Safonau perfformiad i Swyddogion Canlyniadau a Swyddogion Cofrestru Etholiadol: ymateb i’r ymgynghoriad

Gwnaethom ddechrau cynnal ymgynghoriad 10 wythnos ar fframwaith safonau perfformiad drafft i Swyddogion Canlyniadau ym mis Mehefin 2022. Amlygodd hyn y safonau arfaethedig newydd sydd â’r bwriad o ddarparu fframwaith gwydn ar gyfer cynnal etholiadau llwyddiannus, cefnogi gweithrediad newidiadau deddfwriaethol yn effeithiol ac yn gyson, a sicrhau adrodd tryloyw ar sut mae etholiadau wedi’u cynnal ar lefel lleol a ledled Prydain Fawr. Ceisiodd yr ymgynghoriad hefyd safbwyntiau ar ddiweddariadau i safonau perfformiad Swyddogion Cofrestru Etholiadol, a gafodd eu hadolygu diwethaf yn 2021, i adlewyrchu’r cyfrifoldebau newydd sy’n codi o Ddeddf Etholiadau 2022.

Mae’r adborth rydym wedi’i gael wedi bod yn bositif ac ar y cyfan, roedd yr ymatebwyr yn cytuno bod y safonau – gyda rhai mân newidiadau – yn cwmpasu ystod o gyfrifoldebau’r Swyddog Canlyniadau ac, ochr yn ochr â’n canllawiau, y byddant yn effeithiol o ran cefnogi Swyddogion Canlyniadau i gynllunio ar gyfer etholiadau a’u cynnal.

Mae’r adborth a ddarparwyd yn ystod yr ymgynghoriad wedi cael ei ddefnyddio i lywio’r safonau terfynol -sydd wedi’u gosod gerbron Llywodraethau Cymru, yr Alban a’r DU erbyn hyn - a’r dull o ran sut y cânt eu defnyddio. Mae crynodeb o brif themâu’r adborth a gafwyd yn ystod yr ymgynghoriad a’n hymateb i’r pwyntiau a godwyd wedi’i gosod isod.

Byddwn yn defnyddio'r safonau drafft i lywio'r ffordd rydym yn ymgysylltu â Swyddogion Canlyniadau ynghylch cynllunio ar gyfer etholiadau a’u cynnal, gyda ffocws penodol yn 2023/24 ar effeithiolrwydd a chysondeb gweithrediad y newidiadau a gyflwynwyd gan y Ddeddf Etholiadau. 

Mae gennym y pŵer yn y gyfraith i:

  • gosod safonau perfformiad ar gyfer Swyddogion Canlyniadau a Swyddogion Cofrestru Etholiadol
  • cyfarwyddo Swyddogion Canlyniadau a Swyddogion Cofrestru Etholiadol i ddarparu adroddiadau ar eu perfformiad yn erbyn y safonau
  • paratoi a chyhoeddi asesiadau o’u perfformiad yn erbyn y safonau.

Gwnaethom gyflwyno’r safonau perfformiad i Swyddogion Canlyniadau gyntaf ym mis Mawrth 2009, a gwnaethom ddiwygio’r fframwaith ym mis Rhagfyr 2011 ac yna eto ym mis Tachwedd 2013.

Mae’r Ddeddf Etholiadau wedi darparu cyfle amserol i adolygu’r fframwaith i Swyddogion Canlyniadau, er mwyn sicrhau y bydd yn helpu i gefnogi gweithrediad effeithiol a chyson y newidiadau. Bydd y newidiadau sy’n codi o’r Ddeddf Etholiadau hefyd yn cael effaith ar rôl Swyddogion Cofrestru Etholiadol, a gwnaethom nodi nifer o feysydd lle byddai angen diweddaru’r fframwaith Swyddogion Cofrestru Etholiadol (a adolygwyd diwethaf yn 2021) i adlewyrchu’r cyfrifoldebau newydd hyn.

Datblygu’r safonau newydd

Gwnaethom ddechrau datblygu’r safonau perfformiad newydd o ran Swyddogion Canlyniadau yr hydref diwethaf, gan ddefnyddio strwythur y fframwaith perfformiad ar gyfer Swyddogion Cofrestru Etholiadol fel ein sylfaen. Diweddarwyd y fframwaith Swyddogion Cofrestru Etholiadol diwethaf ym mis Mehefin 2021 ac mae’n canolbwyntio ar ganlyniadau yn hytrach na’r prosesau a ddilynwyd.

Gwnaethom drafod y dull yn anffurfiol gyda nifer o Swyddogion Canlyniadau ledled Prydain Fawr er mwyn cael eu mewnbwn yn gynnar. Gwnaeth eu hadborth helpu i lunio’r safonau drafft yr ydym wedi ymgynghori arnynt. Gwnaeth hyn gynnwys trafodaethau gyda grwpiau bach o Swyddogion Canlyniadau ledled Lloegr, yn ogystal ag ymgysylltu â Bwrdd Cydlynu Etholiadol Cymru a’r Bwrdd Rheoli Etholiadol ar gyfer yr Alban.

Mae’r safonau drafft hefyd wedi elwa o fewnbwn gan y Gymdeithas Gweinyddwyr Etholiadol, ar lefel swyddogol yn ogystal â thrwy drafodaethau ynghylch y dull lefel uchel gydag aelodau yn eu cyfarfodydd canghennau rhanbarthol, a chawsant eu trafod gan swyddogion y llywodraeth ac arweinwyr etholiadol yng Nghymdeithas Prif Weithredwyr yr Awdurdodau Lleol (Solace).

Ymgynghoriad

Anfonwyd yr ymgynghoriad at ystod o randdeiliaid, gan gynnwys:

  • Gweinidogion a swyddogion yn Llywodraethau Cymru, yr Alban a’r DU
  • pleidiau gwleidyddol
  • Swyddogion Canlyniadau a Swyddogion Cofrestru Etholiadol
  • gweinyddwyr etholiadol
  • ystod o asiantaethau, cyrff proffesiynol a sefydliadau cynrychioladol. 

Yn ogystal, cawsom adborth drwy drafodaethau â rhanddeiliaid o bob rhan o'r gymuned etholiadol yn ystod y cyfnod ymgynghori. Roedd hyn yn cynnwys mynd i nifer o gyfarfodydd - gan gynnwys cyfarfodydd cangen Cymdeithas y Gweinyddwyr Etholiadol a chwrdd â Swyddogion Canlyniadau unigol a’u timau - i drafod y safonau drafft a cheisio adborth. Gwnaethom hefyd gynnal cyfres o sesiynau galw heibio rhithwir i grwpiau neu unigolion lle gallent ofyn cwestiynau a rhoi adborth.

Cawsom 60 o ymatebion i’n hymgynghoriad gan ystod o sefydliadau ac unigolion, gan gynnwys: 

  • Llywodraeth Cymru, Llywodraeth yr Alban a Llywodraeth y DU
  • Swyddogion Canlyniadau ac awdurdodau lleol ledled Prydain Fawr
  • Cymdeithas y Gweinyddwyr Etholiadol
  • Bwrdd Rheoli Etholiadol yr Alban
  • Bwrdd Cydlynu Etholiadol Cymru
  • Cymdeithas Aseswyr yr Alban
  • grwpiau hygyrchedd, gan gynnwys Anabledd Dysgu Cymru, RNIB, RNIB Cymru ac RNIB Scotland 

Gweld y rhestr lawn o ymatebwyr.

Rydym yn ddiolchgar am yr adborth a gawsom, p'un ai trwy ymatebion i'r ymgynghoriad neu drwy drafodaethau. 
 

Crynodeb o'r ymatebion i'r ymgynghoriad

Gofynnodd yr ymgynghoriad am sylwadau ar nifer o gwestiynau ar y safonau perfformiad arfaethedig i Swyddogion Canlyniadau, gan gynnwys:

  • Cwmpas y safonau: p’un a yw’r safonau drafft yn canolbwyntio ar y canlyniadau cywir, wrth gwmpasu ystod lawn o gyfrifoldebau’r Swyddog Canlyniadau, a ph’un a oes unrhyw fylchau neu unrhyw beth arall sydd wedi’i gynnwys yn y safonau na ddylai fod yna.
  • Sut y defnyddir y safonau: p’un a fydd ein dull arfaethedig o ddefnyddio’r safonau i ymgysylltu a Swyddogion Canlyniadau a’u timau’n sicrhau ein bod yn herio ac yn darparu cymorth effeithiol wrth gynnal y lefel gywir o dryloywder ym mherfformiad y Swyddogion Canlyniadau.
  • Sut mae’r safonau yn cefnogi gweithrediad y ddeddfwriaeth: p’un a fydd y safonau, ochr yn ochr â’n canllawiau, yn cefnogi gweithrediad cyson y newidiadau deddfwriaethol a gyflwynwyd gan Ddeddf Etholiadau 2022

Cwmpas y safonau

Nododd yr ymgynghoriad strwythur y safonau, a oedd canolbwyntio ar y canlyniadau y dylid eu cyflawni yn hytrach na'r prosesau sy'n cael eu dilyn, gyda'r nod o helpu Swyddogion Canlyniadau a'u timau i ddeall a dangos effaith eu gweithgareddau etholiadol. 

Ar y cyfan cytunodd yr ymatebwyr bod y safonau’n canolbwyntio ar y canlyniadau a’r gweithgareddau cywir. Fodd bynnag, codwyd pryderon gan rai ymatebwyr am y risg y gallai Swyddogion Canlyniadau gael eu herio ar elfennau y tu hwnt i’w rheolaeth. Enghraifft benodol o hyn oedd cynnwys ‘etholiadau a gynhaliwyd heb her gyfreithiol’ fel mesur llwyddiant.

