Pleidiau gwleidyddol yn adrodd rhoddion o £51m yn 2022
Political parties report donations of £51m in 2022
Adroddodd pleidiau gwleidyddol sydd wedi’u cofrestru yn y Deyrnas Unedig eu bod wedi derbyn dros £51m mewn rhoddion a chronfeydd cyhoeddus yn ystod 2022, yn ôl ffigurau a gyhoeddwyd gan y Comisiwn Etholiadol heddiw.
Adroddodd pleidiau ac ymgyrchwyr eu bod wedi derbyn cyfanswm o £51,594,424 yn 2022, o gymharu â £51,290,954 yn 2021, gyda £14,779,158 o gyfanswm 2022 yn cael ei dderbyn yn chwarter olaf y flwyddyn (Hydref i Ragfyr).
Dywedodd Louise Edwards, Cyfarwyddwr Rheoleiddio y Comisiwn Etholiadol:
“Gwyddwn fod pleidleiswyr am wybod o ble y daw rhoddion gwleidyddol a phwy sy’n eu derbyn, ond mae hyder y cyhoedd yn hygrededd a thryloywder cyllid pleidiau ac ymgyrchwyr yn dirywio. Rydym yn cyhoeddi’r wybodaeth hon fel bod pleidleiswyr yn deall o ble y daw’r arian. Diben hyn yw rhoi hyder yn y system i bleidleiswyr.
“Fodd bynnag, nid yw cael gwybodaeth am bwy yw’r rhoddwyr a faint maen nhw’n ei roi yn ddigon i fagu hyder bod y system yn gwbl dryloyw. Rydym wedi argymell diwygiadau i lywodraeth y DU, a fyddai’n helpu i gryfhau’r system cyllid gwleidyddol ymhellach.”
Mae'n ofynnol i bleidiau gwleidyddol gyflwyno ffurflenni rhoddion a benthyciadau chwarterol i'r Comisiwn Etholiadol. Yn y ffurflenni hyn, mae'r pleidiau yn adrodd:
- rhoddion a dderbyniwyd sy'n uwch na'r trothwy o £7,500 (dros £1,500 ar gyfer unedau cyfrifyddu)
- rhoddion llai gan roddwr unigol sydd, gyda'i gilydd, yn fwy na'r trothwy adrodd
- rhoddion gwaharddedig a dderbyniwyd ganddynt a'r camau a gymerwyd mewn perthynas â'r rhain.
Gall pleidiau hefyd adrodd rhoddion a ddylai fod wedi cael eu hadrodd mewn chwarteri blaenorol.
Y pleidiau gwleidyddol a adroddodd roddion ym mhedwerydd chwarter 2022, gan gynnwys cronfeydd cyhoeddus, oedd:
|
Plaid |
Cyfanswm a adroddwyd |
Rhoddion a dderbyniwyd (ac eithrio cronfeydd cyhoeddus) |
Cronfeydd cyhoeddus a dderbyniwyd |
Cyfanswm a dderbyniwyd yn ystod y chwarter hwn |
|---|---|---|---|---|
|
Cynghrair - Plaid Gynghrair Gogledd Iwerddon |
£56,966 |
£25,000 |
£31,966 |
£56,966 |
|
Breakthrough Party |
£40,000 |
£0 |
£0 |
£0 |
|
Y Blaid Geidwadol ac Unoliaethol (Prydain Fawr) |
£4,858,373 |
£4,744,114
|
£31,833 |
£4,775,947
|
|
Y Blaid Geidwadol ac Unoliaethol (Gogledd Iwerddon) |
£10,881 |
£10,881 |
£0 |
£10,881 |
|
Y Blaid Gydweithredol |
£47,444 |
£47,444 |
£0 |
£47,444 |
|
Plaid yr Unoliaethwyr Democrataidd - D.U.P |
£86,066 |
£0 |
£86,066 |
£86,066 |
|
Y Blaid Werdd |
£172,192 |
£122,202 |
£46,778 |
£168,980 |
|
Y Blaid Lafur |
£7,220,437 |
£5,054,462 |
£2,119,808 |
£7,174,270 |
|
Y Democratiaid Rhyddfrydol |
£1,426,226 |
£966,851 |
£377,637 |
£1,344,488 |
|
People Before Profit Alliance |
£13,164 |
£2,100 |
£4,764 |
£6,864 |
|
Plaid Cymru |
£34,719 |
£7,000 |
£27,719 |
£34,719 |
|
Plaid Werdd yr Alban |
£52,139 |
£47,761 |
£4,378 |
£52,139 |
|
Plaid Genedlaethol yr Alban (SNP) |
£538,339 |
£251,000 |
£287,339 |
£538,339 |
|
SDLP (Plaid Democratiaid Cymdeithasol a Llafur) |
£148,816 |
£0 |
£50,105 |
£50,105 |
|
Sinn Féin |
£232,814 |
£150,000 |
£82,814 |
£232,814 |
|
Y Blaid Democratiaid Cymdeithasol |
£20,000 |
£20,000 |
£0 |
£20,000 |
|
The Reclaim Party |
£75,000 |
£75,000 |
£0 |
£75,000 |
|
Traditional Unionist Voice - TUV |
£6,783 |
£0 |
£6,783 |
£6,783 |
|
True & Fair Party |
£54,500 |
£54,500 |
£0 |
£54,500 |
|
Plaid Unoliaethwyr Ulster |
£22,854 |
£0 |
£22,854 |
£22,854 |
|
Plaid Cydraddoldeb Menywod |
£25,000 |
£20,000 |
£0 |
£20,000 |
|
Cyfanswm |
£15,148,712 |
£11,598,315 |
£3,180,843 |
£14,779,158 |
Gallai’r swm a adroddir gan blaid wleidyddol i’r Comisiwn fod yn wahanol i’r swm a dderbynnir ganddi mewn chwarter. Mae hyn oherwydd y gall y swm a adroddir gan blaid gynnwys rhoddion a ddychwelwyd gan eu bod yn waharddedig a / neu roddion a adroddwyd ar gyfer y chwarter anghywir.
