Cyn eich bod yn dechrau cynllunio ar gyfer yr etholiad, dylech sicrhau eich bod wedi adolygu'r etholiadau cyfatebol neu debyg diwethaf. Yn enwedig y rhai sy'n cynnwys elfen o reoli rhanbarthol.
Os nad ydych wedi cynnal unrhyw etholiad sy'n cynnwys elfen o gydgysylltu rhanbarthol o'r blaen, dylech ystyried sut y gallwch ddysgu o brofiad pobl eraill sydd wedi ymgymryd â'r rôl hon.
Dylech fod:
wedi cynnal gwerthusiad trylwyr o'r holl brosesau a amlinellir yn eich cynllun prosiect ar gyfer yr etholiad blaenorol,
wedi ceisio adborth gan randdeiliaid priodol, ac
wedi llunio dogfen o wersi a ddysgwyd i lywio'r cynllun prosiect a'r gofrestr risg ar gyfer digwyddiadau etholiadol yn y dyfodol.
Mae'r Comisiwn wedi darparu, fel rhan o'r templed ar gyfer cynllun prosiect, rai nodau enghreifftiol ac adnoddau a awgrymir a fydd yn eich galluogi i fesur i ba raddau y bu'r broses o gynnal yr etholiad yn llwyddiannus. Mae'r Comisiwn hefyd wedi darparu cynllun gwerthuso fel rhan o dempled y cynllun prosiect er mwyn eich helpu gyda'r broses adolygu.