Defnyddio ein hadnoddau i gefnogi'r gwaith o gyflawni ein nodau
Ein pobl
Cysylltiadau staff ac ymgysylltu â nhw
Mae'r Comisiwn yn dibynnu ar ymroddiad, arbenigedd a gwaith caled ei staff. Gyda'i gilydd, mae timau'n gweithio i ddarparu gwasanaeth o ansawdd uchel i bleidleiswyr a rhanddeiliaid, gan geisio cyflawni'r amcanion strategol a nodir yn y Cynllun Corfforaethol ar yr un pryd.
Mae'r gwaith hwn y dibynnu ar gydberthnasau adeiladol ar draws y Comisiwn, gyda'r Tîm Gweithredol, a'r Bwrdd.
Mae grŵp ymgysylltu â staff, sy'n cynnwys cynrychiolwyr o bob rhan o'r sefydliad, yn cyfarfod yn rheolaidd i drafod materion corfforaethol a diwylliant y Comisiwn i geisio mewnbwn a safbwyntiau gan gydweithwyr. Ategir hyn gan gyfarfodydd prosiect rheolaidd â thimau gwahanol, cyfarfodydd tîm, a sesiynau dal i fyny â rheolwyr llinell, er mwyn sicrhau y caiff safbwyntiau a lleisiau eu clywed.
Y flwyddyn hon, lansiodd y Comisiwn Siarter Diwylliant newydd, a grëwyd gan y staff, a Pholisi Urddas a Pharch newydd.
Gwnaethom hefyd gyflwyno hyfforddiant ar fwlio ac aflonyddu. Cynhaliwyd Gwobrau Staff hefyd er mwyn cydnabod a dathlu ymdrechion a chyflawniadau'r rheini sy'n gweithio yn y sefydliad.
Mae gan y Comisiwn undeb weithredol, sy'n chwarae rôl bwysig yn y ddeialog rhwng y staff a'r rheolwyr. Cynhaliwyd anghydfod masnach swyddogol mewn perthynas â setliadau cyflog y flwyddyn hon, ond parhaodd y ddeialog a'r ymgysylltu i fod yn adeiladol.
Gwnaethom gwblhau ein harolwg staff diweddaraf ym mis Rhagfyr 2022 ac ymatebodd 86% o gyflogeion iddo. Ein sgôr o ran ymgysylltu â chyflogeion oedd 66% (gostyngiad bach o gymharu â 67% yn 2021). Roedd ein sgoriau yn cymharu'n gadarnhaol iawn â meincnod y Gwasanaeth Sifil (2021) mewn meysydd lle roedd ein pobl yn cytuno â'r canlynol:
- Maent yn cael y cyfle i gyfrannu safbwyntiau cyn i benderfyniadau sy'n effeithio arnynt gael eu gwneud (60%, 21 pwynt canrannol uwchlaw'r meincnod)
- Maent yn teimlo'n falch pan fyddant yn dweud wrth eraill eu bod yn gweithio i'r Comisiwn (81%, 18 pwynt canrannol uwchlaw'r meincnod)
Ymhlith y meysydd lle nad oedd ein sgoriau'n cymharu mor gadarnhaol â meincnod y Gwasanaeth Sifil a lle y mae angen i ni wneud gwelliannau roedd y rheini lle roedd pobl yn cytuno â'r canlynol:
- Mae cyfleoedd i symud ymlaen mewn gyrfa yn y Comisiwn (23%, 36 pwynt canrannol islaw'r meincnod)
- Mae ganddynt y cyfarpar a'r systemau TG sydd eu hangen arnynt i gyflawni eu swydd yn effeithiol (48%, 24 pwynt canrannol islaw'r meincnod)
Dangosyddion perfformiad
| Dangosydd | Targed | 2022-23 |
|---|---|---|
| Cynnal y sgôr llesiant staff yn yr arolwg staff | 77% | 77% |
| Cynnal y sgôr ymgysylltu â staff yn yr arolwg staff | 67% | 66% |
Iechyd a diogelwch galwedigaethol
Caiff ein polisi iechyd a diogelwch ei adolygu'n flynyddol. Mae gennym weithdrefnau, canllawiau ac asesiadau risg ar waith hefyd i gwmpasu ein gweithgareddau craidd. Mae grŵp iechyd a diogelwch yn goruchwylio ein trefniadau. Mae'r grŵp yn cyfarfod yn rheolaidd ac yn adrodd i'r uwch-grŵp arwain. Fodd bynnag, rheolwyr pobl sy'n bennaf cyfrifol am iechyd a diogelwch.
