Ein hymateb: Ymgynghoriad ar Strategaeth Cydraddoldeb, Amrywiaeth a Chynhwysiant ddrafft

Y broses ymgynghori

Ar 5 Tachwedd 2021 gwnaethom gyhoeddi ymgynghoriad ar ein Strategaeth Cydraddoldeb, Amrywiaeth a Chynhwysiant drafft a diwygiad o’n dogfennau Asesiad o Effaith ar Gydraddoldeb (EQIA) drafft. Roedd yr ymgynghoriad yn cynnwys Cymru, Lloegr, yr Alban a Gogledd Iwerddon.

Roedd manylion yr ymgynghoriad ar gael ar ein gwefan. Gwnaethom hefyd roi gwybod am yr ymgynghoriad i dros 100 o randdeiliaid yn uniongyrchol drwy e-bost.

Gwnaethom ymestyn y dyddiad cau ar gyfer ymatebion o 28 Ionawr i 14 Chwefror 2022 er mwyn caniatáu mwy o amser ar gyfer ymatebion.

Cawsom bum ymateb ynghylch y Strategaeth, pedwar gan sefydliadau ac un gan unigolyn. Ni chafwyd sylwadau ar y dogfennau EQIA.

Rydym yn trafod y Strategaeth a’r dogfennau EQIA gyda Chomisiwn Cydraddoldeb Gogledd Iwerddon.

Pwyntiau a godwyd gan ymatebwyr a’n hymateb iddynt

Codwyd pwyntiau ar amrywiaeth o themâu. Rydym wedi’u crynhoi yma ochr yn ochr â'n hymateb.

Gallwn fabwysiadu awgrymiadau a wnaed yn y meysydd canlynol ac rydym wedi diweddaru ein strategaeth yn unol â hynny. Byddwn yn:

  • cynnwys data ystadegol ar y niferoedd o bobl o fewn poblogaeth y DU sy’n hadnabod eu hunain fel LHDTRh
  • nodi’r cynulleidfaoedd targed ar gyfer Dysgu a Datblygu a sicrhau ymgysylltiad gan uwch reolwyr
  • ystyried creu cyfle mentora ar gyfer grwpiau sydd wedi’u tangynrychioli
  • ymrwymo i gynyddu a gwella sut y cesglir data
  • cydnabod bod ein data presennol ar ein gweithlu yn tangynrychioladol o boblogaeth lleiafrifoedd ethnig y DU
  • dathlu amrywiaeth, cyflawniadau a gwelliannau sydd wedi’u cynllunio drwy ddigwyddiadau
  • Nodi sut y byddwn yn lliniaru gofidion am ddatgelu data i’r rheiny sydd â nodweddion gwarchodedig
  • ystyried sut y byddwn yn cynorthwyo grwpiau sydd wedi eu tangynrychioli i gamu ymlaen yn eu gyrfaoedd
  • ymrwymo i archwilio addasiadau rhesymol ac i addysgu ein hunain arnynt
  • parhau i sicrhau nad yw arferion recriwtio’n rhoi ymgeiswyr sydd ag anabledd o dan anfantais.

Cafodd rhai camau pellach eu hawgrymu ond nid ydym wedi’u derbyn am un neu fwy o’r rhesymau canlynol:

  • Nid oes gennym y pŵer neu’r gorchwyl i gymryd y camau a awgrymwyd
  • Mae ein maint yn ei gwneud hi’n anymarferol i gymryd y camau a awgrymwyd 
  • Rydym eisoes yn cymryd y camau a awgrymwyd neu’n bwriadu eu cymryd
     

Hoffem ddiolch i bawb sydd wedi ymateb.