Cyfrifon ariannol pleidiau gwleidyddol y DU 2025

UK political parties’ financial accounts published

Mae cyfrifon ariannol pleidiau gwleidyddol ac unedau cyfrifyddu gydag incwm neu wariant dros £250,000 ym mlwyddyn galendr 2025 wedi cael eu cyhoeddi gan y Comisiwn Etholiadol.  

Cyhoeddodd y Comisiwn gyfrifon y rheini gydag incwm a gwariant o dan £250,000 ym mis Gorffennaf ac heddiw mae wedi cyhoeddi cyfrifon 30 o bleidiau gwleidyddol ac unedau cyfrifyddu sydd dros y trothwy hwnnw.  

Mae’r cyfrifon ar gyfer y flwyddyn a ddaeth i ben ar 31 Rhagfyr 2025, ac fe’u cyhoeddir i ddarparu tryloywder i’r system gyllid wleidyddol.  

Dywedodd Jackie Killeen, Cyfarwyddwr Gweinyddiaeth a Rheoleiddio Etholiadol yn y Comisiwn Etholiadol:

“Rydym wedi ymrwymo i gynnal tryloywder mewn cyllid gwleidyddol. Mae pleidiau gwleidyddol yn gwario ac yn derbyn symiau sylweddol o arian felly mae’n bwysig bod gwybodaeth am eu cyllid yn hygyrch i’r cyhoedd. Mae cyhoeddi eu cyfrifon yn rhoi golwg glir i bleidleiswyr ar sut mae pleidiau yn cael eu hariannu ac yn dewis gwario eu harian.”

Incwm neu wariant pleidiau sydd dros £250,000

Dywedodd un blaid ar bymtheg yn y DU eu bod wedi cael incwm neu wariant o fwy na £250,000, gydag incwm cyfunol o £134,059,991 a £120,776,944 o wariant.  

Mae hyn yn cymharu â’r pedair plaid ar bymtheg o bleidiau a adroddodd incwm neu wariant o dros £250,000 ar gyfer 2024, gan adrodd cyfansymiau o £183,240,894 o incwm a £186,107,379 o wariant.  

Gwnaeth Plaid Werdd yr Alban ac Eich Plaid gais am estyniad i ganiatáu amser iddynt gyflwyno eu cyfrifon. Eu terfynau amser newydd i gyflwyno yw 7 a 30 Hydref yn y drefn honno. Ni wnaeth Prydain Yn Gyntaf gyflwyno eu cyfrifon erbyn y terfyn amser. Bydd methiannau i gyrraedd terfynau amser cyflwyno yn cael eu hystyried yn unol â’n Polisi Gorfodi. 

PlaidIncwmGwariant
Advance UK [Dadgofrestrwyd 10/07/26]£658,786£233,060
Cynghrair - Plaid Gynghrair Gogledd Iwerddon £395,604£358,093
Plaid Gomiwnyddol Prydain £201,746£262,693
Y Blaid Geidwadol ac Unoliaethol £30,942,000£27,418,000
Y Blaid Gydweithredol £1,658,845£1,525,609
Plaid yr Unoliaethwyr Democrataidd - D.U.P £448,439£467,084
Y Blaid Werdd £7,266,892£5,727,233
Y Blaid Lafur £44,601,000£47,158,000
Y Democratiaid Rhyddfrydol £8,444,842£9,406,856
Plaid Cymru £1,241,072£1,155,294
Reform UK£31,862,420£21,667,855
Plaid Genedlaethol yr Alban (SNP) Scottish National Party (SNP)£3,775,344£3,265,441
SDLP (Plaid Democratiaid Cymdeithasol a Llafur) £425,786£365,522
Sinn Féin£1,293,836£1,182,279
The Reclaim Party£200,775£436,227
Plaid Sosialaidd Prydain Fawr £642,604£147,698
Cyfanswm £134,059,991£120,776,944

Cyfrif incwm a gwariant uned gyfrifyddu

Gall pleidiau gwleidyddol gofrestru ‘unedau cyfrifyddu’ gyda’r Comisiwn Etholiadol. Dyma unedau cyfansoddol neu gysylltiedig plaid wleidyddol, gan gynnwys pleidiau etholaethol, sydd â chyllid ar wahân i’r brif blaid.  

