Prif Ganfyddiadau achosion o dwyll etholiadol honedig yn 2017

Dyma’r penawdau o’r data ar achosion o dwyll etholiadol honedig yn 2017:

Cafwyd tair euogfarn:

  • roedd dwy mewn cysylltiad â throseddau argraffnodau
  • roedd un mewn cysylltiad â throsedd personadu mewn gorsaf bleidleisio

Derbyniodd pobl y’u drwgdybiwyd mewn unarddeg o achosion rybuddion gan yr heddlu:

  • roedd chwe achos mewn cysylltiad â throseddau cofrestru
  • roedd tair achos mewn cysylltiad â phersonadu wrth bleidleisio drwy’r post
  • roedd un achos mewn cysylltiad â datganiad ffug ar ffurflen enwebu
  • roedd un achos mewn cysylltiad â chofnod treuliau etholiadol.

Achosion o dwyll honedig yn 2017

Canlyniadau honiadau Nifer
Dim camau pellach 246
Wedi’i ddatrys yn lleol 88
Arall 13
Rhybudd 11
Rhyddfarn 4
Euogfarn 3

Roedd dros hanner (184) o’r holl achosion o dwyll etholiadol honedig yn droseddau ymgyrchu. Roedd y mwyafrif o’r rhain yn droseddau argraffnodau (111 o achosion).

Cafodd y rhan fwyaf o’r achosion (334) naill ai eu datrys yn lleol (88) neu ni chymerwyd camau pellach (246).

Troseddau

Math o drosedd Nifer
Ymgyrchu     184
Pleidleisio 112
Cofrestru 37
Enwebu 26
Gweinyddu  3
Amrywiol 3