu'r maniffesto neu ddogfen arall drwy ei ddosbarthu neu fel arall

Mae'n cynnwys cost prynu neu logi: 

  • offer llungopïo
  • offer argraffu

i’w ddefnyddio i argraffu’r maniffesto neu ddogfen arall. 

Mae’n cynnwys cyfran berthnasol o gost: 

  • safle swyddfa
  • adrethi busnes
  • trydan
  • rhentu ffôn a mynediad i’r rhyngrwyd 

sy’n gysylltiedig ag unrhyw gostau mewnol ar gyfer dylunio’r maniffesto neu ddogfen arall ac ar gyfer ei lunio a’i ddosbarthu.

Mae'n cynnwys cost bwyd a/neu lety i unrhyw unigolyn sy'n darparu gwasanaethau mewn perthynas â’r maniffesto neu ddogfen arall ar gyfer y blaid pan fo’r blaid yn talu amdano neu'n ei ad-dalu.
 

Atodlen 8, paragraff 1(5)

Market research or canvassing conducted for the purpose of ascertaining polling intentions.

Mae’r paragraff hwn yn cynnwys:

Gwasanaethau, safleoedd, cyfleusterau neu offer a ddarperir gan eraill

Mae hyn yn cynnwys cost defnyddio neu logi unrhyw:

  • asiantaeth, unigolyn neu sefydliad
  • gwasanaethau a ddarperir gan asiantaeth, unigolyn neu sefydliad
  • safle neu gyfleusterau
  • cyfarpar

a ddefnyddir i:

  • paratoi, llunio neu hwyluso gwaith canfasio neu ymchwil y farchnad
  • cynnal neu gydlynu gwaith canfasio neu ymchwil y farchnad
  • cofnodi neu ddadansoddi, neu ddefnyddio mewn ffordd arall, ganlyniadau unrhyw weithgarwch ymchwil y farchnad neu ganfasio

Er enghraifft, cost defnyddio banciau ffôn i gysylltu â phleidleiswyr, gan gynnwys datblygu sgriptiau i’w defnyddio gan weithwyr y banc ffôn sydd wedi’u dylunio i ddylanwadu ar bleidleiswyr.

Costau casglu neu gynnal data

Mae hyn yn cynnwys cost cyrchu, prynu, datblygu a chynnal:

  • meddalwedd TG neu gronfeydd data o fanylion cyswllt
  • setiau data, gan gynnwys defnydd o ddadansoddeg data

i hwyluso neu i gynnal ymchwil y farchnad neu ganfasio. 

Er enghraifft, mae'n cynnwys y gost o gynnal gwaith gwrando ar y cyfryngau cymdeithasol a dadansoddi'r canlyniadau i ddadansoddi bwriad pleidleiswyr. Mae’n cynnwys costau a ysgwyddir cyn y cyfnod a reoleiddir pan ddefnyddir y data wedyn yn ystod y cyfnod a reoleiddir.  

Costau eraill sydd wedi’u cynnwys yn Atodlen 8, paragraff 1(5)

Mae’n cynnwys cost prynu a defnyddio unrhyw offer sydd ei angen i:

  • paratoi, llunio neu hwyluso gwaith canfasio neu ymchwil y farchnad
  • cynnal neu gydlynu gwaith canfasio neu ymchwil y farchnad
  • cofnodi neu ddadansoddi, neu ddefnyddio mewn ffordd arall, ganlyniadau unrhyw weithgarwch ymchwil y farchnad neu ganfasio

Er enghraifft: 

  • gliniaduron neu lechi os cânt eu defnyddio ar gyfer gwaith canfasio
  • ffonau symudol os cânt eu defnyddio gan arweinydd/cydlynydd y canfasio

Mae’n cynnwys cost cyfran berthnasol o: 

  • safle swyddfa
  • adrethi busnes
  • trydan
  • rhentu ffôn a mynediad i’r rhyngrwyd 

sy’n gysylltiedig ag ymchwil y farchnad neu ganfasio.

Mae’n cynnwys cost bwyd a/neu lety ar gyfer unrhyw unigolyn sy’n darparu gwasanaethau mewn perthynas â gwaith ymchwil y farchnad neu ganfasio ar gyfer y blaid, pan fo’r blaid yn talu amdano neu’n ei ad-dalu. 
 

