Cofnodion Bwrdd y Comisiwn: eitemau busnes electronig: Dydd Llun 15 Mehefin 2020

Nododd y Bwrdd fod cwynion yn ffynhonnell wybodaeth ddefnyddiol sy’n helpu’r sefydliad i wella a gofynnodd am ragor o fanylion ynghylch cwynion penodol.

Penderfynwyd: Y caiff y papur ei nodi.

Cafwyd ymholiadau ynghylch sut y gellid trafod y busnes electronig yng nghyfarfodydd y Bwrdd a sut byddai’r Comisiwn yn ymwneud â phartneriaethau ymchwil rhagweithiol.

Penderfynwyd: Y caiff y papur ei nodi.

Nodwyd bod rhanddeiliaid allanol, gan gynnwys Prif Weithredwyr sawl awdurdod lleol, i gael eu gwahodd i siarad am y pwysau a’r heriau sy’n wynebu llywodraeth leol yn gyffredinol,, ac mewn perthynas ag etholiadau yn benodol, fel rhan o gyfarfod y Bwrdd ym mis Hydref.

Penderfynwyd: Y caiff y papur ei nodi.

Cafwyd ymholiadau ynghylch effaith y pandemig Coronafeirws ar y Comisiwn a’r blaen-gynllun. Byddai Diweddariad y Prif Weithredwr yn diweddaru Comisiynwyr, a chychwynnwyd adolygiad o’r gwersi a ddysgwyd. Byddid yn mynd i’r afael â’r mater hwn hefyd wrth ddatblygu’r cynllun corfforaethol pum mlynedd newydd.

Cafwyd ymholiadau ynghylch yr amserlen ar gyfer datblygu cynllun cyfarfodydd y Bwrdd at 2021/22. Cynlluniwyd y gwaith at wyliau’r haf, a byddai Comisiynwyr yn gallu ei adolygu pan ddeuai gerbron y Bwrdd ar 23 Medi 2020.

Penderfynwyd: Y caiff y papur ei nodi.