Rydym yn cychwyn archwiliadau iechyd a diogelwch annibynnol o'n safleoedd bob blwyddyn, sy'n cynnwys archwilio amgylcheddau gwaith ac adolygu systemau rheoli diogelwch. Mae'r archwiliadau hyn yn dweud wrthym a yw ein trefniadau yn addas ac yn tynnu sylw at unrhyw welliannau y mae angen i ni eu gwneud. Yn 2022/23, gwnaethom y canlynol:
- Gosod goleuadau LED yn ein swyddfa yn Llundain, gan greu ymdeimlad o olau naturiol
- Cynnal profion ar wifrau sefydlog yn ein swyddfeydd yng Nghaerdydd a Llundain
- Cefnogi'r rhai sy'n gweithio gartref a staff sydd wedi'u lleoli yn y swyddfa â cheisiadau am gyfarpar, fel gweithfannau a chadeiriau orthopaedig a chlustogau cynnal y cefn
- Cynnal profion dyfeisiau cludadwy ym mhob un o'n swyddfeydd
- Parhau i gynnal gweithdrefnau glanhau gwell, gan gynnwys darparu hylif diheintio dwylo a weips gwrthfacterol.
Ein heffaith amgylcheddol
Rydym yn cydnabod bod cyflawni ein gweithgareddau yn cael effaith ar yr amgylchedd ac rydym yn parhau i weithio tuag at leihau'r effaith hon.
Rydym yn prydlesu swyddfeydd mewn pedair dinas gan gyfuniad o berchenogion eiddo sector cyhoeddus a sector preifat. Nid oes gennym reolaeth uniongyrchol dros y dewis o gyflenwr cyfleustodau, y modd y rheolir y broses o waredu gwastraff na thargedau gwaredu gwastraff ar ein safleoedd. Ar gyfer nifer o'n swyddfeydd, perchennog yr eiddo sy'n rheoli'r defnydd o ynni a dŵr a'r modd y caiff gwastraff ei waredu, gan adennill costau drwy dâl gwasanaeth cyfunol.
Dros y 10 mlynedd diwethaf, mae'r swyddfeydd yng Nghaerdydd, Caeredin a Belfast wedi cael eu symud i safleoedd llai, sy'n fwy effeithlon yn amgylcheddol. Cwblhawyd y broses o adnewyddu'r brydles ar gyfer ein swyddfa yn Llundain yn 2020.
Dangosyddion perfformiad
| Dangosydd | Targed | 2022-23 |
|---|---|---|
| Lleihau effaith amgylcheddol ein defnydd o ynni | Dd/G – Caiff hyn ei ddatblygu pan fydd Llywodraeth y DU yn cyhoeddi ei tharged | N/A |
Adroddiad ar gynaliadwyedd
Mae'r Comisiwn wedi ymrwymo i gefnogi'r llywodraethau a'r gymuned etholiadol ehangach. Byddwn yn mabwysiadu strategaeth a chynllun gweithredu sy'n bodloni’r safonau amgylcheddol sy'n ofynnol ar gyfer ein system etholiadol. Yn fewnol, rydym yn cydnabod pwysigrwydd cynaliadwyedd fel sefydliad.
Yn ystod 2023/24 byddwn yn dechrau'r broses o ddatblygu adolygiad amgylcheddol a chynaliadwyedd llawn. Ein nod yw y bydd y gwaith hwn yn ein helpu i adrodd ar ein strategaeth cynaliadwyedd yn fanylach yn y blynyddoedd sydd i ddod ac i fesur cynnydd. Bydd rhagor o fanylion ar gael yn yr Adroddiad Blynyddol a Chyfrifon nesaf, a bydd yn ystyried ein gwaith ar draws holl wledydd y DU a chyda'r gweinyddiaethau datganoledig.
