Y Comisiwn Etholiadol yn cau ymchwiliadau i bum plaid wleidyddol

Mae ymchwiliadau i bum plaid wleidyddol wedi’u cau dros y mis diwethaf gyda’r Comisiwn Etholiadol yn gosod cosbau o £1,500 mewn un achos. Mae hyn yn rhan bwysig o’n hymrwymiad i sicrhau bod cyllid gwleidyddol yn y DU yn dryloyw.

Ymchwiliadau lle cafwyd bod troseddau:

Pwy y gwnaethom ymchwilio iddynt Yr hyn y gwnaethom ei ymchwilio Yr hyn y gwnaethom ganfod Canlyniad
A Better Way To Govern (plaid wleidyddol) Danfon datganiad blynyddol o gyfrifon yn hwyr Danfon datganiad blynyddol o gyfrifon yn hwyr Dim cosb
Democratic Network (plaid wleidyddol) Adroddiadau rhoddion chwarterol heb eu cyflawni Adroddiadau rhoddion chwarterol heb eu cyflawni Dim cosb
Holland on Sea & Eastcliff matters (plaid wleidyddol) Danfon datganiad blynyddol o gyfrifon yn hwyr Danfon datganiad blynyddol o gyfrifon yn hwyr Dim cosb
Democratiaid Rhyddfrydol (plaid wleidyddol)

Adrodd yn hwyr am roddion

Talu anfonebau yn hwyr

Talu anfonebau a gafwyd yn hwyr

Adrodd yn hwyr am roddion

Talu anfonebau yn hwyr

Talu anfonebau a gafwyd yn hwyr

 5 cosb sy’n dod i gyfanswm o £1,500
Political Unity for Progress (plaid wleidyddol) Danfon datganiad blynyddol o gyfrifon yn hwyr Danfon datganiad blynyddol o gyfrifon yn hwyr Dim cosb

Dywedodd Louise Edwards, Cyfarwyddwr Rheoleiddio:

“Mae’r cyfreithiau cyllid gwleidyddol yn eu lle er mwyn sicrhau bod y system yn dryloyw ac yn gywir. Mae'r gofynion ar gyfer pleidiau gwleidyddol yn glir, felly mae hi’n siomedig pan na chânt eu bodloni. 

“Yn achos y Democratiaid Rhyddfrydol, gwnaeth ein hymchwiliadau ganfod troseddau oedd yn gysylltiedig ag adrodd am roddion yn hwyr a’r ffurflen gwariant o etholiad cyffredinol Senedd y DU 2019.

“Lle canfyddwn troseddau, nid ydym yn gosod cosbau yn awtomatig. Rydym yn pwyso a mesur y dystiolaeth ac yn cymryd i ystyriaeth ystod o ffactorau cyn dod i’n penderfyniad terfynol.”

Diwedd

Am ragor o wybodaeth, cysylltwch â swyddfa cyfryngau’r Comisiwn Etholiadol drwy ffonio 020 7271 0704, neu 07789 920 414 y tu allan i oriau swyddfa. Fel arall, anfonwch e-bost i [email protected]

Nodiadau i olygyddion

1. Y Comisiwn Etholiadol yw'r corff annibynnol sy'n goruchwylio etholiadau a rheoleiddio cyllid gwleidyddol yn y DU. Rydym yn gweithio i hyrwyddo hyder y cyhoedd yn y broses ddemocrataidd a sicrhau ei huniondeb trwy’r canlynol:

  • galluogi cyflawni etholiadau a refferenda rhydd a theg, canolbwyntio ar anghenion etholwyr, a mynd i'r afael ag amgylchedd sy'n cyson newid i sicrhau bod pob pleidlais yn parhau i fod yn ddiogel ac yn hygyrch
  • rheoleiddio cyllid gwleidyddol - cymryd camau rhagweithiol i gynyddu tryloywder, sicrhau cydymffurfiaeth a mynd ar ôl achosion o dorri rheolau
  • defnyddio ein harbenigedd i wneud newidiadau i'n democratiaeth ac eirioli drostynt, gan geisio gwella tegwch, tryloywder ac effeithiolrwydd

Sefydlwyd y Comisiwn Etholiadol yn 2000 ac mae'n adrodd yn uniongyrchol i Senedd Cymru, Senedd yr Alban a Senedd y DU.

2. Mae'r datganiad hwn yn rhan o ddiweddariad misol ymchwiliadau'r Comisiwn. Dyma ran bwysig o'i ymrwymiad i sicrhau bod cyllid gwleidyddol y DU yn dryloyw. Caiff gwybodaeth o'r natur hon ei chyhoeddi'n rheolaidd ar drydydd dydd Mawrth pob mis. Mae manylion cosbau o'r misoedd blaenorol ar gael.

3. Mae unrhyw gosbau sydd wedi'u rhoi gan y Comisiwn yn mynd i'r Gronfa Gyfunol. Caiff hon ei rheoli gan Drysorlys EM ac nid y Comisiwn Etholiadol.