Gweithgarwch galluogi: Sefydliad medrus lle y caiff amrywiaeth ei werthfawrogi

Rydym yn dangos annibyniaeth ac uniondeb drwy wneud y canlynol: 

• gwneud penderfyniadau ar sail y dystiolaeth, a bod yn dryloyw ynghylch y rhesymau dros wneud y penderfyniadau hynny
• seilio ein safbwyntiau polisi a'n hargymhellion ar ddadansoddiad o'r dystiolaeth
• cyfleu ein gwaith a'n barn yn effeithiol
• darparu gwasanaethau ymatebol i'r rhai rydym yn eu cefnogi
• cynnal trefniadau llywodraethu effeithiol.

• Gwnaethom gyhoeddi gwybodaeth am ymchwiliadau rheoleiddio a gaewyd yn fisol, gan gyflwyno ein canfyddiadau ac unrhyw sancsiynau posibl mewn modd tryloyw. 
• Gwnaethom adolygu ein Polisi Gorfodi, y cyfeiriwn ato wrth gynnal ymchwiliad. Gwnaethom geisio barn er mwyn sicrhau bod y polisi mor eglur a defnyddiol â phosibl, fel bod ein dull gorfodi yn dryloyw ac yn hawdd ei ddeall. 
• Gwnaethom ddefnyddio dull seiliedig ar dystiolaeth wrth lunio ein hymateb i'r ymgynghoriad ar Ddatganiad Strategaeth a Pholisi Llywodraeth y DU. Nododd yr ymateb fod cyflwyno mecanwaith o'r fath – y gall llywodraeth ei ddefnyddio i lywio gwaith comisiwn etholiadol – yn anghyson â'n rôl fel rheoleiddiwr annibynnol a'r corff sy'n goruchwylio etholiadau rhydd a theg. 
• Gwnaethom ddarparu briffiadau i seneddwyr er mwyn eu helpu i ystyried y Bil Etholiadau wrth iddo fynd drwy Senedd y DU. 
• Bwriedir i'n hadnoddau addysgol fod yn ffynhonnell annibynnol o ddeunydd a gwybodaeth i addysgwyr, i'w helpu i addysgu am wleidyddiaeth heb orfod crwydro i mewn i wleidyddiaeth. Gwnaethom ymateb i ymholiadau gan aelodau o'r cyhoedd, seneddwyr, gweinyddwyr a'r gymuned a reoleiddir, gan roi gwybodaeth a chyngor ar y system etholiadol a chyfranogiad democrataidd. 
• Gwnaethom ymateb i ymholiadau gan aelodau o'r cyhoedd, seneddwyr, gweinyddwyr a'r gymuned a reoleiddir, gan roi gwybodaeth a chyngor ar y system etholiadol a chyfranogiad democrataidd.
• Cawsom 89 o geisiadau rhyddid gwybodaeth. Rydym yn anelu at ymateb i 90% o geisiadau o fewn yr amserlen statudol o 20 diwrnod gwaith, a'r flwyddyn hon gwnaethom ymateb i 97.7% o fewn yr amserlen honno. Gofynnwyd i ni gynnal adolygiadau mewnol o'n hymateb i bum cais rhyddid gwybodaeth yn ystod y flwyddyn, ac ymatebwyd i bob un o'r rhain o fewn y r amserlenni y cytunwyd arnynt. 
• Cawsom dri chais am fynediad at ddata gan y testun a 10 chais i ddileu o dan GDPR y DU. Ymatebwyd i bob un o'r rhain o fewn yr amserlen statudol ar gyfer ymateb, sef un mis calendr. 
• Gwnaethom ymdrin â 28 o gwynion, o gymharu â 96 yn 2021/22. O blith y rhain, roedd tair yn dal i gael ei hystyried ar ddiwedd y flwyddyn. O blith y rhai a gwblhawyd, ni chafodd 17 eu cadarnhau, cafodd dwy eu cadarnhau'n rhannol, cafodd dwy eu cadarnhau'n llawn, cafodd dwy eu cau am na chafwyd eglurhad gan yr achwynydd, a thynnwyd dwy yn ôl. 
   

• Mae Strategaeth Pobl y Comisiwn yn cynnwys pedair elfen wahanol – Recriwtio, Dysgu a Datblygiad, Rheolaeth a TGCh – y mae pob un ohonynt yn seiliedig ar gydraddoldeb, amrywiaeth a chynhwysiant. Ymhlith y meysydd ffocws allweddol mae sicrhau y caiff hyfforddiant ar bynciau cydraddoldeb, amrywiaeth a chynhwysiant ei gyflwyno, ystyried sefydlu opsiynau recriwtio mwy amrywiol a chynhwysol, a gwella ein gallu i gyflwyno adroddiadau a data ar gydraddoldeb, amrywiaeth a chynhwysiant. 
• Yn ystod y flwyddyn nesaf, byddwn yn rhoi amrywiaeth o newidiadau i brosesau ac arferion recriwtio ar waith, fel diweddaru ein polisi recriwtio, llunio canllawiau clir i reolwyr, a chyflwyno system recriwtio newydd 
• Byddwn yn cryfhau ein tîm mewnol sy'n gyfrifol yn benodol am gefnogi'r sefydliad i gyflawni gwelliannau yn ymwneud â chydraddoldeb, amrywiaeth a chynhwysiant, yn fewnol ac yn allanol.  
• Bydd y Comisiwn yn ystyried y cyfleoedd a gyflwynir gan brentisiaethau, ac yn edrych am staff sydd am ymgymryd â chymwysterau drwy ddilyn y llwybr hwn. 
• Bydd gennym brosbectws dysgu a datblygu ar waith erbyn hydref 2023, ynghyd ag arlwy llawn ar waith erbyn 2025. 
• Caiff menter 'Mentora o Chwith' ei lansio, i gefnogi dysgu a datblygiad mewnol.   
• Bydd y Comisiwn yn penodi Hyrwyddwr Anabledd er mwyn cyfleu ei bwysigrwydd a llywio gwaith ymgysylltu sefydliadol.