Monthly update - concluded investigations (Mehefin 2019)
Summary
Mae'r Comisiwn Etholiadol wedi cyhoeddi'r manylion am yr ymchwiliadau a gwblhawyd yn ystod y mis diwethaf heddiw, sy'n rhan bwysig o sicrhau tryloywder mewn cyllid gwleidyddol yn y DU.
Ymchwiliadau lle y cafwyd troseddau ac y rhoddwyd sancsiynau:
| Enw'r endid a reoleiddir a'r math o endid | Yr hyn yr ymchwiliwyd iddo | Penderfyniad | Canlyniad |
|---|---|---|---|
| Y Blaid Lafur (plaid gofrestredig) | Adroddiadau rhoddion chwarterol anghywir | 2 x £500 mewn cosbau ariannol amrywiadwy | Talwyd 13 Mehefin 2019 |
| Y Blaid Lafur (plaid gofrestredig) | Ffurflen gwariant anghywir ar gyfer Etholiad Cyffredinol Senedd y DU 2017 (yn ymwneud â thaliadau o £21,471 ac anfonebau gwerth £9,450) | £500 a £250 mewn cosbau ariannol amrywiadwy | Talwyd 13 Mehefin 2019 |
| Y Blaid Geidwadol ac Unoliaethol (uned gyfrifyddu Wakefield) | Cyflwyno datganiad cyfrifon 2017 yn hwyr | Cosb ariannol benodedig o £200 | Talwyd 23 Mai 2019 |
Wrth roi sylwadau ar ddirwyon y Blaid Lafur, dywedodd y Cyfarwyddwr Rheoleiddio'r Comisiwn, Louise Edwards:
"Mae'r gofynion adrodd yn glir, felly mae'n bob amser yn siomedig gweld pleidiau yn methu â darparu adroddiadau cywir, yn enwedig y rhai sydd â digon o adnoddau. Mae'n hollbwysig bod pleidleiswyr yn cael cyfle i weld data cywir a chyflawn ar darddiad arian y pleidiau a sut y caiff ei wario mewn etholiadau.
“Bydd y Comisiwn yn parhau i orfodi'r gofynion hyn ar bob plaid a phob ymgyrchydd er mwyn sicrhau bod gan bleidleiswyr y wybodaeth sydd ei hangen arnynt.”
Further information
Ymchwiliadau lle y cafwyd troseddau ac na roddwyd sancsiynau:
|
Enw'r endid a reoleiddir a'r math o endid |
Yr hyn yr ymchwiliwyd iddo |
Penderfyniad |
Canlyniad |
|---|---|---|---|
|
Y Blaid Geidwadol ac Unoliaethol (uned gyfrifyddu Skipton a Ripon) |
Cyflwyno datganiad cyfrifon 2017 yn hwyr |
Dim sancsiwn |
Wedi cau heb gamau pellach |
Diwedd
I gael rhagor o wybodaeth, cysylltwch â swyddfa'r wasg y Comisiwn Etholiadol ar 020 7271 0704, neu 07789 920 414 y tu allan i oriau swyddfa, neu anfonwch e-bost i [email protected]
- Y Comisiwn Etholiadol yw'r corff annibynnol sy'n goruchwylio etholiadau a rheoleiddio cyllid gwleidyddol yn y DU. Rydym yn gweithio i hyrwyddo hyder y cyhoedd yn y broses ddemocrataidd a sicrhau ei hygrededd drwy'r canlynol:
- galluogi cyflawni etholiadau a refferenda rhydd a theg, canolbwyntio ar anghenion etholwyr a mynd i'r afael ag amgylchedd sy'n gyson newid i sicrhau bod pob pleidlais yn parhau i fod yn ddiogel a hygyrch
- rheoleiddio cyllid gwleidyddol - cymryd camau rhagweithiol i gynyddu tryloywder, sicrhau cydymffurfiaeth ac erlid achosion o dorri rheolau
- defnyddio ein harbenigedd i wneud ac eirioli dros newidiadau i'n democratiaeth, gan geisio gwella tegwch, tryloywder ac effeithiolrwydd
- Mae'r datganiad yma'n rhan o ddiweddariad misol ymchwiliadau'r Comisiwn, fel rhan bwysig o'i ymrwymiad i ddarparu tryloywder i gyllid gwleidyddol y DU. Caiff gwybodaeth o'r natur yma ei gyhoeddi'n rheolaidd ar drydydd dydd Mawrth bob mis. Mae manylion cosbau misoedd blaenorol ar gael ar ein gwefan.
- Mae unrhyw gosbau sydd wedi'u rhoi gan y Comisiwn yn mynd i'r Gronfa Gyfunol. Caiff ei reoli gan Drysorlys EM ac nid y Comisiwn Etholiadol.