Atodlen 8, paragraff 1(6)

The provision of any services or facilities in connection with press conferences or other dealings with the media.

Mae’r paragraff hwn yn cynnwys: 

Costau cynadleddau’r wasg neu ymwneud arall â’r cyfryngau

Mae hyn yn cynnwys cost defnyddio neu logi unrhyw:

  • asiantaeth, unigolyn neu sefydliad
  • gwasanaethau a ddarperir gan asiantaeth, unigolyn neu sefydliad
  • safle neu gyfleusterau
  • cyfarpar

a ddefnyddir i baratoi, llunio, hwyluso neu gynnal cynadleddau i'r wasg neu ymwneud arall â'r cyfryngau.

Mae'n cynnwys cost tanysgrifiadau neu feddalwedd cyfryngau neu’r wasg arbenigol.

Costau eraill sydd wedi’u cynnwys yn Atodlen 8, paragraff 1(6)

Mae’n cynnwys cost unrhyw ffi hawliau neu drwyddedu ar gyfer unrhyw ddelwedd a ddefnyddir wrth baratoi, llunio, hwyluso neu gynnal cynadleddau i’r wasg neu ymwneud arall â’r cyfryngau.

Mae’n cynnwys cost prynu neu ddefnyddio unrhyw offer mewn perthynas â pharatoi, llunio, hwyluso neu gynnal cynadleddau i’r wasg neu ymwneud arall â’r cyfryngau.

Mae’n cynnwys cyfran berthnasol o gost:

  • safle swyddfa
  • adrethi busnes
  • trydan
  • rhentu ffôn a mynediad i’r rhyngrwyd 

sy’n gysylltiedig ag ymdrin â’r cyfryngau, fel cydlynu cynadleddau i’r wasg neu weithgarwch cyfryngau, neu ddrafftio datganiadau i’r wasg, neu weithgareddau eraill sy’n ymwneud â’r cyfryngau, gan gynnwys pan fo gan blaid gyfleusterau cynadledda i’r wasg ar ei eiddo eisoes.

Mae'n cynnwys cost bwyd a/neu lety i unrhyw unigolyn sy'n darparu gwasanaethau mewn perthynas â chynadleddau’r wasg neu ymwneud arall â’r cyfryngau, ar gyfer y blaid pan fo’r blaid yn talu amdano neu'n ei ad-dalu. 

Atodlen 8, paragraff 1(7)

Transport (by any means) of persons to any place or places with a view to obtaining publicity in connection with an election campaign.

Expenses in respect of the transport of such persons include the costs of hiring a particular means of transport for the whole or part of the period during which the election campaign is being conducted.

Mae’r paragraff hwn yn cynnwys:

Cludo gwirfoddolwyr ac ymgyrchwyr

Mae'n cynnwys cost cludo: 

  • gwirfoddolwyr
  • aelodau o'r blaid, gan gynnwys aelodau o staff
  • ymgyrchwyr eraill

o gwmpas yr ardal etholiadol, neu i'r ardal etholiadol ac oddi yno, gan gynnwys cost:

  • tocynnau ar gyfer unrhyw gludiant, gan gynnwys unrhyw ffi archebu
  • llogi unrhyw gludiant
  • tanwydd a brynwyd neu gostau gwefru cerbydau trydan ar gyfer unrhyw gludiant
  • parcio ar gyfer unrhyw gludiant

lle maent yn ymgyrchu ar ran y blaid.

Mae'n cynnwys cost cludiant y telir amdano gan unrhyw unigolyn, plaid wleidyddol neu drydydd parti arall y bydd y blaid wleidyddol neu drydydd parti yn talu amdano neu'n ei ad-dalu, lle roedd yr unigolion a oedd yn cael eu cludo yn ymgyrchu neu'n ymgymryd â gweithgareddau a oedd yn gysylltiedig â'r ymgyrch ar ran y blaid.

