Pleidleisio drwy ddirprwy
Make sure you're registered
Gwnewch yn siŵr eich bod wedi cofrestru
Er mwyn pleidleisio mewn unrhyw etholiad yn y DU, mae'n rhaid eich bod wedi cofrestru i bleidleisio.
Dysgwch a ydych yn gymwys i gofrestru a sut i wneud cais
Gofyn i berson dibynadwy bleidleisio ar eich rhan
Os nad ydych yn gallu bwrw eich pleidlais yn bersonol, gallwch benodi rhywun yr ydych yn ymddiried ynddynt i bleidleisio ar eich rhan. Gelwir hyn yn bleidlais drwy ddirprwy, ac yn aml cyfeirir at y sawl sy'n bwrw eich pleidlais fel eich dirprwy.
Gall y sawl sy'n pleidleisio ar eich rhan naill ai fynd i'ch gorsaf bleidleisio i fwrw eich pleidlais, neu gall wneud cais i bleidleisio ar eich rhan drwy'r post.
Gwybodaeth ambleidlais bost drwy ddirprwy
Os na all eich dirprwy fynd i'r orsaf bleidleisio, gallant wneud cais i bleidleisio drwy'r post. Mae hyn yn cael ei alw yn bleidlais bost drwy ddirprwy. Gallant wneud hyn hyd at 5pm, 11 diwrnod gwaith cyn y bleidlais. Bydd rhaid iddynt gysylltu â'r tîm gwasanaethau etholiadol yn eich cyngor lleol i gael rhagor o fanylion ac i ofyn am ffurflen gais bellach.
Gwneud cais am bleidlais drwy ddirprwy yng Nghymru, Lloegr a'r Alban
Er mwyn gwneud cais i bleidleisio drwy ddirprwy, mae'n rhaid i chi lenwi ffurflen a rhoi rheswm pan na allwch fynd i'r orsaf bleidleisio'n bersonol.
Efallai eich bod wedi trefnu i fynd i ffwrdd ar wyliau, neu fod gennych gyflwr corfforol sy'n golygu na allwch fynd i'ch gorsaf bleidleisio ar y diwrnod pleidleisio.
Bydd p'un a gaiff eich rheswm ei dderbyn ai peidio yn dibynnu ar y canlynol:
- y math o bleidlais drwy ddirprwy rydych yn gwneud cais amdani
- pryd rydych yn gwneud cais
- ble yn y DU rydych wedi cofrestru i bleidleisio
England, Scotland and Wales
Efallai eich bod yn gwybod y byddwch ar wyliau, neu i ffwrdd gyda gwaith ar ddiwrnod pleidleisio penodol. Dim ond ar gyfer yr etholiad penodol hwnnw rydych i gael pleidlais drwy ddirprwy, ac nid ar sail hirdymor.
Dim ond un ffurflen a geir ar gyfer y math hwn o bleidlais drwy ddirprwy.
Mae'n rhaid i'r ceisiadau hyn gael eu gwneud cyn y dyddiad cau ar gyfer gwneud cais am bleidlais drwy ddirprwy, sef 5pm, 6 diwrnod cyn etholiad fel arfer.
Os na allwch fynd i orsaf bleidleisio yn y dyfodol agos hyd y gallwch ragweld, neu os na allwch fynd am gyfnod hir.
Mae'r rheswm pam mae angen pleidlais drwy ddirprwy arnoch yn pennu pa ffurflen y dylech ei llenwi.
- Mae gennych anabledd (PDF)
- Byddwch i ffwrdd ar gwrs addysg (PDF)
- Byddwch i ffwrdd gyda gwaith (PDF)
- Rydych wedi cofrestru fel pleidleisiwr tramor (PDF)
- Rydych yn gweithio dramor i'r Cyngor Prydeinig neu fel un o Weision y Goron (PDF)
- Rydych yn gwasanaethu dramor yn y Lluoedd Arfog (PDF)
Mae'n rhaid i'r ceisiadau hyn gael eu gwneud cyn y dyddiad cau ar gyfer gwneud cais am bleidlais drwy ddirprwy, sef 5pm, 6 diwrnod cyn etholiad fel arfer.
O dan amgylchiadau penodol, pan fydd argyfwng sy'n golygu na allwch bleidleisio'n bersonol, gallwch wneud cais am bleidlais drwy ddirprwy mewn argyfwng.