Rhoddodd pedwar ar ddeg o unedau cyfrifyddu yn y DU wybod am incwm neu wariant o fwy na £250,000, gan adrodd incwm cyfunol o £13,260,675.94 a £13,441,614 o wariant. Mae cyfrifon ariannol pob un o’r unedau cyfrifyddu ar gael ar wefan y Comisiwn.

Incwm neu wariant pleidiau sydd o dan £250,000

Rhoddodd 347 o bleidiau gwleidyddol a 401 o unedau cyfrifyddu gydag incwm a gwariant o £250,000 neu lai yn y Deyrnas Unedig wybod am eu cyfrifon blynyddol.

O’r rheini, y 10 plaid a adroddodd yr incwm uchaf oedd: 

PlaidIncwmGwariant
Plaid Alba (Alba Party) (Dadgofrestrwyd 26 Mawrth 2026) £219,463£216,179
Plaid Unoliaethwyr Ulster £196,762£124,053
Plaid Agored £186,902£166,130
Plaid Annibyniaeth y DU (UKIP) £144,479£132,497
Plaid Gweithwyr Prydain £136,045£143,605
Y Blaid Democratiaid Cymdeithasol £118,563£120,701
Solidarity£102,219£95,151
Plaid y Famwlad £98,000£79,441
Cymdeithas Preswylwyr Upminster a Cranham £82,988£93,230
Plaid Sosialaidd yr Alban £64,983£93,230

Diwedd

I gael rhagor o wybodaeth, cysylltwch â swyddfa’r cyfryngau drwy ffonio 020 7271 0704 neu drwy e-bostio [email protected]. Ffoniwch 07789 920414 y tu allan i oriau swyddfa.

Nodiadau i olygyddion:

  • Y Comisiwn Etholiadol yw’r corff annibynnol sy’n goruchwylio etholiadau a rheoleiddio cyllid gwleidyddol yn y DU. Rydym yn gweithio i hybu hyder y cyhoedd yn y broses ddemocrataidd a sicrhau ei chywirdeb drwy:
    • alluogi cynnal etholiadau a refferendwm teg, gan ganolbwyntio ar anghenion etholwyr a mynd i’r afael â’r amgylchedd sy’n newid i sicrhau bod pob pleidlais yn parhau i fod yn ddiogel ac yn hygyrch
    • rheoleiddio cyllid gwleidyddol - cymryd camau rhagweithiol i gynyddu tryloywder, sicrhau cydymffurfiaeth, a mynd ar ôl achosion o dorri rheolau
    • defnyddio ein harbenigedd i wneud newidiadau i’n democratiaeth ac eirioli drostynt, gan geisio gwella tegwch, tryloywder ac effeithiolrwydd
    • Sefydlwyd y Comisiwn Etholiadol yn 2000 ac mae’n adrodd yn uniongyrchol i Senedd Cymru, Senedd y DU, a Senedd yr Alban.
  • Mae’n rhaid i bob plaid wleidyddol gyflwyno datganiadau blynyddol o gyfrifon. Mae’n ofynnol yn ôl y gyfraith i bleidiau gwleidyddol gydag incwm dros £250,000 archwilio eu cyfrifon yn annibynnol, a chynnwys yr adroddiad hwn gyda’u cyflwyniad. Nid yw’r ffaith bod datganiad cyfrifon wedi ei gyhoeddi ar wefan y Comisiwn yn golygu bod y Comisiwn Etholiadol wedi ei wirio na’i ddilysu.
  • Mae ffigyrau incwm a gwariant wedi’u talgrynnu. Mae’r union ffigyrau i’w gweld yn ein cronfa ddata ar-lein.
  • Nid yw’n ofynnol i unedau cyfrifyddu gydag incwm a gwariant o £25,000 neu lai gyflwyno cyfrifon.  
  • Gellir cael hyd i fanylion am sut y deliwyd â methiannau i gyflwyno Datganiadau Cyfrifon erbyn y dyddiad cau yn y gorffennol yn ein cyhoeddiadau achosion a gaewyd.