Cofnodion Bwrdd y Comisiwn: Dydd Mercher 22 Ebrill 2020

Ni chafwyd unrhyw ymddiheuriadau.

Ni chafwyd unrhyw ddatganiadau o fuddiant newydd.

Penderfynwyd: Bod cofnodion cyfarfod Bwrdd y Comisiwn ar 18 Mawrth 2020 i'w cymerdadwyo.

Nododd y Prif Weithredwr fod trosglwyddiad cyflym y sefydliad i weithio o bell wedi mynd yn dda ar y cyfan, a'i fod yn gobeithio hefyd ei fod wedi bod yn fuddiol i iechyd ein staff, gan nad oedd gennym adroddiadau o salwch helaeth.

Clywodd y Bwrdd fod Pwyllgor y Llefarydd wedi cymeradwyo ein Cynllun Corfforaethol dros dro a'n cyllideb, a bod gwaith ar y gweill yn awr i ystyried y ffordd orau i gyflawni'r hyn a oedd yn y cynllun yng nghyd-destun y pandemig coronafirws.

Trafododd y Bwrdd effaith y sefyllfa bresennol ar allu pleidiau ac ymgyrchwyr i gyflwyno eu ffurflenni erbyn y dyddiadau cau statudol a pha beth y byddai hyn yn ei olygu i'n cyhoeddiadau tryloywder. Dywedodd y Cyfarwyddwr Rheoleiddio ein bod yn cyfathrebu â'n rhanddeiliaid i ddeall eu sefyllfaoedd penodol a'r effaith y byddai hyn yn ei chael ar gydymffurfiaeth. Nododd nad oedd dychwelyd yn hwyr yn drosedd yn awtomatig.

Diweddarodd y Cyfarwyddwr Gweinyddiaeth a Chanllawiau Etholiadol y Bwrdd ynghylch deddfwriaeth eilaidd yn ymwneud â gohirio arolygon 2020, a’r gwaith yr oedd Swyddfa’r Cabinet yn ei arwain i gynllunio ar gyfer yr etholiadau a fyddai'n digwydd bellach yn 2021.

Clywodd y Bwrdd fod y llywodraeth i fod i wneud penderfyniad ar y canfasio yn fuan. Y disgwyliad ar y pryd oedd y byddai'r canfasio diwygiedig yn mynd yn ei flaen, er gyda dyddiad gorffen diwygiedig o bosib, a gwnaethom barhau i gynorthwyo Swyddogion Cofrestru Etholiadol (EROs) a'u timau i baratoi ar gyfer hyn.

Cytunodd y Bwrdd y byddai trafodaeth mewn cyfarfod yn y dyfodol ynghylch arolygon Mai 2021 a threfnu etholiadau ar ôl hynny yn ddefnyddiol.

Diweddarodd y Cyfarwyddwr Cyfathrebu, Polisi ac Ymchwil y Bwrdd ynghylch y gwaith yr oedd ei dimau yn ei wneud i sicrhau bod ein rhanddeiliaid yn parhau i gael eu hysbysu, gan gydnabod ar yr un pryd bod gan rai ohonynt flaenoriaethau gwahanol ar hyn o bryd.

Dywedodd y Cyfarwyddwr Cyllid a Gwasanaethau Corfforaethol fod gwaith ar y gweill i baratoi cyfrifon diwedd y flwyddyn. At ei gilydd, roedd hyn yn mynd rhagddo'n ddidrafferth, ond nododd ei bod yn debygol y byddai angen trafod ambell fater â'r Swyddfa Archwilio Genedlaethol (NAO) cyn y gellid setlo'r cyfrifon. Fe wnaeth hefyd ddiweddaru'r Bwrdd ynghylch y sefyllfa ariannol ddiwedd y flwyddyn ariannol, gan nodi bod y flwyddyn wedi dod i ben gyda thanwariant sylweddol. Roedd hyn yn ymwneud yn bennaf ag Etholiad Cyffredinol Seneddol y DU nas trefnwyd (UKPGE) a'r flwyddyn etholiadol oriog, ynghyd â phenderfyniadau yr oeddem wedi'u gwneud ynghylch y gyllideb graidd i reoli'r hyn a allai fod wedi bod yn orwariant sylweddol. Nododd, er bod gennym naratif da ar gyfer egluro'r sefyllfa, byddem hefyd yn herio ein hunain i weld a oedd unrhyw beth y gallem fod wedi'i wneud yn wahanol i reoli'r sefyllfa.

