Y Comisiwn Etholiadol yn cau pum ymchwiliad gyda dirwyon ar gyfer dwy blaid wleidyddol

Mae ymchwiliadau i bum plaid wleidyddol wedi’u cau dros y mis diwethaf gyda’r Comisiwn Etholiadol yn gosod cosbau ar y Ceidwadwyr a’r Blaid Lafur. Mae cyhoeddi ymchwiliadau sudd wedi dod i ben yn rhan bwysig o ddarparu tryloywder o ran cyllid gwleidyddol yn y DU.

 

Ymchwiliadau lle cafwyd bod trosedd

Pwy y gwnaethom ymchwilio iddynt Yr hyn y gwnaethom ei ymchwilio Yr hyn y gwnaethom ganfod Canlyniad
British Independents (plaid wleidyddol sydd wedi’i dadgofrestru) Methu â danfon cyfrifon blynyddol ar gyfer 2021 Cafwyd bod trosedd Dim cosb
Y Blaid Geidwadol ac Unoliaethol (Prydain Fawr) (plaid wleidyddol) Adrodd yn hwyr am roddion

Troseddau a gafwyd

Tair dirwy o £200 yr un

Dirwyon wedi’u talu
Y Blaid Lafur (plaid wleidyddol) Adrodd yn hwyr am roddion Troseddau a gafwyd

Dwy ddirwy o £200 yr un

Dirwyon wedi’u talu

Dywedodd Louise Edwards, Cyfarwyddwr Rheoleiddio:

“At ddibenion tryloywder, mae’n rhaid i bleidiau adrodd am roddion yn chwarterol i ni, felly mae’n bwysig bod yr wybodaeth maent yn ei rhoi yn gywir. Mae'r gofynion ar gyfer pleidiau gwleidyddol yn glir, felly mae hi’n siomedig pan na chydymffurfir â hwy.

“Lle canfyddwn fod troseddau wedi’u cyflawni, ystyriwn yn ofalus yr amgylchiadau wrth benderfynu p’un a ddylid gosod cosb, ac os felly, lefel y gosb honno, gan gymryd i ystyriaeth cymesuredd ac ystod o ffactorau fel y nodwyd yn ein Polisi Gorfodi.

Ymchwiliadau lle na chafwyd bod trosedd

Pwy y gwnaethom ymchwilio iddynt Yr hyn y gwnaethom ei ymchwilio Yr hyn y gwnaethom ganfod Canlyniad
Redcar and Cleveland Independent (plaid wleidyddol sydd wedi’i dadgofrestru) Methu â danfon cofnodion rhoddion chwarterol mewn pryd Dim trosedd

Dim cosb

Achos wedi’i gau
Unionist Clubs Scotland (ymgyrchydd) Methu â chynnwys argraffnod dilys ar ddeunydd ymgyrchu Dim trosedd

Dim cosb

Achos wedi’i gau

Diwedd

Am ragor o wybodaeth, cysylltwch â swyddfa cyfryngau’r Comisiwn Etholiadol drwy ffonio 020 7271 0704, neu 07789 920 414 tu allan i oriau swyddfa. Fel arall gallwch e-bostio [email protected]

Nodiadau i olygyddion

1. Y Comisiwn Etholiadol yw'r corff annibynnol sy'n goruchwylio etholiadau a rheoleiddio cyllid gwleidyddol yn y DU. Rydym yn gweithio i hyrwyddo hyder y cyhoedd yn y broses ddemocrataidd a sicrhau ei huniondeb trwy’r canlynol:

  • galluogi cyflawni etholiadau a refferenda rhydd a theg, canolbwyntio ar anghenion etholwyr, a mynd i'r afael ag amgylchedd sy'n cyson newid i sicrhau bod pob pleidlais yn parhau i fod yn ddiogel ac yn hygyrch
  • rheoleiddio cyllid gwleidyddol - cymryd camau rhagweithiol i gynyddu tryloywder, sicrhau cydymffurfiaeth a mynd ar ôl achosion o dorri rheolau
  • defnyddio ein harbenigedd i wneud newidiadau i'n democratiaeth ac eirioli drostynt, gan geisio gwella tegwch, tryloywder ac effeithiolrwydd

Sefydlwyd y Comisiwn Etholiadol yn 2000 ac mae'n adrodd yn uniongyrchol i Senedd Cymru, Senedd y DU a Senedd yr Alban.

2. Mae'r datganiad hwn yn rhan o ddiweddariad misol ymchwiliadau'r Comisiwn. Dyma ran bwysig o'i ymrwymiad i sicrhau bod cyllid gwleidyddol y DU yn dryloyw. Caiff gwybodaeth o'r natur hon ei chyhoeddi'n rheolaidd ar drydydd dydd Mawrth pob mis. Mae manylion cosbau o'r misoedd blaenorol ar gael.

3. Mae unrhyw gosbau sydd wedi'u rhoi gan y Comisiwn yn mynd i'r Gronfa Gyfunol. Caiff hon ei rheoli gan Drysorlys EF ac nid y Comisiwn Etholiadol.