Mynegi pryder ynghylch cyllid gwleidyddol

Rydym yn adolygu pob gwybodaeth rydych yn ei rhoi i ni'n ofalus er mwyn penderfynu sut i fynd i'r afael â'ch pryder. Yn dibynnu ar amgylchiadau, efallai y byddwn yn:

• eich cyfeirio at sefydliad sy'n gallu eich helpu
• egluro rheolau penodol yn glir ynghylch cyllid gwleidyddol
• gweithio gydag ymgyrchwyr i'w cynorthwyo nhw i ddilyn y rheolau drwy ddefnyddio cyngor ac arweiniad
• cymryd camau gorfodi.

Rydym yn rhoi cefnogaeth i bobl a sefydliadau rydym yn eu rheoleiddio er mwyn eu helpu i ddeall y rheolau ar gyllid gwleidyddol a sut i'w dilyn nhw.  Pan mae'n briodol ac er budd y cyhoedd, efallai y byddwn yn cymryd camau gorfodi. Gall hyn gynnwys ymchwiliadau a sancsiynau.

Os ydych yn rhoi eich manylion cyswllt, byddwn yn cysylltu â chi o fewn 21 diwrnod. Efallai y byddwn yn cysylltu â chi cyn hynny i ofyn am ragor o wybodaeth neu eglurder. Fodd bynnag, rhowch gymaint o wybodaeth â phosibl wrth fynegi eich pryderon.

Dim ond os fydd y canlynol yn digwydd y byddwn yn penderfynu cymryd camau gorfodi:

• os yw eich pryder yn dangos methiant i gydymffurfio â rheolau Deddf Pleidiau Gwleidyddol, Etholiadau a Refferenda 2000 (PPERA)
• os yw'r methiant hwn yn cael ei ategu gan dystiolaeth
• os nad yw eich pryder eisoes wedi cael ei asesu, neu wedi cael ei asesu ond bod tystiolaeth newydd wedi dod i'r amlwg
• os nad yw eich pryder eisoes wedi bod yn destun camau gorfodi
• os yw er budd y cyhoedd ac nad ydym wedi gallu datrys y mater mewn unrhyw ffordd arall.

Rydym yn ymdrin â phryderon ynghylch gwariant, rhoddion ac adrodd ariannol:

• pleidiau gwleidyddol
• ymgyrchwyr di-blaid
• aelodau pleidiau unigol a'r rhai sydd mewn swydd etholedig, megis ASau
• ymgyrchwyr refferendwm
• cymdeithasau aelodau
• cymdeithasau anghorfforedig, sydd yn unrhyw grŵp o fwy na dau berson.

Darllenwch ein polisi gorfodi i ddysgu rhagor am beth rydym yn ei wneud os ydym yn gweld bod unigolyn neu sefydliad yn torri'r gyfraith.

Er ein bod ni'n gallu cynnig cyngor a chefnogaeth mewn rhai amgylchiadau, ni allwn gymryd camau gorfodi mewn perthynas â'r mwyafrif o'r pryderon canlynol.

Cysylltwch â'r heddlu os yw eich pryder yn ymwneud â’r canlynol:

• cyllid gwleidyddol neu ymddygiad ymgeisydd unigol
• ymgyrchwyr di-blaid sy'n ymgyrchu dros neu yn erbyn ymgeisydd penodol
• ymgeiswyr, ymgyrchwyr neu swyddogion etholedig yn cael eu bygwth neu eu haflonyddu, boed yn ysgrifenedig neu wyneb yn wyneb.

Siaradwch â'ch awdurdod lleol os oes gennych chi bryderon ynghylch:

• sut cafodd etholiad ei rhedeg yn eich ardal chi, megis cofrestru etholiadol, pleidleisio drwy'r post neu orsaf bleidleisio
• ymddygiad rhywun mewn gorsaf bleidleisio
• sut mae plaid wleidyddol wedi defnyddio cyfleusterau cyngor lleol
• unrhyw farchnata neu gyfathrebu, fel postiadau cyfryngau cymdeithasol, a rannwyd ganddynt yn ystod y cyfnod 'cyn yr etholiad' rydych chi'n tybio y gallai fod o natur wleidyddol.

Nid yw cynnwys y rhan fwyaf o ddeunydd ymgyrchu gwleidyddol yn cael ei reoleiddio yn y DU. Fodd bynnag, gallwch siarad ag Ofcom os ydych yn bryderus y gall:

• hysbyseb teledu fod o natur wleidyddol, gan fod darllediadau teledu gwleidyddol wedi'u gwahardd yn y DU.

Siaradwch â phlaid wleidyddol os ydych yn bryderus ynghylch:

• sut cawson nhw eich enw, cyfeiriad neu gyfeiriad e-bost i anfon deunydd ymgyrchu atoch
• anghydfod plaid mewnol
• unrhyw anfonebau heb eu talu i gyflenwyr.

Siaradwch â Swyddfa'r Comisiynydd Gwybodaeth (ICO) os ydych yn bryderus ynghylch:

• sut cafodd eich data personol ei ddefnyddio neu ei drin
• defnyddio neu ymdrin â'ch data personol.

Gallwch fynegi pryder drwy lenwi'r ffurflen hon.

Darllenwch ein Polisi Preifatrwydd i ddysgu sut rydym yn defnyddio a gwarchod y wybodaeth a ddarperir gennych.