Roedd eisoes yn glir trwy’r safonau mai'r gweithredoedd y mae'r Swyddog Canlyniadau yn atebol amdanynt sy'n cael eu cynnwys gan y fframwaith ac nid (er enghraifft) ymddygiad ymgeiswyr ac ymgyrchwyr, a fyddai'n gyd-destun perthnasol ond nid yn rhywbeth y gellir dal y Swyddog Canlyniadau yn atebol amdano yn uniongyrchol. Fodd bynnag, i adlewyrchu’r pryderon a godwyd, rydym wedi ychwanegu geiriad i’r elfen hon i adlewyrchu’r ffaith ei fod yn cyfeirio’n glir at her gyfreithiol i weinyddiaeth yr etholiad. 

Yn ogystal, rydym hefyd wedi cael rhai awgrymiadau o weithgareddau ychwanegol a ymgymerwyd gan Swyddogion Canlyniadau – er enghraifft cynnwys y gweithgaredd ychwanegol ‘Sicrhau bod gorsafoedd pleidleisio wedi’u gosod a bod staff wedi’u hyfforddi i gynorthwyo pleidleiswyr i bleidleisio’n annibynnol ac yn gyfrinachol’ - sydd wedi’u hychwanegu i’r safonau erbyn hyn.

Rydym hefyd wedi diwygio a diweddaru’r safonau i adlewyrchu sut bydd y mesurau ID pleidleisiwr newydd o’r Ddeddf Etholiadau yn gweithio'n ymarferol, nawr fod y ddeddfwriaeth eilaidd sy’n darparu ar gyfer hyn wedi’i chyflwyno gerbron Senedd y DU erbyn hyn. 

Mae rhai ymatebwyr hefyd wedi amlygu’r ffaith y bydd y Ddeddf Etholiadau yn cyflwyno gwahaniaethau sylweddol yn y gwledydd datganoledig, a gallai’r gwahaniaethau hynny fod yn fwy clir o fewn y safonau. Fel y nodwyd, mae’r safonau’n canolbwyntio ar ganlyniadau a ddylai cael eu cyflawni, yn hytrach na’r prosesau sydd wedi’u hymgymryd, ac er gall y gweithgareddau penodol a ymgymerwyd fod yn wahanol, mae’r canlyniadau cyffredinol yr un fath ledled Prydain Fawr. Felly, rydym o’r farn bod y safonau’n darparu hyblygrwydd digonol i gynnwys unrhyw wahaniaethau ar draws Cymru, Lloegr a’r Alban, ond byddant yn cael eu hadolygu a gwneir diweddariadau pellach yn ôl yr angen; yn wir, rydym yn disgwyl ystyried hyn ymhellach wrth i gynigion diwygio etholiadol gan Lywodraeth Cymru a Llywodraeth yr Alban fynd yn eu blaen.

Yn yr un modd, mae yna elfennau penodol o’r safonau na fyddant yn gymwys i etholiadau datganoledig – er enghraifft darparu ID ffotograffig wrth bleidleisio’n bersonol yn yr orsaf bleidleisio – ac felly ni fydd yr elfennau hyn o’r safonau’n gymwys yn yr amgylchiadau hyn. Mae’r fersiwn o’r safonau newydd a anfonwyd at un o Weinidogion Cymru ac un o Weinidogion yr Alban ar gyfer eu gosod gerbron Senedd Cymru a Senedd yr Alban yn hepgor y cynnwys sydd ond yn berthnasol i etholiadau neilltuedig, ond fel arall maent yn gyson ac yn canolbwyntio ar yr un canlyniadau.

Bydd y canllawiau cynhwysfawr rydym yn eu cynhyrchu ar gyfer pob math o etholiad, sy’n cynorthwyo Swyddogion Canlyniadau drwy roi’r manylion sydd eu hangen iddynt i gynnal y gweithgareddau a nodwyd yn y safonau, yn ei gwneud hi’n glir beth sydd ei angen ar gyfer pob etholiad. 

Sut y defnyddir y safonau

Mae’r ymgynghoriad yn nodi sut mae’r safonau, ochr yn ochr â’n canllawiau a’n cyngor, yn ffurfio rhan ganolog o waith y Comisiwn i gynorthwyo a herio Swyddogion Canlyniadau wrth gynnal etholiadau llwyddiannus, a sut i adrodd yn dryloyw ar berfformiad Swyddogion Canlyniadau a sut y cynhelir etholiadau.

Cytunodd y rhan fwyaf o’r ymatebwyr ar y dull arfaethedig o sut y byddwn yn defnyddio’r safonau. Fodd bynnag, codwyd pryderon gan nifer o ymatebwyr am faint y data a’r wybodaeth sydd wedi’u cynnwys yn y safonau a’u gallu i goladu a darparu’r holl wybodaeth a’r data a restrir. 

Nid ein bwriad ni yw bod Swyddogion Canlyniadau yn coladu’r holl wybodaeth a restrir yn y safonau a’u rhoi i ni fel mater o drefn. Yn hytrach, bydd yr wybodaeth a’r data a nodwyd yn y safonau yn cael eu defnyddio i lywio’r trafodaethau strwythuredig gyda Swyddogion Canlyniadau a’u timau, a byddwn yn canolbwyntio ar agweddau penodol o’r safonau yn ein trafodaethau – er enghraifft, yn ystod y flwyddyn gyntaf rydym yn disgwyl y byddwn yn blaenoriaethu elfennau newydd y safonau sy’n ymwneud a’r Ddeddf Etholiadau. Mae hyn yn ychwanegol i’n dull rheolaidd sy’n seiliedig ar risg o gefnogi, herio ac ymgysylltu â Swyddogion Canlyniadau sy’n cynnwys canolbwyntio ar feysydd lle mae problemau wedi codi yn flaenorol. 

Fodd bynnag, byddwn yn parhau i gasglu gwybodaeth reoli gan bob Swyddog Canlyniadau, gyda’r ffocws ar wybodaeth a thystiolaeth allweddol o’r safonau a fyddai’n darparu trosolwg o’r paratoadau allweddol a fyddai wedi’u gwneud (er enghraifft staff a lleoliadau gorsafoedd pleidleisio, lleoliadau ac amser y cyfrif, a threfniadau anfon pleidleisiau post). Yn ogystal â rhoi ffynhonnell bwysig o wybodaeth i ni ei dadansoddi a’i defnyddio i lywio ymgysylltiad â Swyddogion Canlyniadau lleol, mae hefyd yn rhoi darlun o gynnydd ar lefel genedlaethol ac yn rhoi data i ni y gallwn ei ddefnyddio'n rhagweithiol ac yn adweithiol i adrodd sut y mae'r etholiadau'n cael eu rheoli.

Ar y cyfan, cytunodd yr ymatebwyr y byddai ein dull arfaethedig o adrodd - gan dynnu sylw at feysydd lle bu problemau yn ogystal â defnyddio ein hadrodd i dynnu sylw at enghreifftiau o arfer da – yn cefnogi tryloywder, yn hybu hyder bod etholiadau yn cael eu rhedeg yn dda ac yn galluogi rhannu arferion da. 

Fodd bynnag, tynnodd sawl ymatebydd sylw at y ffaith y gallem wneud mwy wrth ddefnyddio’r fframwaith i nodi a rhannu arferion da yn fwy eang. Mae hwn eisoes yn faes yr ydym wedi'i nodi yr ydym am ehangu arno, ac rydym wedi ymrwymo i archwilio hyn ymhellach.

Ar gyfer 2023/24, byddwn yn ceisio defnyddio ein hymgysylltiad a’n gwaith adrodd i gasglu ac amlygu enghreifftiau o arfer da sy’n dod i’r golwg. Bydd hyn yn arbennig o bwysig wrth i ni gasglu enghreifftiau o brosesau newydd i gefnogi gweithrediad newidiadau deddfwriaethol, y gallwn wedyn eu rhannu ag awdurdodau lleol eraill er mwyn helpu i lywio eu trefniadau lleol. Byddwn hefyd yn rhannu enghreifftiau o arferion da yn uniongyrchol gyda’r rheini yr ydym wedi nodi eu bod angen cymorth ac a allai elwa o brofiadau timau eraill sydd wedi wynebu heriau tebyg. Y tu hwnt i hyn, rydym yn bwriadu archwilio ymhellach sut y gallwn ddefnyddio rhwydweithiau cyfredol i rannu profiadau ac enghreifftiau yn fwy eang.

Sut mae’r safonau yn cefnogi gweithrediad y ddeddfwriaeth

Mae’r ymgynghoriad yn nodi sut byddai gan y safonau, ochr yn ochr â’n canllawiau a’n cyngor, rôl bwysig wrth gefnogi gweithrediad effeithiol a chyson y newidiadau deddfwriaethol, gan gynnwys newidiadau sy’n deilio o’r Ddeddf Etholiadau. 

Er bod y mwyafrif o'r ymatebwyr yn fodlon bod cwmpas y safonau'n cefnogi ac yn mynd i'r afael â gweithrediad y newidiadau a gyflwynwyd gan y Ddeddf Etholiadau, gofynnodd ymatebion gan sefydliadau hygyrchedd am fwy o bwyslais ar hygyrchedd drwy’r safonau. 

Felly, rydym wedi gwneud rhai mân ddiwygiadau i gryfhau'r safonau, gan wneud hygyrchedd yn fwy amlwg ar draws y safonau. Er bod y safonau'n cynnwys y prif weithgareddau y bydd angen i Swyddogion Canlyniadau eu hymgymryd er mwyn gallu bodloni'r canlyniadau cyffredinol, bydd manylion sut i gyflawni'r gweithgareddau hyn, gan gynnwys mewn perthynas â sicrhau bod etholiadau'n hygyrch, yn cael eu cynnwys yn y canllawiau a'r adnoddau sy'n cyd-fynd â nhw. 

