Mae pedwar math o faer yn Lloegr. Mae'r math o faer neu feiri sydd gennych yn dibynnu ar ble rydych chi'n byw.

Yn Llundain, mae'r Maer yn gosod y weledigaeth ar gyfer y ddinas. Darganfyddwch ragor am Faer Llundain

Mewn rhai ardaloedd, mae yna awdurdod cyfun, lle mae grŵp o gynghorau lleol yn gweithio gyda'i gilydd ar faterion sy'n effeithio ar yr ardal gyfan, fel trafnidiaeth a thai. Maer etholedig sy'n arwain awdurdodau cyfun.

Mae yna feiri awdurdodau lleol hefyd, sy'n cael eu hethol i arwain y cyngor lleol mewn un ardal.

Yn olaf, mae yna feiri sy'n ymgymryd â rôl seremonïol. Nid yw'r meiri hyn yn cael eu hethol, ac nid oes ganddynt rôl wleidyddol. Maent yn aml yn cynrychioli'r cyngor ar achlysuron arbennig a digwyddiadau elusennol.

Pwy all bleidleisio yn yr etholiadau hyn

Os ydych chi'n gymwys i bleidleisio ac wedi eich cofrestru mewn ardal sydd â maer etholedig, gallwch bleidleisio mewn etholiadau maerol.

Gwiriwch a ydych chi'n gymwys i bleidleisio

Mae etholiadau maerol yn cael eu cynnal ar wahanol adegau, yn dibynnu ar ble rydych chi'n byw.

Ar hyn o bryd, mae etholiadau maerol yn defnyddio'r system Pleidlais Atodol. O 4 Mai 2023 ymlaen, bydd etholiadau maerol yn defnyddio system y cyntaf i'r felin.

Bydd y papur pleidleisio yn rhestru'r ymgeiswyr ar gyfer rôl y maer.

Dim ond ar gyfer un ymgeisydd y byddwch yn gallu pleidleisio, drwy roi croes [X] yn y blwch wrth ymyl eich dewis.

Ardaloedd gyda meiri

Mae meiri awdurdod cyfun ar gyfer:

  • Awdurdod Cyfun Dinas Sheffield
  • Awdurdod Cyfun Dinas-Ranbarth Lerpwl
  • Awdurdod Cyfun Dyffryn Tees 
  • Awdurdod Cyfun Gogledd Tyne
  • Awdurdod Cyfun Gorllewin Canolbarth Lloegr
  • Awdurdod Cyfun Gorllewin Lloegr 
  • Awdurdod Cyfun Gorllewin Swydd Efrog
  • Awdurdod Cyfun Manceinion Fwyaf
  • Awdurdod Cyfun Swydd Caergrawnt a Peterborough

Darganfyddwch ragor am Faer Llundain

Mae meiri awdurdodau lleol ar gyfer:

  • Cyngor Bwrdeistref Bedford
  • Cyngor Bwrdeistref Copeland
  • Cyngor Bwrdeistref Hackney Llundain
  • Cyngor Bwrdeistref Metropolitan Doncaster
  • Cyngor Bwrdeistref Middlesbrough
  • Cyngor Bwrdeistref Newham London
  • Cyngor Bwrdeistref Tower Hamlets
  • Cyngor Bwrdeistref Watford
  • Cyngor Dinas Bryste
  • Cyngor Dinas Caerlŷr
  • Cyngor Dinas Lerpwl
  • Cyngor Dinas Lewisham
  • Cyngor Dinas Salford
  • Cyngor Dosbarth Mansfield
  • Cyngor Gogledd Tyneside

Chwilio am yr ymgeiswyr sy’n sefyll yn eich ardal? Rhowch eich cod post i weld rhestr. Bydd eich ymgeiswyr ar gael ychydig wythnosau cyn y diwrnod pleidleisio.