Mae etholiadau Comisiynwyr yr Heddlu a Throseddu (CHTh) yn cael eu cynnal yng Nghymru a Lloegr ar 2 Mai 2024.

Mae Comisiynwyr yr Heddlu a Throseddu yn sicrhau bod yr heddlu lleol yn eu hardal yn diwallu anghenion y gymuned.

Mae 39 o ardaloedd heddlu ar draws Cymru a Lloegr gyda Chomisiynydd Heddlu a Throseddu. Mae gan bob ardal un comisiynydd.

Yn Llundain Fwyaf, Manceinion Fwyaf a Gorllewin Swydd Efrog, mae'r maer yn dal yr un cyfrifoldebau â Chomisiynydd yr Heddlu a Throseddu.

Nod Comisiynwyr yr Heddlu a Throseddu yw lleihau troseddau a darparu gwasanaeth heddlu effeithiol ac effeithlon o fewn eu hardal heddlu. Cânt eu hethol gan y cyhoedd i wneud Prif Gwnstabliaid a'r heddlu yn atebol  ar eu rhan.

Mae Comisiynwyr yr Heddlu a Throseddu yn:

  • Pennu cyllideb yr heddlu ac yn gwneud yn siŵr ei bod yn cael ei gwario’n effeithiol
  • Penodi Prif Gwnstabliaid yr heddluoedd lleol
  • Ymgysylltu â’r cyhoedd a dioddefwyr troseddau i helpu i bennu cynlluniau heddlu a throseddu a threfnu prosiectau o fewn y gymuned
  • Gweithio'n agos gyda'r cyngor lleol a sefydliadau cymunedol eraill ar y cynlluniau a'r prosiectau hyn

Mae Comisiynydd yr Heddlu a Throseddu yn eich cynrychioli yn eich heddlu lleol. Yng Nghymru, mae pedwar Comisiynydd yr Heddlu a Throseddu, ac mae pob un yn cynrychioli un o'r pedwar heddlu.

  • Heddlu De Cymru
  • Heddlu Gogledd Cymru
  • Heddlu Gwent
  • Heddlu Dyfed Powys

Cynhelir etholiadau ar gyfer Comisiynwyr yr Heddlu a Throseddu bob pedair blynedd.

Mae canllawiau Hawdd eu Darllen ynghylch etholiadau Comisiynwyr yr Heddlu a Throseddu yng Nghymru ar wefan Swyddfa Comisiynydd yr Heddlu a Throseddu dros Ogledd Cymru.

Pwy all bleidleisio yn yr etholiadau hyn

Os ydych yn gymwys i bleidleisio ac wedi cofrestru i bleidleisio mewn ardal sydd â Chomisiynydd yr Heddlu a Throseddu, gallwch bleidleisio yn etholiadau Comisiynwyr yr Heddlu a Throseddu.

Gwiriwch a ydych yn gymwys i bleidleisio.

Sut i bleidleisio

Byddwch yn derbyn un papur pleidleisio. Bydd y papur pleidleisio yn rhestru’r ymgeiswyr ar gyfer Comisiynydd yr Heddlu a Throseddu. Dim ond dros un ymgeisydd y byddwch yn gallu pleidleisio, drwy roi croes [X] yn y blwch wrth ymyl eich dewis. Yr ymgeisydd sydd â'r gyfran fwyaf o'r pleidleisiau sy'n ennill.

Gallwch ddod o hyd i’ch gorsaf bleidleisio leol a phwy yw'r ymgeiswyr yn eich ardal trwy roi eich cod post yn ein hadnodd chwilio. Gallwch wneud cais i bleidleisio drwy'r post neu drwy ddirprwy.

Chwilio am yr ymgeiswyr sy’n sefyll yn eich ardal? Rhowch eich cod post i weld rhestr. Bydd eich ymgeiswyr ar gael ychydig wythnosau cyn y diwrnod pleidleisio.