Trwy gydol mis Medi a mis Hydref, gwnaethom ymgynghori ar ganllawiau drafft ar gyfer Swyddogion Canlyniadau ar ddarparu cymorth gyda phleidleisio i bobl ag anableddau, a fydd yn chwarae rhan allweddol wrth helpu Swyddogion Canlyniadau i sicrhau eu bod yn cymryd camau i alluogi pleidleiswyr i bleidleisio'n annibynnol ac yn gyfrinachol. Mae'r adborth a gawsom, gan gynnwys gan sefydliadau hygyrchedd, wedi llywio datblygiad pellach y canllawiau yr ydym bellach yn ymgynghori'n ffurfiol arnynt.

Cytunodd y rhan fwyaf o'r ymatebwyr hefyd fod y safonau'n darparu digon o hyblygrwydd i ddarparu ar gyfer newid deddfwriaethol yn y dyfodol, er bod ymatebion yn tynnu sylw yn gyson at yr ansicrwydd ynghylch sut y bydd darpariaethau yn y Ddeddf Etholiadau yn gweithio'n ymarferol a phwysigrwydd sicrhau bod y safonau'n parhau i fod yn briodol ac yn adlewyrchu'n gywir cyfrifoldebau Swyddogion Canlyniadau a Swyddogion Cofrestru Etholiadol unwaith y bydd y Ddeddf wedi'i hymwreiddio. Er y dylai'r fframwaith sy'n canolbwyntio ar ganlyniadau rydym wedi’i ddatblygu ddarparu hyblygrwydd i gynnwys yr ystod o newidiadau a sut maent yn cael eu gweithredu'n ymarferol, byddwn yn parhau i'w hadolygu'n gyson a byddwn yn gallu gwneud diweddariadau pellach os oes angen. 

Defnyddio’r safonau yn 2023

Bydd y safonau perfformiad newydd yn rhan bwysig o'n pecyn cymorth ar gyfer Swyddogion Canlyniadau wrth baratoi ar gyfer etholiadau ar draws Prydain Fawr a'u cynnal. Nawr bod y safonau wedi'u cwblhau a'u gosod gerbron Seneddau Cymru, yr Alban a’r DU, byddwn yn dechrau eu defnyddio i lywio ein hymgysylltiad â Swyddogion Canlyniadau a Swyddogion Cofrestru Etholiadol gan ganolbwyntio'n benodol yn 2023 ar effeithiolrwydd a chysondeb gweithrediad y newidiadau a gyflwynwyd gan y Ddeddf Etholiadau. Byddwn hefyd yn defnyddio'r wybodaeth o'r ymgysylltiad hwn, ynghyd â dadansoddiad o'r wybodaeth a'r data y byddwn yn eu casglu, i gefnogi ein hadrodd ar sut y cafodd etholiadau mis Mai 2023 eu cynnal ac ar weithrediad y system yn fwy cyffredinol. 

Ymgysylltiad wedi’i dargedu

Er ein bod yn anelu at ymgysylltu â'r holl Swyddogion Canlyniadau sydd ag etholiadau, fel yn y blynyddoedd blaenorol byddwn yn cymryd dull sy'n seiliedig ar risg i helpu i flaenoriaethu trefn, amlder a dwyster ein hymgysylltiad. Mae hyn yn adeiladu ar ein proses sydd eisoes wedi'i sefydlu, lle rydym yn cynnal asesiadau risg gan ystyried ystod o ffactorau, gan gynnwys profiad y Swyddogion Canlyniadau a'u timau, unrhyw newidiadau staffio, demograffeg yr ardal a risgiau twyll etholiadol, i lywio sut, gyda phwy a phryd rydym yn ymgysylltu.

Byddwn hefyd yn parhau i flaenoriaethu ymgysylltu ag unrhyw Swyddogion Canlyniadau sydd wedi cael problemau o'r blaen wrth gynnal eu hetholiadau, yn enwedig lle y gallem fod wedi canfod nad oeddent yn cwrdd ag elfennau o'r safonau. 

Yn fwy cyffredinol, bydd fframwaith y safonau yn cael ei ddefnyddio i gefnogi sgyrsiau strwythuredig gyda Swyddogion Canlyniadau, Swyddogion Cofrestru Etholiadol a'u timau. Yn y flwyddyn gyntaf o weithredu, bydd ein hymgysylltiad yn gweld ffocws ar yr elfennau canlynol o'r safonau:

  • Hygyrchedd pleidleisio: bydd hyn yn cynnwys ffocws ar y trefniadau sy'n cael eu gwneud i gynorthwyo pleidleiswyr i bleidleisio'n annibynnol ac yn gyfrinachol, yn unol â'n canllawiau newydd. Byddwn yn cymryd rhan cyn yr etholiadau i gefnogi a herio Swyddogion Canlyniadau lle bo angen i helpu i sicrhau bod trefniadau priodol ar waith, a byddwn yn defnyddio'r wybodaeth a'r data a gasglwn i lywio ein hadrodd statudol ar ôl yr etholiadau ar yr hyn y mae Swyddogion Canlyniadau wedi'i wneud i sicrhau hygyrchedd.
  • Gweinyddu'r broses Tystysgrif Awdurdod Pleidleisiwr: bydd hyn yn edrych ar y gweithgarwch ymgysylltu sydd wedi'i dargedu sy’n cael ei gynnal yn lleol i godi ymwybyddiaeth o'r angen am ID ac argaeledd y Dystysgrif Awdurdod Pleidleisiwr, yn ogystal â phrosesu ceisiadau a rheoli'r gwaith cynhyrchu a dosbarthu, er mwyn helpu i sicrhau bod pleidleiswyr heb un o'r mathau derbyniol o ID yn gallu cael Tystysgrif Awdurdod Pleidleisiwr. Unwaith eto bydd hyn yn cynnwys cefnogi a herio yn y cyfnod sy'n arwain at yr etholiadau, yn ogystal â darparu sail ar gyfer casglu gwybodaeth a data er mwyn llywio ein gwerthusiad o weithrediad y darpariaethau.

Er mwyn helpu i baratoi ar gyfer trafodaethau strwythuredig, byddwn yn rhoi rhybudd ymlaen llaw i Swyddogion Canlyniadau unigol a Swyddogion Cofrestru Etholiadol am y mathau o wybodaeth a data y byddwn am eu trafod â nhw, i'w helpu i ddeall y meysydd y byddwn am eu harchwilio.

Casglu data gan bob Swyddog Canlyniadau

Byddwn yn parhau i gasglu gwybodaeth waelodlin gan bob Swyddog Canlyniadau sydd ag etholiadau, sy'n cyd-fynd â'r wybodaeth a'r dystiolaeth a amlinellir yn y safonau. Fel yr eglurwyd uchod, nid ydym yn bwriadu casglu'r holl wybodaeth a restrir yn y safonau ar un adeg, gyda'n ffocws yn hytrach ar y darnau allweddol o wybodaeth yn ystod cyfnod etholiad a fyddai'n rhoi trosolwg o'r paratoadau allweddol a wnaed.

Yn ogystal â rhoi ffynhonnell bwysig o wybodaeth i ni ei dadansoddi a’i defnyddio i lywio ymgysylltiad â Swyddogion Canlyniadau lleol (h.y. defnyddio'r wybodaeth i ddiweddaru proffiliau risg, a hysbysu ein bod yn blaenoriaethu ein hymgysylltiad wedi'i dargedu), mae hefyd yn rhoi darlun o gynnydd ar lefel genedlaethol ac yn rhoi data i ni y gallwn ei ddefnyddio'n rhagweithiol ac yn adweithiol i adrodd sut y mae'r etholiadau'n cael eu rheoli. 

Adrodd

Fel y nodwyd yn yr ymgynghoriad, mae angen i ni hefyd sicrhau, lle mae problemau wedi codi, ein bod yn dryloyw am y rhain, gan fod yn agored ac yn glir am yr hyn sydd wedi digwydd, yr effaith, a'r hyn rydym wedi’i ddysgu. I'r perwyl hwn, mae'r safonau'n chwarae rhan bwysig wrth ein galluogi i adrodd ar weinyddiaeth etholiadau. 

Pan fydd problemau yn codi, ar ôl i ni gefnogi'r Swyddog Canlyniadau i ddatrys y sefyllfa, bydd y darnau perthnasol o ddata a gwybodaeth a restrir yn y safonau yn cael eu coladu a'u dadansoddi i'n galluogi i gyrraedd asesiad ynghylch p’un a yw agweddau perthnasol y safonau wedi'u bodloni'n ymarferol ai peidio. Byddwn yn parhau i ddefnyddio ein proses sefydledig ar gyfer gwneud hyn sy'n cynnwys ymgynghori â phanel o aelodau'r Bwrdd Cydlynu ac Ymgynghori Etholiadol (h.y. Uwch Swyddogion Canlyniadau o bob rhan o'r DU) i gasglu eu hadborth ar dystiolaeth, effaith ac asesiad dros dro perfformiad, cyn gwneud penderfyniad terfynol.

Yn ogystal ag amlygu meysydd lle bu problemau, byddwn yn parhau i fod yn ymwybodol o'r ymatebion i'r ymgynghoriad a amlygodd werth defnyddio ein hadrodd i amlygu enghreifftiau o arfer da.

Bydd yr wybodaeth a gawn trwy ein hymgysylltiad â Swyddogion Canlyniadau a'u timau nid yn unig yn rhoi dealltwriaeth i ni o berfformiad lleol ond bydd hefyd yn ein helpu i greu darlun o sut mae'r system yn gweithio'n fwy cyffredinol. Trwy ddal a choladu’r pwyntiau allweddol o'n trafodaethau strwythuredig unigol gyda Swyddogion Canlyniadau, gallwn nodi themâu a phroblemau sy'n dod i'r amlwg, a all yn eu tro lywio ein hadrodd a'n hargymhellion ar ôl etholiadau.

