Rhaid i bleidiau gwleidyddol, ymgyrchwyr, cymdeithasau aelodau ac ASau ddilyn y Ddeddf Pleidiau Gwleidyddol, Refferenda ac Etholiadau (PPERA) wrth wario arian neu dderbyn rhoddion a benthyciadau.

Trosolwg

Mae un o'r rheolau yn gyfryw fe bod rhaid i bleidiau roi gwybod i ni am wariant, rhoddion a benthyciadau sydd dros swm penodol. Os byddant yn torri'r rheolau, byddwn yn ymchwilio, a gallwn gymryd camau yn ôl ein polisi gorfodi.

Lle mae a wnelo tor-rheol â throsedd, ac ni allwn gosbi, neu os yw'r tor-rheol mor ddifrifol fel na fyddai ein cosbau'n ddigon llym, byddwn yn trosglwyddo'r ymchwiliadau i'r heddlu neu awdurdod erlyn, fel y gallant gymryd camau pellach.

Pwy a beth rydym yn eu rheoleiddio

Rydym yn rheoleiddio cyllid gwleidyddol y canlynol:

  • Pleidiau gwleidyddol
  • Ymgyrchwyr di-blaid
  • Ymgeiswyr sy'n sefyll etholiad
  • Aelodau unigol pleidiau
  • Y rheini â swydd etholedig, megis ASau
  • Ymgyrchwyr refferendwm
  • Cymdeithasau aelodau
  • Cymdeithasau anghorfforedig

Chwilio am wybodaeth am droseddau eraill? Nid ydym yn rheoleiddio popeth sy'n ymwneud ag etholiadau, ond gallwn eich helpu i ddeall pwy sy'n gwneud hynny. Edrychwch fan hyn

Sut rydym yn rheoleiddio

Rydym yn defnyddio dull rheoleiddio cadarn sydd wedi'i lywio gan wybodaeth.

Drwy gydol y flwyddyn, rydym yn mynd ati i fonitro pawb a reoleiddir gennym er mwyn sicrhau eu bod yn dilyn y rheolau.

Os byddant yn torri'r rheolau, gallwn gymryd camau yn ôl ein polisi gorfodi.

Darllenwch ein polisi gorfodi i gael rhagor o wybodaeth am ein pwerau gorfodi.

Adroddiadau ariannol

Rydym yn cyhoeddi gwybodaeth am gyllid gwleidyddol y cawn wybod amdano gan bob grŵp, gan gynnwys:

  • rhoddion a benthyciadau
  • gwariant ar ymgyrchu
  • cyfrifon blynyddol

Bwriwch olwg ar yr adroddiadau ariannol diweddaraf