Pleidiau gwleidyddol

Mae gennym ddeg Comisiynydd. Gyda'i gilydd, maent yn ffurfio Bwrdd y Comisiwn ac yn gyfrifol am ein cyfeiriad strategol a'n goruchwyliaeth.

Mae Pwyllgor y Llefarydd ar y Comisiwn Etholiadol yn goruchwylio'r broses o recriwtio Comisiynwyr Etholiadol.

Mae'r rhan fwyaf o swyddi gwag Comisiynwyr yn cael eu llenwi drwy broses recriwtio agored. Penodir pedwar Comisiynydd drwy broses enwebu sy'n cynnwys pleidiau gwleidyddol cymwys yn Nhŷ'r Cyffredin. Ar gyfer y penodiadau hyn, mae'r Llefarydd yn gwahodd arweinydd y blaid berthnasol i gyflwyno ymgeiswyr i'w hystyried.

Ar gyfer penodiad pob Comisiynydd, mae panel annibynnol yn ystyried yr ymgeiswyr ac yn cyfweld â'r rhai sydd wedi cyrraedd y rhestr fer. Yna mae'r panel yn gwneud argymhelliad i Bwyllgor y Llefarydd.

Mae Pwyllgor y Llefarydd yn ystyried argymhelliad y panel. Yna mae'r Llefarydd yn cynnal ymgynghoriad statudol ag arweinwyr y pleidiau gwleidyddol cymwys ar y penodiad arfaethedig.

Yn dilyn yr ymgynghoriad hwnnw, mae Pwyllgor y Llefarydd yn adrodd ei argymhelliad, a chanlyniad yr ymgynghoriad, i Dŷ’r Cyffredin.

Mae'r Llefarydd yn gofyn i Arweinydd y Tŷ gyflwyno cynnig am Anerchiad gostyngedig. Os yw Tŷ'r Cyffredin yn cymeradwyo'r penodiad, mae'r Brenin yn penodi'r Comisiynydd trwy Warant Frenhinol.