Mae mentrau ar waith er mwyn helpu i leihau'r effaith amgylcheddol:
- lleihau'r adnoddau argraffedig a ddarperir i weinyddwyr etholiadau a grwpiau eraill, gan ganolbwyntio ar ddarpariaeth electronig lle bo'n bosibl
- annog y defnydd o fideo-gynadledda a thelegynadledda er mwyn osgoi teithio diangen sy'n creu allyriadau CO2
- gweithredu cyfleusterau ailgylchu ym mhob un o'n swyddfeydd
Swyddfa Llundain
Sylwebaeth ar berfformiad o ran allyriadau
Ein nod yw defnyddio llai o danwydd ffosil o flwyddyn i flwyddyn, sy'n effaith barhaus yn sgil cyflwyno mesurau gan berchennog yr eiddo i leihau'r defnydd o drydan, gan gynnwys gweithrediad is ‘y tu allan i oriau’ o offer a pheiriannau a chyflwyno goleuadau ynni effeithlon. Gan ein bod yn rhentu ein swyddfa, cyfyngir ar ein cynlluniau i leihau allyriadau gan y caiff y rhain eu rheoli gan ein landlord yn bennaf.
Adroddiad ar allyriadau
| Dangosyddion anariannol (CO2e mewn tunelli) | 2022-23 | Targed 2050 | 2017-18 (Llinell sylfaen) |
|---|---|---|---|
| Cyfanswm yr allyriadau gros | 125 | 175 | 235 |
| Allyriadau gros – Defnydd o danwydd ffosil | 99 | 149 | 198 |
| Allyriadau gros – Teithio | 26 | 26 | 37 |
| Defnydd cysylltiedig o ynni (kWh) | 2022-23 | Targed 2050 | 2017-18 (Llinell sylfaen) |
|---|---|---|---|
| Trydan | 375,818 | 365,708 | 487,611 |
| Nwy | 188,854 | 158,993 | 211,990 |
| Financial indicators | 2022-23 | Targed 2050 | 2017-18 (Llinell sylfaen) |
|---|---|---|---|
| Gwariant ar Ynni | Ddim ar gael | Ddim ar gael | Ddim ar gael |
| Gwariant ar Deithio | 75,527 | 85,389 | 113,852 |
Rydym wedi lleihau gwaith y tu allan i oriau ers 2017-18 er mwyn helpu i leihau ein hallyriadau. Ers cyflwyno trefniadau gweithio hybrid, rydym wedi lleihau ein defnydd o ynni a theithio yn y swyddfa.
Ym mis Chwefror 2023, cwblhawyd prosiect i osod goleuadau LED yn ein swyddfa yn Llundain. Roedd yr effaith ar y defnydd o ynni yn uniongyrchol, ac arweiniodd at ddefnyddio 43% yn llai o ynni ym mis Chwefror a mis Mawrth 2023, o gymharu â'r cyfnod o ddeufis cyfatebol yn 2022.
Adroddiad ar wastraff
Seilir ffigurau gwastraff ac ailgylchu cyffredinol ar gyfran o holl wastraff yr adeilad ac ni chânt eu rheoli'n uniongyrchol gennym ni. Mae'r broses o waredu gwastraff cyfrinachol y sefydliad yn cael ei chyflawni ar wahân i'r broses ar gyfer deiliaid eraill yr adeilad. Caiff y gwastraff cyfrinachol a gynhyrchir gennym ei droi'n garpion papur ar y safle cyn cael ei ailgylchu'n bapur gradd isel.
Seilir y ffigur ar gyfer y gwastraff cyffredinol a'r gwastraff a ailgylchir ar gyfran o holl wastraff yr adeilad. Anfonir yr holl wastraff cyffredinol a gynhyrchir yn yr adeilad, gan gynnwys yr hyn a gynhyrchir gennym ni, i safle ynni o wastraff cyfagos yn lle safleoedd tirlenwi.
Rydym wedi lleihau ein defnydd o bapur ers 2017-18 er mwyn helpu i leihau gwastraff ac, ers cyflwyno trefniadau gweithio hybrid, rydym wedi lleihau ein defnydd o bapur yn sylweddol eto; rydym wedi lleihau ein defnydd o bapur yn sylweddol.