Mae'n debygol y bydd pleidiau wedi derbyn rhoddion eraill, gan wahanol gyrff neu unigolion, sydd yn is na’r trothwyon ar gyfer adrodd i’r Comisiwn. O'u cymryd fel cyfanswm gall y rhain fod yn ffynonellau incwm sylweddol i bleidiau.
Methodd pump o bleidiau â bodloni'r dyddiad cau adrodd ar gyfer y chwarter hwn. Bydd y Comisiwn yn ystyried pob un o’r materion hyn, yn ogystal â rhoddion a adroddwyd yn hwyr, yn unol â'i Bolisi Gorfodi, os yw’n briodol. Bydd unrhyw gosbau a roddir yn cael eu cyhoeddi ar ddyddiad hwyrach.
Benthyca
Cafodd £2,028,800 o fenthyciadau newydd eu hadrodd ym mhedwerydd chwarter 2022. Cafodd benthyciadau â gwerth o £620,017 eu talu’n llawn.
Rhoddion a dderbyniwyd gan dderbynwyr a reoleiddir yn Ch4 2022
Mae'r Comisiwn hefyd yn cyhoeddi manylion rhoddion a dderbyniwyd gan dderbynwyr a reoleiddir. Mae derbynwyr a reoleiddir yn aelodau o bleidiau gwleidyddol cofrestredig, deiliaid swyddi dewisol perthnasol, a chymdeithasau aelodau.
Ym mhedwerydd chwarter 2022, derbyniwyd £736,637 mewn rhoddion gan 89 o dderbynwyr. Mae'r cyfanswm yn cynnwys rhoddion arian parod a rhoddion nad ydynt yn arian parod, ynghyd â rhoddion tuag at ymweliadau tramor. Mae manylion llawn y rhoddion arian parod a’r rhoddion nad ydynt yn arian parod ar gael ar ein gwefan.
|
Math o dderbyniwr a reoleiddir |
Gwerth yr arian parod a'r rhoddion nad ydynt yn arian parod a dderbyniwyd |
Gwerth rhoddion a dderbyniwyd tuag at ymweliadau tramor |
Cyfanswm gwerth y rhoddion a dderbyniwyd |
|---|---|---|---|
|
Ymgeisydd Arweinyddiaeth |
£30,350 |
£0 |
£30,350 |
|
Maer |
£79,891 |
£0 |
£79,891 |
|
Aelod o Blaid Wleidyddol Gofrestredig |
£6,000 |
£0 |
£6,000 |
|
Cymdeithas Aelodau |
£117,819 |
£0 |
£117,819 |
|
MLA - Aelod o Awdurdod Deddfwriaethol Gogledd Iwerddon |
£0 |
£4,110 |
£4,110 |
|
AS - Aelod Seneddol |
£296,714 |
£199,753 |
£ 496,467 |
|
MSP - Aelod o Senedd yr Alban |
£ 2,000 |
£0 |
£2,000 |
|
Cyfansymiau |
£532,775 |
£203,863 |
£736,637 |
Rhagor o wybodaeth
Mae crynodeb o’r rhoddion a adroddwyd gan bleidiau, gan gynnwys y prif roddwyr a manylion adroddiadau hwyr, ar gael ar wefan y Comisiwn.
Mae manylion llawn rhoddion a benthyciadau a adroddwyd yn Ch4 2022 ar gael ar ein cofrestr cyllid gwleidyddol.