Ymgysylltiad drwy’r flwyddyn gyfan

Mae'r fframwaith newydd wedi'i gynllunio i gael ei ddefnyddio nid yn unig yn y cyfnod sy'n arwain at etholiadau ond trwy gydol y flwyddyn gyfan. Nod y cyntaf o'r safonau yn benodol yw darparu sail ar gyfer ymgysylltu drwy’r flwyddyn gyfan, gan gynnwys mewn perthynas â'r strwythur ehangach a'r dull o gynnal etholiadau, gan helpu i nodi a mynd i'r afael ag unrhyw broblemau ymhellach allan o etholiadau ac i helpu i sicrhau parodrwydd ar gyfer etholiadau, pryd bynnag y gallant ddigwydd. 

Fel rhan o'n rhaglen ymgysylltu ehangach barhaus, sy'n sicrhau bod gennym gysylltiad rheolaidd â'r holl Swyddogion Canlyniadau, byddwn yn defnyddio safon perfformiad un i gefnogi sgyrsiau strwythuredig gyda Swyddogion Canlyniadau y tu allan i gyfnod etholiad wedi'i drefnu. Bydd y sgyrsiau hyn yn canolbwyntio ar sicrhau bod gan Swyddogion Canlyniadau y strwythurau a'r adnoddau yn eu lle i alluogi a chefnogi eu timau i gynnal etholiadau yn ymarferol ac ar y cynllunio a'r paratoadau parhaus sydd eu hangen i sicrhau eu bod yn barod i gynnal etholiadau pryd bynnag y gallant ddigwydd.
 

Safonau Perfformiad ar gyfer Swyddogion Canlyniadau

Pa fewnbwn sydd ei angen?

Dealltwriaeth Swyddogion Canlyniadau o'u rôl a'u cyfrifoldebau, a'r broses o'u cyflawni

Rheoli a goruchwylio'r gwaith o gynnal etholiadau, gan gynnwys amrywiaeth o swyddogaethau statudol y Swyddog Canlyniadau, a dealltwriaeth o'r dirwedd strategol, gan gynnwys unrhyw newidiadau deddfwriaethol a fydd yn effeithio ar gyflawniad

Ymgysylltu â rhanddeiliaid

Meithrin a chynnal cydberthnasau cryf â rhanddeiliaid allweddol

Cynllunio

Cynnal cynlluniau ar gyfer darparu etholiadau, boed yn rhai a drefnwyd neu'n rhai nas trefnwyd, gan sicrhau y cânt eu hadolygu'n barhaus

Adnoddau

Nodi a dyrannu cyllideb a staff parhaol; a rheoli contractwyr a chyflenwyr

Pa weithgareddau yr ymgymerir â nhw?

Deall cyfrifoldebau statudol

  • Caiff etholiadau eu cynnal yn unol â deddfwriaeth, canllawiau a chyfarwyddiadau (lle cânt eu cyflwyno)  
  • Caiff gwybodaeth a dealltwriaeth Swyddogion Canlyniadau ynghylch y rôl a'r cyfrifoldebau eu datblygu a'u cynnal, gan gynnwys drwy hyfforddiant 
  • Caiff dirprwyon eu penodi'n ffurfiol, gan sicrhau bod trefniadau dirprwyo clir ar waith ac y caiff rolau eu neilltuo a'u deall

Pa wybodaeth sydd ei hangen i ddeall effaith ein gweithgareddau?

  • Ymwybyddiaeth o ganllawiau a deddfwriaeth
  • Cofnodion o hyfforddiant/cyfarfodydd a fynychwyd 
  • Tystiolaeth o sicrhau ansawdd y broses etholiadol gyfan
  • Hysbysiad am benodiad dirprwyon

Datblygu a chynnal cynlluniau cyflawni cadarn

  • Sefydlu tîm prosiect i gefnogi paratoadau ar gyfer etholiadau a'r broses o'u cynnal
  • Cynlluniau clir ar waith, gydag amcanion a mesurau llwyddiant 
  • Cynllunio wrth gefn er mwyn sicrhau parodrwydd ar gyfer digwyddiadau nas trefnwyd
  • Cynllunio parhad busnes
  • Cofrestr risg ar waith, risgiau'n cael eu monitro a mesurau lliniaru wedi'u nodi a'u rhoi ar waith
  • Recriwtio bob  staff angenrheidiol a nodi anghenion hyfforddi
  • Trefniadau cadarn ar waith ar gyfer rheoli materion
  • Cyrchu cyllid priodol

Pa wybodaeth sydd ei hangen i ddeall effaith ein gweithgareddau?

  • Agendâu clir a chofnodion ar gyfer cyfarfodydd timau prosiect, i gefnogi ffocws ar ganlyniadau 
  • Dogfennaeth cynllunio prosiect a adolygir yn rheolaidd
  • Gwerthusiad o ddigwyddiadau blaenorol a nodi gwersi a ddysgwyd
  • Dadansoddiad o'r cyd-destun ehangach y caiff etholiadau eu cynnal ynddo
  • Cynlluniau olyniaeth a gaiff eu monitro'n rheolaidd
  • Dadansoddiad o anghenion hyfforddiant a chofnodion o hyfforddiant 
  • Cysoni costau prosiectau yn erbyn y gyllideb sydd ar gael

Gweithio gyda chontractwyr a chyflenwyr, yn fewnol ac yn allanol

  • Nodi gwasanaethau allanol sydd eu hangen
  • Caffael gwasanaethau
  • Datblygu contractau a rheoli'r broses o'u cyflawni

Pa wybodaeth sydd ei hangen i ddeall effaith ein gweithgareddau?

  • Cofnodion o benderfyniadau caffael ffurfiol
  • Contractau ar waith â phob cyflenwr, gyda dulliau i reoli a monitro perfformiad 
  • Adnoddau monitro contractau a dulliau uwchgyfeirio, gan gynnwys cofnod o faterion cyflenwyr, cofrestrau risg a sicrwydd o gynlluniau parhad busnes cyflenwyr
  • Cytundebau lefel gwasanaeth

Cynnal cydberthnasau effeithiol â rhanddeiliaid allweddol

  • Ymgysylltu â rhanddeiliaid allweddol ynghylch cynlluniau
  • Ymgysylltu'n barhaus â rhanddeiliaid drwy gydol y broses o gynnal etholiadau

Pa wybodaeth sydd ei hangen i ddeall effaith ein gweithgareddau?

  • Cofnodion cyfarfodydd â rhanddeiliaid
  • Ymgynghori â rhanddeiliaid lleol ar gynlluniau a threfniadau etholiadau, a chael adborth ganddynt
  • Asesiad o ofynion hygyrchedd lleol a dealltwriaeth amlwg o anghenion
  • Cofnodion o faterion neu bryderon a godwyd gan randdeiliaid a datrysiadau a roddwyd ar waith
  • Gwerthusiad o adborth rhanddeiliaid allweddol

Cydgysylltu a rheoli'r etholiad (gan Swyddogion Canlyniadau â phŵer cyfarwyddo)

  • Gweithio ar draws ffiniau awdurdodau lleol gyda Swyddogion Canlyniadau eraill i ddatblygu canllawiau a chyflwyno cyfarwyddiadau lle bo angen er mwyn helpu i gynnal etholiadau mewn modd cyson 
  • Ymgysylltu â Swyddogion Canlyniadau lleol ynghylch y trefniadau sydd ar waith ganddynt ar gyfer cynnal etholiadau yn eu hardal

Pa wybodaeth sydd ei hangen i ddeall effaith ein gweithgareddau?

  • Cynlluniau ar gyfer cyfathrebu â Swyddogion Canlyniadau lleol    Cynlluniau ar gyfer cydgysylltu a darparu gweithgarwch codi ymwybyddiaeth y cyhoedd ac ymgysylltu ag etholwyr drwy'r ardal etholiadol gyfan
  • Trefniadau ar gyfer coladu canlyniadau
  • Cofnodion o unrhyw ganllawiau a gyhoeddwyd ac a yw'r pŵer i roi cyfarwyddiadau wedi cael ei ddefnyddio a sut
  • Dadansoddiad o adborth ar ôl yr etholiad 

Pa wahaniaeth sy'n cael ei wneud?

  • Rhoi profiad cyson ac o safon i etholwyr, ymgeiswyr ac asiantiaid  
  • Sicrhau hyder y cyhoedd mewn prosesau etholiadol a'u boddhad gyda'r prosesau hynny
  • Timau sy'n darparu gwasanaethau etholiadol yn cael eu cefnogi'n effeithiol i gyflawni prosesau etholiadol
  • Mae gan y Swyddog Canlyniadau y sgiliau, y wybodaeth a'r dylanwad cywir i gefnogi'r gwaith o gynnal etholiadau yn effeithiol

Sut gallwn benderfynu ar lwyddiant ein gwaith?

  • Caiff digwyddiadau eu cynnal yn unol â deddfwriaeth 
  • Caiff etholiadau eu cynnal heb her gyfreithiol i weinyddiaeth y bleidlais
  • Dadansoddi gwydnwch, gallu a chapasiti timau
  • Dadansoddi adborth ar y broses o gynnal etholiadau ac unrhyw gwynion a gafwyd
  • Perfformiad yn erbyn y mesurau a'r amcanion a nodir yn eich cynlluniau prosiectau

Pa fewnbwn sydd ei angen?

