Gwneud cais am swydd

Byddwn yn casglu gwybodaeth bersonol gan gynnwys eich hanes gwaith, manylion cyswllt a datganiadau am gollfarnau a gweithgarwch gwleidyddol blaenorol. Mae angen y wybodaeth hon arnom er mwyn i ni allu asesu eich cais a chysylltu â chi amdano.

Byddwn yn gofyn am ganiatâd gennych i brosesu'r wybodaeth hon pan fyddwch yn cofrestru drwy ein system recriwtio ar-lein.

Byddwn yn defnyddio'r wybodaeth a rowch i ni er mwyn asesu eich addasrwydd ar gyfer y swydd rydych wedi gwneud cais amdani. Bydd gan ein tîm adnoddau dynol fynediad llawn at y wybodaeth hon. Ni fydd y ceisiadau a ddewisir gan ein rheolwyr cyflogi ar gyfer y rhestr fer am gyfweliad yn cynnwys eich enw, eich manylion cyswllt na gwybodaeth cyfle cyfartal os ydych wedi'i darparu.

Gallwn ofyn i chi ddod i gyfweliad a chwblhau profion. Caiff gwybodaeth ei chynhyrchu gennych chi a gennym ni. Er enghraifft, efallai y byddwch yn cwblhau prawf ysgrifenedig neu efallai y byddwn yn cymryd nodiadau yn y cyfweliad. Caiff y wybodaeth hon ei chadw gennym.

Byddwn yn cadw gwybodaeth am ymgeiswyr aflwyddiannus am flwyddyn ar ôl y dyddiad cau. Byddwn yn trosglwyddo gwybodaeth am ymgeiswyr llwyddiannus i'n systemau mewnol a'i phrosesu yn ôl telerau ein contract cyflogaeth.

Trwy ddarparu gwybodaeth gyda'ch cais, rydych yn caniatáu i ni brosesu'r wybodaeth hon unrhyw bryd cyn dechrau contract cyflogaeth gyda ni, a gallwch dynnu'r caniatâd hwnnw yn ôl. Os byddwch yn tynnu eich caniatâd i ni brosesu eich gwybodaeth yn ôl, ni fyddwn yn gallu ystyried eich cais ar gyfer y swydd.

Byddwn yn ymateb i unrhyw geisiadau i weld y wybodaeth hon, ei chywiro, ei dileu, neu geisiadau I wrthwynebu neu gyfyngu ar waith prosesu, ac yn penderfynu ar bob cais yn ôl ei rinweddau ei hun.