Diwedd
Am ragor o wybodaeth, cysylltwch â swyddfa cyfryngau’r Comisiwn Etholiadol drwy ffonio 020 7271 0704, tu allan i oriau swyddfa 07789 920 414 neu drwy e-bostio [email protected]
Nodiadau i olygyddion
- Mae Deddf Pleidiau Gwleidyddol, Etholiadau a Refferenda 2000 (PPERA) yn gofyn bod pleidiau gwleidyddol yn adrodd am roddion a benthyciadau arian parod, a’r rheiny nad ydynt yn arian parod, yn chwarterol i'r Comisiwn Etholiadol. Mae rhaid i bleidiau gwleidyddol adrodd am bob rhodd a benthyciad dros £7,500 sy'n ymwneud â'r blaid ganolog, neu bob un dros £1,500 sy'n ymwneud ag uned gyfrifyddu. Mae hyn yn cynnwys cyfansymiau rhoddion a benthyciadau o'r un ffynhonnell yn ystod y flwyddyn galendr. Unwaith y bydd y blaid ganolog wedi adrodd rhodd neu gydgrynhoi rhodd o dros £7,500 mae’n rhaid iddynt adrodd bob rhodd dilynol o fwy na £1,500 o’r ffynhonnell hwnnw.
- Gan mai dim ond rhoddion a benthyciadau dros y trothwyon hyn sy’n cael eu hadrodd gan bleidiau, nid yw'r ffigyrau yn cynnwys yr holl roddion a benthyciadau a dderbyniwyd gan bleidiau gwleidyddol. Cofnodir rhoddion a benthyciadau o dan y trothwyon hyn yng nghyfrifon blynyddol pleidiau gwleidyddol. Mae gwybodaeth am ddatganiadau o gyfrifon mwyaf diweddar pleidiau gwleidyddol ar gael yng nghronfa ddata’r Comisiwn.
- Cronfeydd cyhoeddus yw rhoddion gan Dŷ'r Cyffredin, Tŷ'r Arglwyddi, Senedd yr Alban a'r Comisiwn Etholiadol. Mae grantiau 'Short' a 'Cranborne' ar gael i’r gwrthbleidiau yn Nhŷ'r Cyffredin neu Dŷ'r Arglwyddi fel ei gilydd.
- Mae rhai rhoddion gan y Comisiwn Etholiadol yn ymddangos ar y gofrestr. Y rhain yw: Grantiau Datblygu Polisi, a sefydlwyd gan Ddeddf Pleidiau Gwleidyddol, Etholiadau a Refferenda 2000 ar gyfer pleidiau sydd â dau neu ragor o aelodau cyfredol yn Nhŷ'r Cyffredin. Bwriad y grantiau yw cynorthwyo pleidiau i ddatblygu'r polisïau y byddant yn eu cyflwyno mewn maniffesto etholiadol. Mae'r ddeddfwriaeth yn darparu swm o £2 miliwn yn flynyddol ar gyfer hyn. Daeth Grantiau Datblygu Polisi yn adroddadwy fel rhoddion am y tro cyntaf yn nhrydydd chwarter 2006 o ganlyniad i Ddeddf Gweinyddiaeth Etholiadol 2006.
- Roedd 351 o bleidiau gwleidyddol cofrestredig ym Mhrydain Fawr a Gogledd Iwerddon yn ystod pedwerydd chwarter 2022. Roedd gofyn i 50 ohonynt gyflwyno adroddiad rhoddion chwarterol a 35 ohonynt gyflwyno gwybodaeth fenthyca erbyn y dyddiad cau. Eithriwyd y pleidiau gwleidyddol eraill gan iddynt gyflwyno pedwar cofnod o ddim yn olynol yn flaenorol. Cyn belled â’u bod heb gael rhoddion yn ystod y chwarter diwethaf, maent wedi’u heithrio rhag cyflwyno adroddiad.
- Mae rhagor o wybodaeth am yr hyn yw derbynnydd a reoleiddir a'u gofynion adrodd cyfreithiol ar gael ar ein gwefan. Mae Aelodau Seneddol yn adrodd am y rhoddion a dderbyniwyd ganddynt yng Nghofrestr Buddiannau Ariannol yr Aelodau. Yna mae’r cofrestrydd yn anfon y manylion hyn i’r Comisiwn. Mae’r Comisiwn yn nodi unrhyw roddion sydd yn disgyn o fewn rheolau ar dderbynwyr a reoleiddir ac rydym yn cyhoeddi rhain. Mae gan y Comisiwn rôl o reoleiddio mewn perthynas â rhoddion a ganiateir. Mae aelodau Senedd yr Alban yn adrodd am y rhoddion a dderbyniwyd ganddynt yng Nghofrestr Buddiannau Senedd yr Alban.
- Mae pob derbynnydd arall a reoleiddir yn adrodd am ei roddion yn uniongyrchol i ni. Yna byddwn yn cyhoeddi'r wybodaeth hon yn fisol fel rhan o'n rôl wrth ddarparu mwy o dryloywder ym maes cyllid gwleidyddol yn y DU.