Dealltwriaeth Swyddogion Canlyniadau o'u rôl a'u cyfrifoldebau, a'r broses o'u cyflawni

Rheoli a goruchwylio'r gwaith o gynnal etholiadau, gan gynnwys amrywiaeth o swyddogaethau statudol y Swyddog Canlyniadau

Cynllunio

Cynnal cynlluniau ar gyfer darparu etholiadau, gan sicrhau y cânt eu hadolygu'n barhaus a'u defnyddio i gefnogi cyflawniad

Ymgysylltu â rhanddeiliaid

Sefydlu a chynnal perthnasoedd cryf â rhanddeiliaid allweddol

Adnoddau

Nodi a dyrannu cyllideb a staff dros dro; a rheoli contractwyr a chyflenwyr.

Hyfforddiant

Nodi a darparu hyfforddiant i ddiwallu anghenion staff dros dro a staff parhaol 

Pa weithgareddau yr ymgymerir â nhw?

Darparu gwybodaeth i sicrhau bod pleidleiswyr yn deall sut y gallant gymryd rhan

  • Datblygu a chyflwyno strategaeth ymwybyddiaeth y cyhoedd, gan sicrhau bod etholwyr yn cael y wybodaeth sydd ei hangen arnynt i ddeall sut y gallant gymryd rhan
  • Sicrhau bod yr holl ddeunyddiau gofynnol ar gyfer etholiad yn gywir, hygyrch ac ar gael cyn gynted ag y bo'n ymarferol

Pa wybodaeth sydd ei hangen i ddeall effaith ein gweithgareddau?

  • Dadansoddiad o ddulliau cyfathrebu gwahanol, er mwyn helpu i dargedu negeseuon 
  • Tystiolaeth o weithio gyda phartneriaid i godi ymwybyddiaeth y cyhoedd
  • Cyfraddau gwrthod papurau pleidleisio a chyfraddau gwrthod pleidleisiau post, gan gyfrannu at ddealltwriaeth o p'un a yw pleidleiswyr wedi llwyddo i ddilyn y cyfarwyddiadau
  • Adborth gan staff gorsafoedd pleidleisio a data yn ymwneud â'r rhai nad oeddent yn gallu pleidleisio am nad oedd y manylion adnabod priodol ganddynt (mewn etholiadau perthnasol)
  • (Cymru yn unig) Cynlluniau sydd ar waith i sicrhau y caiff yr holl wybodaeth i etholwyr ei darparu'n gyfartal yn Gymraeg ac yn Saesneg, gan gynnwys holl ddeunyddiau etholiad

Cynhyrchu deunyddiau etholiad

  • Cynhyrchu a chyhoeddi hysbysiadau etholiad
  • Cynhyrchu a dosbarthu cardiau pleidleisio 
  • Prawfddarllen deunyddiau etholiad 
  • Cynhyrchu papurau pleidleisio

Pa wybodaeth sydd ei hangen i ddeall effaith ein gweithgareddau?

  • Cywirdeb hysbysiadau statudol
  • Gwybodaeth am ddull dosbarthu cardiau pleidleisio a phecynnau pleidleisio drwy'r post, ac amseru'r prosesau hyn
  • Cywirdeb ac amseroldeb deunyddiau etholiad:
    • Cofnod o drefniadau ar gyfer gosod y gwaith o gynhyrchu a dosbarthu cardiau pleidleisio, pleidleisiau post a phapurau pleidleisio ar gontract allanol
    • Cofnod o brosesau prawfddarllen
    • Enghreifftiau o ddeunyddiau etholiad
    • Cofnod o brosesau diogelu data

Rheoli pleidleisio absennol

  • Cynhyrchu a dosbarthu pecynnau pleidleisio drwy'r post
  • Agor a phrosesu pleidleisiau post a ddychwelir 

Pa wybodaeth sydd ei hangen i ddeall effaith ein gweithgareddau?

  • Cywirdeb ac amseroldeb pecynnau pleidleisio drwy'r post:
    • Cofnod o drefniadau ar gyfer gosod y gwaith o gynhyrchu a dosbarthu papurau pleidleisio drwy'r post ar gontract allanol
    • Trywydd archwilio o gyflwyno pleidleisiau post
    • Cofnod o brosesau gwirio
    • Cofnodion o bleidleisiau post a anfonwyd â llaw i swyddfeydd y cyngor
    • Cofnodion cywir o achlysuron agor amlenni pleidleisiau post, gan gynnwys trywyddau archwilio o bleidleisiau post a gaiff eu hagor, eu dilysu a'u gwrthod

Rheoli pleidleisio'n bersonol

  • Identifying and booking suitable polling stations 
  • Assessing accessibility of polling stations 
  • Identifying and providing equipment to support voters with accessibility needs
  • Ensuring polling stations are set up and staff are trained to support voters to vote independently and in secret 
  • Ensuring appropriate staffing levels at polling stations 
  • Providing training for polling station staff

Pa wybodaeth sydd ei hangen i ddeall effaith ein gweithgareddau?

  • Rhestrau gwirio gwerthuso ar gyfer gorsafoedd pleidleisio er mwyn dangos eu bod yn addas i'w defnyddio
  • Cynllun gorsafoedd pleidleisio
  • Y ffordd yr eir ati i bennu etholwyr a staff i orsafoedd pleidleisio 
  • Rhestrau gwirio o'r cyfarpar sydd ei angen mewn gorsafoedd pleidleisio
  • Dadansoddiad o anghenion pleidleiswyr i lywio penderfyniadau am gyfarpar a ddarperir i helpu pobl i bleidleisio 
  • Adborth gan bleidleiswyr a grwpiau lleol â diddordeb ar gyfarpar a ddarperir i helpu pobl i bleidleisio
  • Canllawiau/hyfforddiant i staff gorsafoedd pleidleisio 
  • Cofnodion o'r rhai y gwrthodwyd rhoi papur pleidleisio iddynt, yn ôl rheswm
  • Cofnodion o bleidleisiau post a gyflwynir â llaw i orsafoedd pleidleisio

Pa wahaniaeth sy'n cael ei wneud?

  • Mae pleidleiswyr yn deall y ffyrdd gwahanol y gallant fwrw eu pleidlai
  • Gall pleidleiswyr fwrw eu pleidlais gan ddefnyddio'r dull a ffefrir ganddynt  
  • Gall pleidleiswyr fwrw eu pleidlais yn gyfrinachol mewn gorsafoedd pleidleisio
  • Caiff rhwystrau i bleidleisio eu lleihau

Sut gallwn benderfynu ar lwyddiant ein gwaith?

  • Gweithgareddau gwerthuso ymwybyddiaeth y cyhoedd
  • Dadansoddi adborth a chwynion gan bleidleiswyr cymwys, staff, ymgeisywr ac asiantiaid 
  • Dadansoddi data sydd ar gael sy'n ymwneud â phleidleiswyr nad ydynt wedi gallu bwrw eu pleidlais (er enghraifft, am nad oedd manylion adnabod priodol ganddynt (mewn etholiadau perthnasol))
  • Ni chaiff unrhyw bleidleiswyr eu hatal rhag bwrw eu pleidlais oherwydd anhygyrchedd trefniadau gorsafoedd pleidleisio

Pa fewnbwn sydd ei angen?

Dealltwriaeth Swyddogion Canlyniadau o'u rôl a'u cyfrifoldebau, a'r broses o'u cyflawni

Rheoli a goruchwylio'r gwaith o gynnal etholiadau, gan gynnwys amrywiaeth o swyddogaethau statudol y Swyddog Canlyniadau

Cynllunio

Cynnal cynlluniau ar gyfer darparu etholiadau, gan sicrhau y cânt eu hadolygu'n barhaus a'u defnyddio i gefnogi cyflawniad

Ymgysylltu â rhanddeiliaid

Meithrin a chynnal cydberthnasau cryf â rhanddeiliaid allweddol 

Hyfforddiant

Mae staff yn deall eu cyfrifoldebau mewn perthynas â'r prosesau i'w dilyn i ymgeiswyr sydd am sefyll etholiad

Pa weithgareddau yr ymgymerir â nhw?

Rhoi gwybodaeth i helpu unrhyw un sy'n dymuno sefyll fel ymgeisydd i ddeall yr hyn y mae angen iddo ei wneud

  • Sicrhau bod prosesau etholiadol yn hygyrch i bawb a bod pobl yn ymwybodol ohonynt 
  • Rhoi gwybodaeth a chanllawiau i bleidiau, ymgeiswyr ac asiantiaid 
  • Cynnig sesiynau briffio i ymgeiswyr ac asiantiaid
  • Casglu adborth gan gyfranogwyr er mwyn llywio gwelliant parhaus

Pa wybodaeth sydd ei hangen i ddeall effaith ein gweithgareddau?

  • Cofnod o bresenoldeb mewn sesiynau briffio
  • Gwerthusiad o adborth gan ymgeiswyr ac asiantiaid ar y wybodaeth/sesiynau briffio a roddwyd i'r rhai hynny a oedd am sefyll etholiad 
  • Dadansoddiad o ymholiadau am brosesau gan ymgeiswyr ac asiantiaid er mwyn helpu i ddarparu gwybodaeth berthnasol
  • Nifer y papurau enwebu a wrthodwyd gan y Swyddog Canlyniadau, yn ôl rheswm

Gweinyddu'r broses enwebu

  • Cynnal gwiriadau anffurfiol
  • Penderfynu ar bapurau enwebu
  • Cau prosesau enwebu
  • Sicrhau bod papurau pleidleisio yn gywir 

Pa wybodaeth sydd ei hangen i ddeall effaith ein gweithgareddau?

