Pleidleisio os oes gennych ail gartref neu os ydych yn fyfyriwr

Os ydych yn rhannu eich amser rhwng dau gartref, efallai y gallwch gofrestru i bleidleisio yn y ddau gyfeiriad.

Er enghraifft, gallai hyn fod os ydych chi:

• yn berchen ar ddau eiddo ac yn rhannu eich amser rhyngddynt
• yn fyfyriwr gyda chyfeiriad cartref a chyfeiriad yn ystod y tymor
• yn treulio amser mewn gwahanol gyfeiriadau teuluol.

Os byddwch yn gwneud cais i gofrestru i bleidleisio o'ch ail gartref, yna bydd eich cais yn cael ei ystyried fesul achos. Bydd y canlyniad yn dibynnu ar faint o amser y byddwch yn ei dreulio ym mhob un o'ch cyfeiriadau.

Darganfyddwch a ydych yn gymwys i gofrestru a sut i wneud cais

Nid yw cofrestru mewn dau gyfeiriad o reidrwydd yn golygu eich bod yn cael dwy bleidlais. 

Bydd angen i chi ddewis un cyfeiriad a phleidleisio yn yr ardal honno yn unig pan fyddwch yn pleidleisio mewn:

• Etholiadau Senedd y DU
• Etholiadau Senedd Cymru
• Refferenda'r DU

Ni allwch bleidleisio yn y ddau gyfeiriad yn yr etholiadau hyn. Mae pleidleisio mewn mwy nag un lleoliad yn drosedd. 

Ar gyfer etholiadau eraill, gallwch bleidleisio yn y ddau gyfeiriad.

Gallwch ddewis pleidleisio yn y naill ardal neu'r llall neu yn y ddwy ardal (cyhyd â bod y cyfeiriadau mewn ardaloedd cyngor gwahanol)  pan fyddwch yn pleidleisio mewn:

• Etholiadau cyngor lleol yng Nghymru
• Etholiadau ar gyfer Comisiynwyr yr Heddlu a Throseddu 

Gwnewch yn siŵr eich bod yn deall y rheolau ar gyfer yr etholiadau rydych yn pleidleisio ynddynt.