Gwastraff
| Dangosyddion anariannol (tunelli) | 2022-23 | 2017-18 (llinell sylfaen) |
|---|---|---|
| Cyfanswm y gwastraff | 5.08 | 10.01 |
| Gwastraff nad yw'n beryglus: Cyfrinachol | 1.00 | 2.81 |
| Gwastraff nad yw'n beryglus: Gwastraff cyffredinol (gan gynnwys wedi'i ailgylchu) | 4.08 | 7.26 |
Swm y papur a brynwyd (rimiau)
| 2022-23 | 2017-18 (llinell sylfaen) |
|---|---|
| 105 | 650 |
|
Dangosyddion ariannol |
2022-23 | 2017-18 (llinell sylfaen) |
|---|---|---|
| Cyfanswm y gost gwaredu | Ddim ar gael | Ddim ar gael |
| Cyfrinachol | £1,972 | £1,134 |
| Gwastraff cyffredinol (gan gynnwys wedi'i ailgylchu) | Ddim ar gael | Ddim ar gael |
Defnyddio ein hadnoddau ariannol yn effeithlon
Summary
Cawn ein cyllid adnoddau gan dair Senedd – y DU, yr Alban a Chymru.
- Senedd y DU: £25.2m
- Senedd yr Alban: £2.1m
- Senedd Cymru: £1.5m
Yr adnodd cyfunol a oedd ar gael i'r Comisiwn i ddechrau oedd £28.8m ar gyfer gweithgarwch â phleidlais. Cawsom hefyd werth £225,000 o gyllid heb bleidlais i dalu ffioedd Comisiynwyr.
Dadansoddiad terfynol o'n cyllideb
| Expenditure | Cyllid â phleidlais £m |
Cyllid heb bleidlais £m |
yfanswm £m |
|---|---|---|---|
| Terfyn Gwariant Adrannol: Adnoddau | 25.222 | 0.225 | 25.447 |
| Terfyn Gwariant Adrannol: Cyfalaf | 1.424 | 0.000 | 1.424 |
| Gwariant a Reolir yn Flynyddol: Adnoddau | 0.050 | 0.000 | 0.050 |
| Gwariant a Reolir yn Flynyddol: Cyfalaf | 0.100 | 0.000 | 0.100 |
| Cyfanswm y Gyllideb Net: Adnoddau | 25.272 | 0.225 | 25.497 |
| Cyfanswm y Gyllideb Net: Cyfalaf | 1.524 | 0.000 | 1.524 |
| Gofyniad arian parod net | 26.123 | 0.000 | 26.123 |
Dangosir £2.1m gan Senedd yr Alban a’r £1.5m gan Senedd Cymru fel incwm drwy gydol y cyfrifon a'r Datganiadau o Gyflenwi Seneddol. Caiff gweddill y gyllideb a dynnwyd i lawr a nas gwariwyd ei gynnwys fel incwm gohiriedig yn y Datganiad o'r Sefyllfa Ariannol.
Wrth gyflawni ein hamcanion, rydym wedi defnyddio gwerth £25.1m o adnoddau ar gyfer y flwyddyn gyfan. Roedd hyn allan o'r £25.3m a oedd ar gael ac a gymeradwywyd gan Senedd y DU yn ein Hamcangyfrif Atodol ar gyfer y gofyniad adnoddau net â phleidlais, heb gynnwys incwm a gafwyd gan yr awdurdodau datganoledig. Mae'r graffig isod yn crynhoi ein perfformiad ariannol o ran yr elfen ‘â phleidlais’ o'n cyllideb.
Perfformiad ariannol 2022/23
Mae ein perfformiad ariannol yn dilyn ein perfformiad strategol. Ar gyfer blwyddyn 2022/23:
- roedd ein costau staff yn cynrychioli 47% o'n gwariant adnoddau, sy'n ostyngiad o gymharu â 2021/22 o ganlyniad i wariant ychwanegol o fewn ein hymgyrchoedd i godi ymwybyddiaeth y cyhoedd. Mae'r gwariant cyffredinol ar staff £1.3m yn uwch.
- cynyddodd ein gwariant cyfalaf £0.1m o 2021/22 o ganlyniad i'r gwelliannau parhaus i TGCh.
Gwariant cyffredinol
Tanwariant arall
- £211,000 – darpariaethau (AME Adnoddau) o ganlyniad i lai o symud na'r disgwyl mewn pensiynau a dadfeiliadau
- £612,000 – prosiectau cyfalaf o ganlyniad i beidio â pharhau â'n prosiect Cyllid Gwleidyddol Ar-lein a symud gweinyddion ar y safle i systemau cwmwl.