  • Cofnodion o drefniadau sydd ar waith i ymgeiswyr ofyn am gael gwirio eu henwebiadau'n anffurfiol
  • Amseroldeb a chywirdeb cyhoeddi'r datganiad ynghylch y personau a enwebwyd 
  • Cywirdeb y papur pleidleisio 
  • Asesiad o ofynion GDPR a chofnodion o'r ffordd y caiff data personol a geir eu rheoli fel rhan o'r broses enwebu

Rheoli mynediad at brosesau etholiadol er mwyn sicrhau tryloywder a'r gallu i graffu arnynt

  • Derbyn hysbysiadau o benodi asiantiaid pleidleisio, post a chyfrif
  • Darparu gwybodaeth mewn perthynas â gorsafoedd pleidleisio, sesiynau agor amlenni pleidleisiau post a'r cyfrif (cynllun yr adeilad, dogfennau am brosesau, ac ati)

Pa wybodaeth sydd ei hangen i ddeall effaith ein gweithgareddau?

  • Cofnod o'r rheini y mae hawl ganddynt i fod yn bresennol mewn prosesau etholiadol
  • Gwybodaeth a roddir i'r rhai sy'n bresennol

Pa wahaniaeth sy'n cael ei wneud?

  • Mae ymgeiswyr yn ymwybodol o'r broses y mae angen iddynt ei dilyn er mwyn sefyll etholiad
  • Caiff enwebiadau eu prosesu'n gywir a chaiff pawb a gaiff eu henwebu'n ddilys eu cynnwys ar y papur pleidleisio
  • Mae ymgeiswyr ac asiantiaid penodedig yn ymwybodol o'u hawl i fynychu prosesau etholiadol a gallant gyflawni eu rôl graffu yn effeithiol

Sut gallwn benderfynu ar lwyddiant ein gwaith?

  • Dim gwallau ar y datganiad ynghylch y personau a enwebwyd na'r papurau pleidleisio
  • Dadansoddi adborth a chwynion gan ymgeiswyr, asiantiaid neu bleidiau

Pa fewnbwn sydd ei angen?

Dealltwriaeth Swyddogion Canlyniadau o'u rôl a'u cyfrifoldebau, a'r broses o'u cyflawni

Rheoli a goruchwylio'r gwaith o gynnal etholiadau, gan gynnwys amrywiaeth o swyddogaethau statudol y Swyddog Canlyniadau

Cynllunio

Cynnal cynlluniau ar gyfer darparu etholiadau, gan sicrhau y cânt eu hadolygu'n barhaus a'u defnyddio i gefnogi cyflawniad

Ymgysylltu â rhanddeiliaid

Meithrin a chynnal cydberthnasau cryf â rhanddeiliaid allweddol a rheoli prosesau cyfathrebu â nhw 

Adnoddau

Nodi a dyrannu cyllideb a staff 

Hyfforddiant

Nodi a darparu hyfforddiant i ddiwallu anghenion staff dros dro a staff parhaol

Pa weithgareddau yr ymgymerir â nhw?

Achlysuron agor amlenni pleidleisiau post

  • Prosesu pleidleisiau post a gaiff eu dychwelyd yn gywir
  • Dilysu dynodwyr pleidleisiau post

Pa wybodaeth sydd ei hangen i ddeall effaith ein gweithgareddau?

  • Trywydd archwilio ar gyfer derbyn ac agor pecynnau pleidleisio drwy'r post
  • Trefniadau ar gyfer storio a chludo pleidleisiau post a gaiff eu dychwelyd yn ddiogel
  • Nifer y pleidleisiau post a gaiff eu gwrthod, yn ôl rheswm
  • Gwybodaeth am gynllun lleoliadau agor amlenni pleidleisiau post
  • Cofnodion o'r rheini y mae hawl ganddynt i fod yn bresennol 

Rheoli'r broses ddilysu a chyfrif

  • Datblygu cynllun y lleoliad a phrosesau er mwyn sicrhau y gellir cynnal proses gyfrif hygyrch a thryloyw
  • Rheoli presenoldeb yn y broses ddilysu a chyfrif
  • Rheoli'r prosesau dilysu a chyfrif
  • Rheoli cyswllt â'r cyfryngau

Pa wybodaeth sydd ei hangen i ddeall effaith ein gweithgareddau?

  • Gwerthusiad o leoliadau a phrosesau cyfrif blaenorol
  • Asesiad o anghenion mynediad, gan gymryd camau i fynd i'r afael ag unrhyw faterion
  • Gwybodaeth am gynllun lleoliadau cyfrif
  • Trywydd archwilio ar gyfer derbyn ac agor blychau pleidleisio
  • Trywyddau archwilio o brosesau cyfrif 
  • Nifer y papurau pleidleisio a gaiff eu gwrthod ar gyfer pob digwyddiad pleidleisio, yn ôl rheswm
  • Strategaeth ar gyfer ymdrin â chyswllt rhagweithiol ac adweithiol â'r cyfryngau

Rheoli'r broses o ddatgan canlyniadau

  • Sicrhau bod datganiadau yn gywir ac yn hygyrch
  • Sicrhau y caiff canlyniadau eu cyhoeddi'n gywir ac yn amserol 

Pa wybodaeth sydd ei hangen i ddeall effaith ein gweithgareddau?

  • Prosesau sydd ar waith i sicrhau ansawdd canlyniadau
  • Datganiadau cywir o ganlyniadau (yn Gymraeg ac yn Saesneg yng Nghymru)
  • Trywyddau archwilio o waith papur dilysu a chyfrif
  • Datganiad o ganlyniadau (yn Gymraeg ac yn Saesneg yng Nghymru) a lle y cânt eu cyhoeddi

Cynnal uniondeb etholiadol

  • Sicrhau diogelwch deunyddiau etholiad 
  • Ymgysylltu â phwynt cyswllt unigol yr heddlu lleol
  • Datblygu cynllun twyll/uniondeb a gweithio gyda'r awdurdodau priodol i gefnogi'r gwaith o ymchwilio i unrhyw honiadau o dwyll etholiadol/materion uniondeb

Pa wybodaeth sydd ei hangen i ddeall effaith ein gweithgareddau?

  • Cofrestr risg yn dangos risgiau diogelwch a mesurau lliniaru cysylltiedig
  • Cynllun twyll/uniondeb, gan gynnwys asesiadau risg a mesurau lliniaru 
  • Honiadau o dwyll etholiadol/materion uniondeb a gaiff eu hatgyfeirio at yr heddlu

Pa wahaniaeth sy'n cael ei wneud?

  • Mae pleidleiswyr yn hyderus y caiff eu pleidlais ei chyfrif yn y ffordd a fwriadwyd
  • Mae ymgeiswyr ac asiantiaid yn hyderus bod y canlyniad yn gywir
  • Mae pawb sydd wedi arsylwi ar yr etholiad yn hyderus bod yr etholiad wedi cael ei gynnal yn briodol
  • Gall pleidleiswyr gael gafael ar ganlyniadau'r etholiad yn hawdd
  • Mae pleidleiswyr yn hyderus bod eu pleidlais yn ddiogel 

Sut gallwn benderfynu ar lwyddiant ein gwaith?

  • Caiff etholiadau eu cynnal heb her gyfreithiol i weinyddiaeth y bleidlais
  • Dadansoddi adborth a chwynion gan ymgeiswyr, asiantiaid ac arsylwyr eraill 
  • Mae canlyniadau etholiadau yn gywir ac ar gael yn hawdd
  • Dadansoddi data'r heddlu mewn perthynas â honiadau o dwyll etholiadol/materion uniondeb 

Safonau Perfformiad ar gyfer Swyddogion Cofrestru Etholiadol

Pa fewnbwn sydd ei angen?

Dealltwriaeth Swyddogion Cofrestru Etholiadol a chyflawni'r rôl a'r cyfrifoldebau 
Rheoli a goruchwylio'r gwaith o ddarparu'r gwasanaeth cofrestru etholiadol, gan gynnwys swyddogaethau statudol y Swyddog Cofrestru Etholiadol, ac ymgysylltu â rhanddeiliaid

Cynllunio

Cynnal cynllun ar gyfer cofrestru drwy gydol y flwyddyn, gan sicrhau y caiff ei adolygu'n gyson a'i werthuso, gan fwydo'r gwersi a ddysgwyd yn ôl, a chofrestr risgiau a phroblemau, gan nodi unrhyw risgiau i weithrediad effeithiol eich cynllun cofrestru a chamau gweithredu lliniarol cyfatebol

Adnoddau

Nodi a dyrannu cyllideb a staff ar gyfer gweithgareddau cofrestru etholiadol 

Hyfforddiant

Nodi a darparu hyfforddiant i ddiwallu anghenion staff dros dro a staff parhaol

Pa weithgareddau yr ymgymerir â nhw?

Nodi'r rhai nad ydynt wedi cofrestru, gan gynnwys grwpiau anodd eu cyrraedd

  • Defnyddio'r data sydd ar gael a ffynonellau gwybodaeth, nodi'r rhai nad ydynt wedi cofrestru, gan gynnwys grwpiau anodd eu cyrraedd 
  • Datblygu a chynnal strategaeth ymgysylltu â'r cyhoedd, gan sicrhau bod gweithgareddau cynlluniedig wedi'u teilwra i ddiwallu anghenion grwpiau gwahanol o etholwyr

Pa wybodaeth sydd ei hangen i ddeall effaith ein gweithgareddau?