Costau eraill sydd wedi’u cynnwys yn Atodlen 8, paragraff 1(7)

Mae'n cynnwys cost defnyddio neu logi unrhyw gerbyd neu fath o gludiant sy'n arddangos deunydd sy'n hyrwyddo'r blaid, gan gynnwys unrhyw gostau sy'n gysylltiedig â: 

  • dylunio cynllun a'i osod ar y cerbyd neu'r math o gludiant
  • teithio rhwng ardaloedd etholiadol
  • teithio o amgylch ardal etholiadol
  • ffioedd parcio lle defnyddir cerbyd i arddangos deunydd

Mae’n cynnwys cyfran o gost:

  • safle swyddfa
  • adrethi busnes
  • trydan
  • rhentu ffôn a mynediad i’r rhyngrwyd

pan fo'r rhain yn gysylltiedig â’r gwaith o gynllunio, archebu neu ddefnyddio cludiant o unrhyw fath, neu pan fo cerbyd neu fath o gludiant yn cael ei baratoi i'w ddefnyddio mewn ardaloedd etholiadol. Er enghraifft, cost dylunio a gosod y dyluniad sy’n hyrwyddo'r blaid ar ochr bws.

Mae'n cynnwys yr holl gostau cludiant sy'n gysylltiedig â materion gwariant eraill. Er enghraifft, cludo rhywun i rali.

Atodlen 8, paragraff 1(8)

Rallies and other events, including public meetings (but not annual or other party conferences) organised so as to obtain publicity in connection with an election campaign or for other purposes connected with an election campaign.

Expenses in respect of such events include costs incurred in connection with the attendance of persons at such events, the hire of premises for the purposes of such events or the provision of goods, services or facilities at them.

Mae’r paragraff hwn yn cynnwys: 

Gwasanaethau, safleoedd, cyfleusterau neu offer a ddarperir gan eraill

Mae hyn yn cynnwys cost defnyddio neu logi unrhyw:

  • asiantaeth, unigolyn neu sefydliad
  • gwasanaethau a ddarperir gan asiantaeth, unigolyn neu sefydliad
  • safle neu gyfleusterau
  • offer

a ddefnyddir i:

  • hyrwyddo rali neu ddigwyddiad arall
  • cynnal rali neu ddigwyddiad arall i hyrwyddo'r blaid
  • i ffrydio neu ddarlledu rali neu ddigwyddiad arall mewn unrhyw ffordd

Costau eraill sydd wedi’u cynnwys yn Atodlen 8, paragraff 1(8)

Mae'n cynnwys cost hyrwyddo neu hysbysebu'r digwyddiad, drwy unrhyw ddull. 

Mae'n cynnwys cost digwyddiad sy'n cael ei gynnal drwy ddolen o unrhyw fath neu sy'n cael ei ffrydio'n fyw neu ei ddarlledu, pan fo’r digwyddiad hwnnw yn agored i'w weld gan ddefnyddwyr sianel neu lwyfan neu drwy ddull arall. 

Mae'n cynnwys cost darparu unrhyw nwyddau, gwasanaethau neu gyfleusterau yn y digwyddiad, er enghraifft cost llogi seddi. 

Mae'n cynnwys cost prynu unrhyw offer mewn perthynas â: 

  • cynnal cyfarfod cyhoeddus i hyrwyddo'r blaid
  • ffrydio cyfarfod cyhoeddus yn fyw neu ei ddarlledu drwy unrhyw ddull

Mae'n cynnwys cyfran berthnasol o gost:

  • safle swyddfa
  • adrethi busnes
  • trydan
  • rhentu ffôn a mynediad i’r rhyngrwyd

sy'n gysylltiedig â:

  • hyrwyddo rali neu ddigwyddiad arall
  • cynnal rali neu ddigwyddiad arall i hyrwyddo'r blaid
  • i ffrydio neu ddarlledu rali neu ddigwyddiad arall mewn unrhyw fodd

Mae’n cynnwys cost bwyd a/neu lety ar gyfer unrhyw unigolyn sy’n darparu gwasanaethau mewn perthynas â:

  • hyrwyddo rali neu ddigwyddiad arall
  • cynnal rali neu ddigwyddiad i hyrwyddo'r blaid
  • i ffrydio neu ddarlledu rali neu ddigwyddiad arall mewn unrhyw fodd

Page history

Cyhoeddwyd gyntaf: 23 Ebrill 2025

Diweddarwyd ddiwethaf: 19 Mehefin 2025