Mae ein hincwm yn y cyfrifon yn ymwneud â thaliadau ar gyfer cofrestru pleidiau gwleidyddol.
Rydym hefyd yn adrodd i Senedd Cymru a Chorff Corfforaethol Senedd yr Alban, ac yn atebol iddynt. Mae'r incwm a gydnabyddir yn y cyfrifon ar gyfer gwaith ar etholiadau datganoledig yn bennaf. Cydnabyddir yr holl incwm yn nodyn 4 y cyfrifon.
Rydym yn casglu dirwyon a roddir i bleidiau gwleidyddol ac unigolion am fethu â chydymffurfio â'r rheolau ar gyllid pleidiau ac etholiadau ac yna'n eu hildio i'r Gronfa Gyfunol fel sy'n ofynnol yn ôl y gyfraith.
Yn ogystal â monitro perfformiad yn erbyn cyllidebau, gwnaethom hefyd ymdopi o fewn y terfynau arian parod a bennwyd ar ein cyfer gan Senedd y DU. Roedd angen gwerth £22.5m o arian parod arnom i ariannu ein gweithgareddau â phleidlais, a oedd £3.6m yn llai na'r swm o £26.1m a gymeradwywyd gan Senedd y DU yn ein Hamcangyfrif Atodol. Mae cysoni'r alldro adnoddau net i'r gofyniad arian parod net o fewn yr adroddiad ar atebolrwydd yn cysoni'r alldro â'r arian parod net sydd ei angen arnom yn ystod y flwyddyn.
Mae'r Datganiad o Lifau Arian Parod yn dangos mai'r balans arian parod ar 31 Mawrth 2023 oedd 9,000.
Mae'r Datganiad o Sefyllfa Ariannol ar 31 Mawrth 2023 yn dangos ecwiti trethdalwyr negatif. Bydd y rhwymedigaethau hyn yn cael eu bodloni drwy ddarparu cyllid cyflenwi yn y dyfodol.
Taliadau i gyflenwyr
Er ein bod yn annibynnol ar y llywodraeth, ein nod yw cydymffurfio â'r Cod Talu Prydlon sydd ar waith yn y sector cyhoeddus. Y targed yw talu anfonebau nad oes anghydfod yn eu cylch o fewn 30 diwrnod. Yn 2022/23, gwnaethom dalu 100% o anfonebau o fewn 30 diwrnod.
Supply estimate for 2023-24
Mae ein Prif Amcangyfrif Cyflenwi ar gyfer 2023-24 (HC1385) yn darparu ar gyfer gofyniad adnoddau net o £28.8m. Mae hyn yn gynnydd o 14% o gymharu â 2022/23 yn bennaf o ganlyniad i'r codiadau chwyddiannol a chyllideb ymwybyddiaeth y cyhoedd ychwanegol. Caiff ein Prif Amcangyfrif ei rannu fel a ganlyn:
| Gwariant | Cyllid â phleidlais £m |
Cyllid heb bleidlais £m |
Cyfanswm £m |
|---|---|---|---|
| Terfyn Gwariant Adrannol: Adnoddau | 28.775 | 0.225 | 28.980 |
| Terfyn Gwariant Adrannol: Cyfalaf | 2.005 | 0.000 | 2.005 |
| Gwariant a Reolir yn Flynyddol: Adnoddau | 0.050 | 0.000 | 0.050 |
| Gwariant a Reolir yn Flynyddol: Cyfalaf | 0.100 | 0.000 | 0.100 |
| Cyfanswm y Gyllideb Net: Adnoddau | 28.805 | 0.225 | 29.030 |
| Cyfanswm y Gyllideb Net: Cyfalaf | 2.105 | 0.000 | 2.105 |
| Gofyniad arian parod net | 29.133 | 0.000 | 29.133 |
Cafodd hyn ei gymeradwyo gan Bwyllgor y Llefarydd ar 15 Ebrill 2023, a'i gyflwyno gerbron Tŷ'r Cyffredin ar 18 Ebrill 2023. Caiff y Comisiwn ei sefydlu drwy ddeddfwriaeth a chan ddilyn egwyddorion y FReM, tybir y bydd y gwasanaeth a ddarperir yn parhau. Nid oes unrhyw beth i awgrymu y bydd y gwasanaethau a ddarperir gan y Comisiwn yn dod i ben neu na chaiff cyllid ei ddarparu yn y dyfodol.