  • Dadansoddi cwmpas a defnyddioldeb y data a'r wybodaeth 
  • Dadansoddi'r ardal gofrestru ar lefel ward
  • Nodi ardaloedd â blaenoriaeth er mwyn targedu gweithgarwch cofrestru 
  • Gwerthuso sianeli a dulliau cyfathrebu, gan gynnwys dadansoddiad cost a budd o weithgarwch blaenorol, gan gefnogi'r gwaith o ddatblygu strategaeth ymgysylltu a gweithgareddau

Ymgymryd â gweithgarwch cofrestru drwy'r flwyddyn

  • Cynnal y gronfa ddata eiddo
  • Cysylltu ag etholwyr cymwys posibl, gan gynnwys cynnal gwaith i dargedu grwpiau anodd eu cyrraedd  
  • Sicrhau bod y rhai nad ydynt yn gymwys i gael eu cofrestru mwyach yn cael eu nodi a'u tynnu oddi ar y gofrestr
  • Datblygu a gweithredu prosesau i nodi a mynd i'r afael â materion uniondeb posibl
  • Rheoli etholwyr categori arbennig

Pa wybodaeth sydd ei hangen i ddeall effaith ein gweithgareddau?

  • Nifer yr eiddo â rhif cyfeirnod eiddo unigryw (UPRN)/fel canran o'r eiddo
  • Dadansoddi unrhyw faterion y rhoddir gwybod amdanynt o ran dyrannu eiddo i ddosbarthiadau pleidleisio er mwyn adlewyrchu ffiniau etholiadol perthnasol 
  • Cywirdeb a defnyddioldeb y ffynonellau data a ddefnyddir
  • Dadansoddi cyfraddau ymateb yn ôl sianel er mwyn deall effaith gwahanol ddulliau gweithredu
  • Nifer y Gwahoddiadau i Gofrestru a anfonwyd (yn ôl sianel)
  • Nifer y Gwahoddiadau i Gofrestru y dilynwyd eu trywydd
  • Nifer y gwahoddiadau i gofrestru nad ymatebwyd iddynt ar ôl y camau atgoffa ac ymweliad personol
  • Nifer yr etholwyr nad yw eu manylion adnabod wedi'u dilysu ac nad ydynt wedi darparu tystiolaeth ddogfennol eto  yn ôl math e.e. etholwyr cyffredin, etholwyr tramor ac ati Nifer y ceisiadau cofrestru a gafwyd yn ôl math e.e. etholwyr cyffredin, etholwyr tramor ac ati Nifer yr ychwanegiadau at y gofrestr yn ôl math e.e. etholwyr cyffredin, etholwyr tramor ac ati 
  • Nifer yr adolygiadau cofrestru a'r nifer y cafodd eu henwau eu dileu o ganlyniad i hynny 
  • Nifer y dileadau nad oeddent o ganlyniad i adolygiad, yn ôl math
  • Nifer y ceisiadau cofrestru a ailgyfeiriwyd at yr heddlu
  • Nifer y ceisiadau adnewyddu a anfonwyd yn ôl math o etholwr 
  • Nifer y ceisiadau etholwyr categori arbennig (ceisiadau newydd a cheisiadau adnewyddu) a broseswyd, gan grwpiau etholwyr gwahanol (tramor, gwasanaeth ac ati) 
  • Nifer yr etholwyr categori arbennig a adnewyddwyd  yn ôl math o etholwr

Gweinyddu'r canfasiad

  • Defnyddio data a gwybodaeth, nodi'r dull mwyaf priodol i ganfasio eiddo yn eich ardal
  • Gwneud trefniadau i ddarparu'r gweithgareddau canfasio a gynlluniwyd
  • Ymgymryd â'r gweithgareddau canfasio a gynlluniwyd

Pa wybodaeth sydd ei hangen i ddeall effaith ein gweithgareddau?

  • Cywirdeb a defnyddioldeb y ffynonellau data lleol a ddefnyddir
  • Canlyniadau paru data (cenedlaethol a lleol) 
  • Nifer yr aelwydydd a fwriadwyd ar gyfer pob llwybr
  • Dadansoddi'r sianeli cyfathrebu sydd ar gael (e-gyfathrebu, ffôn, post ac ati), er mwyn llywio'r cyswllt ag eiddo unigol
  • Nifer yr aelwydydd a ganfasiwyd, yn ôl llwybr a sianel 
  • Nifer yr ohebiaeth a anfonwyd, yn ôl llwybr a sianel
  • Nifer yr ymatebion, yn ôl llwybr a sianel
  • Asesu llwyddiant y sianeli cyfathrebu canfasio a ddefnyddiwyd 
  • Nifer y canfaswyr a recriwtiwyd ac a hyfforddwyd
  • Gwerthusiad o berfformiad canfaswr

Gweinyddu’r broses Tystysgrif Awdurdod Pleidleisiwr

  • Datblygu a chynnal strategaeth ymgysylltu ar gyfer y rheiny sy’n llai tebygol o fod â cherdyn adnabod gofynnol, ar sut i gael Tystysgrif Awdurdod Pleidleisiwr.
  • Prosesu ceisiadau am Dystysgrif Awdurdod Pleidleisiwr
  • Rheoli cynhyrchiad a dosbarthiad Tystysgrifau Awdurdod Pleidleisiwr dros dro
  • Prosesu ceisiadau dogfen Etholwr Dienw

Pa wybodaeth sydd ei hangen i ddeall effaith ein gweithgareddau?

  • Adnabod y rheiny sy’n llai tebygol o fod â cherdyn adnabod, gan gefnogi targedu gweithgarwch
  • Gwerthuso sianeli a dulliau cyfathrebu, gan gefnogi datblygiad a darpariaeth strategaeth a gweithgareddau ymgysylltu
  • Nifer y ceisiadau am Dystysgrif Awdurdod Pleidleisiwr a gafwyd yn ôl sianel
  • Nifer y ceisiadau am Dystysgrif Awdurdod Pleidleisiwr  a broseswyd
  • Nifer y ceisiadau am Dystysgrif Awdurdod Pleidleisiwr a wrthodwyd 
  • Nifer y Tystysgrifau Awdurdod Pleidleiswyr a anfonwyd 
  • Nifer Tystysgrifau Awdurdod Pleidleiswyr dros dro a anfonwyd
  • Nifer y ceisiadau dogfen Etholwyr Dienw a dderbyniwyd ac a broseswyd
  • Nifer y ceisiadau dogfen Etholwr Dienw a wrthodwyd
  • Nifer y dogfennau Etholwyr Dienw a gyhoeddwyd

Pa wahaniaeth sy'n cael ei wneud?

  • Deall demograffeg yr ardal gofrestru ac anghenion grwpiau o etholwyr yn yr ardal honno, gan alluogi gwasanaethau i gael eu targedu a'u cynllunio i ddiwallu anghenion trigolion
  • Rhwystrau i gofrestru wedi'u lleihau, gan alluogi pob unigolyn cymwys, yn cynnwys y rhai o grwpiau etholwyr gwahanol, i gofrestru
  • Nodi etholwyr newydd posibl a sicrhau eu bod yn cael pob cyfle i gofrestru i bleidleisio
  • Nodi newidiadau yn statws cofrestru unigolion a'u cymhwyso at y gofrestr mewn modd amserol
  • Caiff etholiadau eu cefnogi'n effeithiol gan y gofrestr
  • Gall pleidleiswyr heb gerdyn adnabod cael Tystysgrif Awdurdod Pleidleisiwr i’w galluogi i fwrw eu pleidlais yn bersonol

Sut gallwn benderfynu ar lwyddiant ein gwaith?

  • Nodi perfformiad yn erbyn y DPAau/amcanion yn eich cynlluniau cofrestru 
  • Gwerthuso gweithgareddau ymgysylltu â'r cyhoedd yr ymgymerwyd â nhw, gan gynnwys newidiadau a wnaed i'r gofrestr o ganlyniad i'r gweithgarwch
  • Newidiadau yn y lefelau cofrestru yn yr ardal gofrestru yn gyffredinol ac o fewn grwpiau a nodwyd, lle na cheir lefelau cofrestru digonol 
  • Asesiad o lefelau'r ychwanegiadau a dileadau, yn ystod y canfasiad a thrwy gydol y flwyddyn
  • Dadansoddiad o flwyddyn i flwyddyn o'r ychwanegiadau a'r dileadau
  • Asesu nifer yr etholwyr cymwys a oedd wedi ceisio pleidleisio ar y diwrnod pleidleisio, ond nad oeddent wedi gallu gwneud hynny am nad oeddent wedi cofrestru i bleidleisio neu nad oeddent wedi gallu pleidleisio oherwydd nad oedd ganddynt gerdyn adnabod priodol (mewn etholiadau perthnasol)

Pa fewnbwn sydd ei angen?

Dealltwriaeth Swyddogion Cofrestru Etholiadol a chyflawni'r rôl a'r cyfrifoldebau 

Rheoli a goruchwylio'r gwaith o ddarparu'r swyddogaeth pleidleisio absennol, gan gynnwys cyfrifoldebau statudol Swyddog Cofrestru Etholiadol, ac ymgysylltu â rhanddeiliaid 

Cynllunio

Cynnal cynllun drwy gydol y flwyddyn, yn cynnwys trefniadau ar gyfer rheoli'r broses pleidleisio absennol, a chofrestr risgiau a phroblemau, gan nodi unrhyw risgiau i'r broses o gyflawni eich cynllun cofrestru a chamau lliniaru cyfatebol yn effeithiol.

Adnoddau

Nodi a dyrannu cyllideb ar gyfer staff ac ar gyfer gweithgareddau pleidleisio 

Hyfforddiant 

Nodi a darparu hyfforddiant i ddiwallu anghenion staff dros dro a staff parhaol

Pa weithgareddau yr ymgymerir â nhw?

Cefnogi etholwyr i ymgysylltu â'r broses pleidleisio absennol

  • Datblygu a gweithredu cynllun cyfathrebu er mwyn sicrhau bod etholwyr yn ymwybodol o'r opsiynau pleidleisio absennol sydd ar gael iddynt 
  • Sicrhau y gall yr holl etholwyr ddefnyddio'r broses pleidleisio absennol

Pa wybodaeth sydd ei hangen i ddeall effaith ein gweithgareddau?