Trafododd y Bwrdd yr effaith bosibl y gallai'r sefyllfa bresennol parthed y pandemig coronafirws a'r argyfwng economaidd y mae wedi esgor arno yn ei chael ar gyllidebau'r Comisiwn yn y dyfodol.

Gweithred: Ychwanegu eitem ar yr agenda ar y llinell amser ar gyfer arolygon barn 2021 a threfnu etholiadau ar ôl y dyddiad hwnnw, at flaen-gynllun busnes y Bwrdd.

Penderfynwyd:Bod y papur i gael ei nodi.

Diweddarodd y Pennaeth Cynllunio Strategol a Pherfformiad y Bwrdd ynghylch y llinell amser ddiwygiedig ar gyfer cynhyrchu'r Cynllun Corfforaethol newydd.

Trafododd y Bwrdd y cyfleoedd y gallai hyn eu cynnig i ystyried y sefyllfa bresennol a'n huchelgeisiau ar gyfer yr agenda foderneiddio yn y tymor hwy. Nododd y Prif Weithredwr yr achlysuron ar flaen-gynllun y Bwrdd ar gyfer y trafodaethau hyn.

Penderfynwyd:Bod y papur i gael ei nodi.

Atgoffodd y Pennaeth Cynllunio Strategol a Pherfformiad y Bwrdd fod yr adroddiad hwn yn adolygiad ôl-dremiol o sut y rheolwyd risg trwy'r flwyddyn ddiwethaf. Nododd fod Risg 5 mewn perthynas â Brexit bellach wedi cau.

Tynnodd y Prif Weithredwr sylw at rai o'r camau a gymerwyd trwy'r flwyddyn i wella'r ffordd yr oedd y sefydliad yn rheoli risg.

Trafododd y Bwrdd bwysigrwydd adlewyrchu effaith y pandemig coronafirws yn ein cofrestrau risg cyfredol.

Penderfynwyd: Bod y papur i gael ei nodi.

Nododd y Cadeirydd, oherwydd y sefyllfa bresennol o ran coronafirws, fod adolygiad effeithiolrwydd y Bwrdd dan arweiniad annibynnol wedi'i ohirio, ond bod cynlluniau ar waith iddynt arsylwi mewn cyfarfod yn y dyfodol ac ymgynghori ag aelodau unigol o'r Bwrdd. Roedd yr oedi hwn yn golygu nad oeddem wedi cwblhau adolygiad effeithiolrwydd yn ystod y flwyddyn ariannol ddiwethaf, felly dyma gyfle'r Bwrdd i godi unrhyw beth cyn yr adolygiad mwy sylweddol, a fyddai'n cychwyn yn fuan.

Trafododd y Bwrdd yr Adroddiad. Ymhlith y materion a nodwyd i'w hystyried ymhellach

Cyfansoddiad ac amrywiaeth y Bwrdd

Sut y gallai aelodau'r Bwrdd gynyddu eu hymgysylltiad ag ystod ehangach o randdeiliaid

Sut y gallai aelodau'r Bwrdd fod yn rhan o'r sefydliad ehangach rhwng cyfarfodydd

Penderfynwyd:Bod y papur i'w nodi, cyn yr ymgymerir â'r adolygiad llawn o efffeithlonrwydd y Bwrdd gan sefydliad annibynnol sydd wedi ymgysylltu at y dibenion hynny.

Ystyriodd y Bwrdd a allai trafodaeth ynghylch dargyfeirio etholiadol a'r gwahanol ddulliau yr oedd llywodraethau datganoledig yn eu mabwysiadu i foderneiddio etholiadol fod yn ddefnyddiol.

Gweithred: Ychwanegu trafodaeth ar sut rydym yn defnyddio ein hymchwil i agenda'r Bwrdd ym mis Mai, gyda thrafodaeth fwy sylweddol yng nghyfarfod y Bwrdd ym mis Medi

Gweithred: Yn y cyd-destun presennol, bod Diweddariad y Prif Weithredwr i gynnwys diweddariad ar risg

Penderfynwyd: Bod y papur i gael ei nodi.

Penderfynwyd: Bod y papur i gael ei nodi.