Mae'n rhaid i hyn fod yn rhywbeth nad oeddech yn ymwybodol ohono cyn y dyddiad cau ar gyfer pleidlais drwy ddirprwy arferol.
Mae'r rheswm pam y mae angen pleidlais drwy ddirprwy arnoch yn pennu pa ffurflen y dylech ei llenwi.
Gellir gwneud y ceisiadau hyn hyd at 5pm ar y diwrnod pleidleisio.
Dychwelyd eich ffurflen yng Nghymru, Lloegr a'r Alban
Ar ôl i chi gwblhau eich ffurflen a sicrhau eich bod wedi'i llofnodi, mae angen i chi ei dychwelyd i'ch swyddfa cofrestru etholiadol leol.
Os nad ydych yn siŵr a oes gennych bleidlais drwy ddirprwy yn barod, cysylltwch â'ch swyddfa gofrestru etholiadol leol i gael gwybod.
Dod o hyd i'ch swyddfa cofrestru etholiadol
Dewch o hyd i fanylion cyswllt eich swyddfa cofrestru etholiadol leol er mwyn dychwelyd eich ffurflen
print form
Os na allwch argraffu'r ffurflen gais neu os oes angen i chi ei chael mewn fformat hygyrch, cysylltwch â'ch swyddfa cofrestru etholiadol leol am gymorth.
Gwneud cais am bleidlais drwy ddirprwy yng Ngogledd Iwerddon
Os ydych wedi cofrestru i bleidleisio yng Ngogledd Iwerddon, mae'n rhaid i chi roi rheswm dilys pam na allwch fynd i'r orsaf bleidleisio'n bersonol.
Gallai hyn fod oherwydd:
- salwch
- anabledd
- gwyliau
- trefniadau gwaith
O dan amgylchiadau penodol, gallwch hefyd wneud cais am bleidlais drwy ddirprwy benagored. Gallwch wneud hyn ar unrhyw adeg yn ystod y flwyddyn.
Lawrlwythwch y ffurflen pleidlais absennol a dewch o hyd i ragor o wybodaeth gan Swyddfa Etholiadol Gogledd Iwerddon.
Os gwnaethoch gofrestru i bleidleision ar-lein, bydd angen i chi ddarparu eich Rhif Cofrestru Digidol (DRN) ar eich cais am bleidlais drwy ddirprwy.
Os nad ydych yn siŵr a oes gennych bleidlais drwy ddirprwy yn barod, cysylltwch â Swyddfa Etholiadol Gogledd Iwerddon a fydd yn gallu rhoi gwybod i chi.
Pwy all fod yn ddirprwy i chi
Gall rhywun fod yn ddirprwy i chi os yw:
- yn 18 oed neu'n hŷn (yn yr Alban, gall fod yn 16 oed neu'n hŷn a bwrw eich pleidlais yn etholiadau Senedd yr Alban ac etholiadau llywodraeth leol)
- wedi cofrestru i bleidleisio
- yn gallu mynd i'ch gorsaf bleidleisio ar y diwrnod pleidleisio
- yn gymwys i bleidleisio yn yr etholiad neu'r refferendwm
Nid oes rhaid i'ch dirprwy fod yn perthyn i chi. Fodd bynnag, os nad yw'n berthynas agos, dim ond i ddau berson ar y mwyaf y gall fod yn ddirprwy.
Yr hyn y mae angen i'r dirprwy a benodir gennych ei wneud ar y diwrnod pleidleisio
Mae'n rhaid i'r unigolyn a benodir gennych fel eich dirprwy fynd i'ch gorsaf bleidleisio leol i fwrw eich pleidlais.
Bydd yn derbyn cerdyn pleidleisio dirprwy a fydd yn dweud wrtho ble a phryd i fwrw eich pleidlais ar eich rhan.
Os na fydd yn derbyn cerdyn pleidleisio dirprwy, dylai ofyn i glerc eich swyddfa cofrestru etholiadol leol. Bydd y clerc yn gallu dweud wrtho ble i fynd i bleidleisio.
Gallwch bleidleisio'n bersonol hyd yn oed os oes gennych bleidlais drwy ddirprwy, ar yr amod eich bod yn gwneud hynny cyn i'ch dirprwy bleidleisio ar eich rhan.