  • Gwerthuso gwybodaeth sydd ar gael i etholwyr eraill am y broses pleidleisio absennol er mwyn eu helpu i ddeall yr opsiynau sydd ar gael iddynt 
  • Nifer y ceisiadau pleidleisio absennol gan grwpiau gwahanol o etholwyr (tramor, gwasanaeth ac ati), yn ôl math (pleidlais bost neu drwy ddirprwy)
  • Nifer a math o gwynion a gafwyd am y gallu i ddefnyddio'r broses pleidleisio absennol gan grwpiau etholwyr gwahanol (arferol, tramor, gwasanaeth ac ati.)

Gweinyddu prosesau pleidleisio absennol

  • Prosesu ceisiadau newydd  
  • Prosesu newidiadau y gofynnwyd amdanynt i'r dewisiadau pleidleisio absennol
  • Cynnal cofnodion a rhestrau pleidleisio absennol
  • Ymgymryd â’r broses adnewyddu/ailymgeisio pleidleisiau post (pan yn berthnasol)
  • Datblygu a gweithredu prosesau i nodi a mynd i'r afael â materion uniondeb posibl

Pa wybodaeth sydd ei hangen i ddeall effaith ein gweithgareddau?

  • Nifer y ceisiadau pleidlais absennol a gafwyd yn ôl sianel 
  • Nifer y ceisiadau pleidlais absennol a gafwyd yn ôl math (pleidlais bost neu drwy ddirprwy)
  • Nifer y ceisiadau pleidlais absennol a wrthodwyd
  • Nifer y cofrestriadau pleidlais absennol a gadarnhawyd
  • Nifer y newidiadau i'r trefniadau pleidleisio a broseswyd
  • Nifer yr hysbysiadau adnewyddu pleidlais absennol a anfonwyd ac y dilynwyd eu trywydd, a nifer yr ymatebion a broseswyd  yn ôl math e.e. etholwyr cyffredin, etholwyr tramor ac ati Nifer y ceisiadau pleidlais bost i bleidleisiau post cael eu hailgyfeirio i un cyfeiriad
  • Nifer y ceisiadau post o un cyfeiriad
  • Nifer y ceisiadau pleidlais drwy ddirprwy o un cyfeiriad
  • Nifer y ceisiadau am bleidlais drwy ddirprwy mewn argyfwng yn ôl math
  • Nifer y ceisiadau a ailgyfeiriwyd at yr heddlu i ymchwilio iddynt

Pa wahaniaeth sy'n cael ei wneud?

  • Gall etholwyr wneud penderfyniad hyddysg o ran pa ddull pleidleisio sydd orau iddynt
  • Rhwystrau i bleidleisio absennol wedi'u lleihau, gan alluogi pob unigolyn cymwys, yn cynnwys y rhai o grwpiau etholwyr gwahanol, i wneud cais 
  • Nodi newidiadau i drefniadau pleidleisio a'u cymhwyso at y rhestr mewn modd amserol
  • Cynnal uniondeb cofnodion pleidleisio absennol 

Sut gallwn benderfynu ar lwyddiant ein gwaith?

  • Nodi perfformiad yn erbyn y DPAau/amcanion yn eich cynlluniau 
  • Dadansoddi cwynion ac adborth a gafwyd am y gallu i ddefnyddio'r broses pleidleisio absennol
  • Asesu nifer a mathau o wallau yn y rhestrau pleidleiswyr absennol

Pa fewnbwn sydd ei angen?

Dealltwriaeth Swyddogion Cofrestru Etholiadol a chyflawni'r rôl a'r cyfrifoldebau

Rheoli a goruchwylio'r gwaith o ddarparu'r cofrestrau etholiadol, gan gynnwys swyddogaethau statudol Swyddog Cofrestru Etholiadol, ac ymgysylltu â rhanddeiliaid

Cynllunio

Cynnal cynllun drwy gydol y flwyddyn, yn cynnwys manylion cyhoeddi a chyflenwi'r gofrestr a threfniadau ar gyfer rheoli systemau'n ddiogel, a chofrestr risgiau a phroblemau, gan nodi unrhyw risgiau i'r broses o gyflawni eich cynllun cofrestru a chamau lliniaru cyfatebol yn effeithiol

Adnoddau 

Nodi a dyrannu cyllideb a staff ar gyfer gweithgareddau cofrestru etholiadol 

Hyfforddiant

Nodi a darparu hyfforddiant i ddiwallu anghenion staff dros dro a staff parhaol

Pa weithgareddau yr ymgymerir â nhw?

Cyhoeddi a chyflenwi'r gofrestr etholiadol

  • Cynnal cofnod o'r rhai sy'n gymwys i gael y rhestr etholiadol
  • Cyflenwi'r gofrestr etholiadol yn ddiogel i dderbynwyr
  • Cyflenwi cofrestrau etholiadol mewn modd amserol a chywir i'r Swyddog Canlyniadau i gefnogi'r broses o gynnal etholiadau

Pa wybodaeth sydd ei hangen i ddeall effaith ein gweithgareddau?

  • Gwerthuso trefniadau i gyhoeddi'r gofrestr ddiwygiedig a diweddaru'r gofrestr bob mis
  • Gwerthuso trefniadau i gyflenwi'r gofrestr i'r rhai sy'n gymwys i'w chael
  • Nifer y ceisiadau a gafwyd, nifer y ceisiadau a gymeradwywyd a phryd y cawsant eu cyflenwi
  • Llwybrau archwilio sy'n dangos sut a phryd y cafodd data eu trosglwyddo
  • Gwerthuso dulliau o drosglwyddo data
  • Prosesau i sicrhau seiberddiogelwch
  • Amseru'r broses o ddarparu'r cofrestrau
  • Darparu gwybodaeth i'r sawl sy'n derbyn y gofrestr am sut i'w defnyddio'n briodol

Pa wahaniaeth sy'n cael ei wneud?

  • Mae pawb sy'n gymwys i gael y gofrestr yn cael y data yn brydlon ac mewn fformat priodol
  • Mae gan etholwyr hyder yn y ffordd y mae eu data yn cael eu llunio, eu cyrchu a'u defnyddio 
  • Caiff data personol eu prosesu'n gyfreithlon ac yn dryloyw

Sut gallwn benderfynu ar lwyddiant ein gwaith?

  • Nodi perfformiad yn erbyn y DPAau/amcanion yn eich cynlluniau
  • Dadansoddi cwynion a gafwyd mewn perthynas â darparu'r cofrestrau
  • Dadansoddi cwynion gan etholwyr am y ffordd y caiff eu data eu prosesu

Cawsom 60 o ymatebion i'r ymgynghoriad:

Llywodraethau (3)

Swyddogion yr Adran Ffyniant Bro, Tai a Chymunedau
George Adam, Y Gweinidog dros Fusnes Seneddol (Yr Alban)
Swyddogion Llywodraeth Cymru

Cyrff cynrychioladol (6)
Cymdeithas y Gweinyddwyr Etholiadol (AEA)
Cangen y De Cymdeithas y Gweinyddwyr Etholiadol
Bwrdd Rheoli Etholiadol yr Alban (EMB)
Cymdeithas Aseswyr yr Alban
Grŵp rhanbarthol Canol De Cymru (Cyngor Caerdydd, Cyngor Bro Morgannwg a Chyngor Bwrdeistref Rhondda Cynon Taf)
Bwrdd Cydlynu Etholiadol Cymru

Academyddion (1)
Toby James, Athro Gwleidyddiaeth a Pholisi Cyhoeddus

Sefydliadau eraill (5)
Anabledd Dysgu Cymru
RNIB
RNIB Cymru
RNIB Scotland
Comisiynydd y Gymraeg

Swyddogion Canlyniadau, Swyddogion Cofrestru Etholiadol a’u timau (45)
Cyngor Dinas Bryste
Cynghorau Bromsgrove a Redditch
Cyngor Bwrdeistref Broxtowe
Cyngor Swydd Buckingham
Cyngor Dinas Coventry
Cyngor Bwrdeistref Dacorum
Cyngor Bwrdeistref Darlington
Cyngor Dorset
Cyngor Dumfries a Galloway
Cyngor Bwrdeistref Eastbourne
Cyngor Falkirk
Cyngor Bwrdeistref Fareham
Cyngor Dosbarth Folkestone and Hythe
Cyngor Dinas Caerloyw
Cyngor Bwrdeistref Gravesham
Cyngor Bwrdeistref Harrogate
Cyngor Bwrdeistref Hartlepool
Cyngor Bwrdeistref Havant
Cyngor Bwrdeistref Hinckley a Bosworth
Cyngor Kirklees
Cyngor Dosbarth Lewes
Cyngor Lewisham
Bwrdeistref Bexley yn Llundain
Cyngor Bwrdeistref Luton
Cyngor Castell-nedd Port Talbot
Cyngor Gogledd-ddwyrain Swydd Lincoln
Cyngor Gogledd Swydd Lanark
Cyngor Gogledd Swydd Northampton
Cyngor Gogledd Tyneside
Cyngor Dinas Norwich
Cyngor Dinas Plymouth
Cyngor Bwrdeistref Redcar a Cleveland
Cynghorau Richmond and Wandsworth
Cyngor Dosbarth Selby
Cyngor Swydd Amwythig
Cyngor Dosbarth De Kesteven
Cyngor De Tyneside 
Cyngor Bwrdeistef Stockton-on-Tees
Cyngor Bwrdeistref Swale
Cyngor Bwrdeistref Swindon
Cyngor Bwrdeistref Tonbridge a Malling
Cyngor Dosbarth Torridge
Cyngor Tower Hamlets
Cyngor Gorllewin Swydd Dunbarton
Cyngor Gorllewin Suffolk