Beth yw argraffnod

Caiff argraffnod ei gynnwys ar ddeunydd etholiad argraffedig er mwyn dangos pwy sy'n gyfrifol am gyhoeddi'r deunydd. 

Rhaid i argraffnod gynnwys enw a chyfeiriad yr unigolyn neu'r sefydliad sydd wedi cyhoeddi'r deunydd. Os bydd wedi ei gyhoeddi ar ran rhywun arall, rhaid i'r argraffnod hefyd gynnwys enw a chyfeiriad yr unigolyn neu'r sefydliad hwnnw.

Rhaid i ddeunydd argraffedig hefyd gynnwys enw a chyfeiriad yr argraffwr.

Pa ddeunydd a argraffwyd sydd angen argraffnod

Mae angen argraffnod ar bob deunydd etholiadol a argraffwyd, gan gynnwys taflenni, hysbysebion papurau newydd a hysbysebu ar hysbysfyrddau.

Deunydd etholiadol yw unrhyw ddeunydd y gellir ei ystyried yn rhesymol fel deunydd y bwriedir iddo hybu canlyniad mewn etholiad. Er enghraifft, hyrwyddo ymgeisydd neu blaid wleidyddol.

Adrodd am argraffnod coll ar ddeunydd a argraffwyd

Pwy sy’n gyfrifol am orfodi’r gyfraith ar argraffnodau ar ddeunydd a argraffwyd

Mae’r cyfrifoldeb am sicrhau bod argraffnod ar ddeunydd a argraffwyd yn cael ei rannu rhyngom ni a’r heddlu, yn dibynnu ar y math o ddeunydd.

  • Rydym yn gyfrifol am unrhyw ddeunydd sy’n ymwneud â phleidiau gwleidyddol neu os yw’r deunydd yn ymwneud â mater gwleidyddol.
  • Yr heddlu sy’n gyfrifol am unrhyw ddeunydd sy’n ymwneud ag ymgeisydd penodol neu am ddeisebau adalw.

Nid ydym yn rheoleiddio cynnwys unrhyw ddeunydd. Dylech gysylltu â’r blaid wleidyddol, yr ymgeisydd neu’r ymgyrchydd nad yw’n blaid a gyhoeddodd y deunydd os oes gennych unrhyw bryderon am ei gynnwys neu os hoffech wneud cwyn.

Beth sydd ei angen arnoch i adrodd am argraffnod coll

I adrodd am argraffnod print coll, bydd angen:

  • gwybodaeth am bwy gyhoeddodd y deunydd
  • manylion am y deunydd, gan gynnwys am beth mae’r deunydd a phryd y gwelsoch y deunydd am y tro cyntaf
  • ffotograffau neu sganiau clir o’r holl ddeunydd

Adrodd am argraffnod coll

Llenwch ein ffurflen os ydych wedi gweld deunydd a argraffwyd heb argraffnod y credwch y dylai gynnwys un ac sy’n fath o ddeunydd a argraffwyd rydym yn ei reoleiddio.

Adrodd am argraffnod coll

Gallwch gysylltu â’ch heddlu lleol os nad oes argraffnod ar ddeunydd a argraffwyd ond ei fod yn fath o ddeunydd a argraffwyd a reoleiddir gan yr heddlu.

Rydym yn cefnogi ymgyrchwyr i gydymffurfio â’r gyfraith ynghylch argraffnodau trwy ddarparu cyngor a chanllawiau, gan gynnwys ar gyfer deunydd nad ydym yn ei reoleiddio.

Os ydych yn ymgyrchydd, gallwch gael rhagor o wybodaeth am argraffnodau yn ein canllaw.

Darllenwch ein canllaw ar argraffnodau