Mathau o ID ffotograffig a dderbynnir

Please note that this page is only relevant to voters living in Wales.

I bleidleisio yng Nghymru, mae angen i chi nawr ddangos ID ffotograffig i bleidleisio mewn gorsafoedd pleidleisio mewn rhai etholiadau. 

Mae hyn yn berthnasol i:

  • Etholiadau Senedd y DU, gan gynnwys etholiadau cyffredinol, is-etholiadau a deisebau adalw
  • Etholiadau Comisiynwyr yr Heddlu a Throseddu

Ni fydd yn rhaid i bleidleiswyr yng Nghymru ddangos ID ffotograffig i bleidleisio mewn gorsaf bleidleisio yn etholiadau’r Senedd neu mewn etholiadau cynghorau lleol.

Mathau o ID ffotograffig a dderbynnir

Gallwch ddefnyddio unrhyw un o’r mathau o ID ffotograffig a dderbynnir canlynol wrth bleidleisio mewn gorsaf bleidleisio.

Dim ond un math o ID ffotograffig y bydd angen i chi ei ddangos. Mae'n rhaid iddo fod yn fersiwn gwreiddiol ac nid llungopi.

Teithio rhyngwladol

  • Pasbort a gyhoeddwyd gan y DU, unrhyw un o Ynysoedd y Sianel, Ynys Manaw, Tiriogaeth Dramor Brydeinig, gwladwriaeth AEE, neu un o wledydd y Gymanwlad

Gyrru a Pharcio

  • Trwydded yrru a gyhoeddwyd gan y DU, unrhyw un o Ynysoedd y Sianel, Ynys Manaw, neu wladwriaeth AEE (mae hyn yn cynnwys trwydded yrru dros dro)
  • Bathodyn Glas

Teithio lleol

  • Pàs Bws Person Hŷn a gyllidwyd gan Lywodraeth y Deyrnas Unedig
  • Pàs Bws Person Anabl a gyllidwyd gan Lywodraeth y Deyrnas Unedig
  • Cerdyn llun Oyster 60+ Llundain wedi'i ariannu gan Transport for London
  • Pàs Freedom
  • Cerdyn Hawl Cenedlaethol yr Alban
  • Cerdyn Teithio Rhatach i bobl 60 oed a hŷn a gyhoeddir yng Nghymru
  • Cerdyn Teithio Rhatach i bobl anabl a gyhoeddwyd yng Nghymru
  • SmartPass i Bobl Hŷn a gyhoeddwyd yng Ngogledd Iwerddon
  • SmartPass i bobl sydd wedi'u cofrestru'n ddall neu SmartPass i bobl ddall a gyhoeddwyd yng Ngogledd Iwerddon
  • SmartPass Anabledd Rhyfel a gyhoeddwyd yng Ngogledd Iwerddon
  • SmartPass 60+ a gyhoeddir yng Ngogledd Iwerddon
  • SmartPass Hanner Pris a gyhoeddir yng Ngogledd Iwerddon

Prawf oedran

  • Cerdyn adnabod sydd â hologram y Cynllun Safonau Prawf Oedran (cerdyn PASS)

Dogfennau eraill a gyhoeddwyd gan y Llywodraeth

  • Trwydded breswylio biometrig
  • Ffurflen 90 y Weinyddiaeth Amddiffyn (Cerdyn Adnabod Amddiffyn)
  • Cerdyn adnabod cenedlaethol a gyhoeddir gan wladwriaeth AEE
  • Cerdyn Adnabod Etholiadol a gyhoedditr yng Ngogledd Iwerddon
  • Tystysgrif Awdurdod Pleidleisiwr
  • Dogfen Etholwr Dienw

Os nad oes gennych fath o ID ffotograffig a dderbynnir

Gallwch wneud cais am ddogfen ID pleidleisiwr sy’n rhad ac am ddim y’i gelwir yn Dystysgrif Awdurdod Pleidleisiwr, os:

  • nad oes gennych fath o ID ffotograffig a dderbynnir
  • nid ydych yn siŵr a yw eich ID ffotograffig yn dal i fod yn debyg i chi
  • rydych yn poeni am ddefnyddio math cyfredol o ID am unrhyw reswm arall, megis defnydd marciwr rhywedd

Mae’n rhaid i chi gofrestru i bleidleisio cyn gwneud cais am Dystysgrif Awdurdod Pleidleisiwr.

Dysgwch sut i wneud cais am Dystysgrif Awdurdod Pleidleisiwr

ID ffotograffig nad yw’n gyfredol

Gallwch ddal defnyddio eich ID ffotograffig os nad yw’n gyfredol, cyhyd â’i fod yn dal yn edrych yn debyg i chi.

Dylai’r enw ar eich ID fod yr un enw a ddefnyddiwyd gennych i gofrestru i bleidleisio.

Dangos ID fel etholwr dienw

Os ydych wedi’ch cofrestru i bleidleisio’n ddienw ac am bleidleisio’n bersonol, bydd angen i chi wneud cais am Ddogfen Etholwr Dienw.

Dysgwch ragor am gofrestru i bleidleisio yn ddienw a sut i bleidleisio yn ddienw. 

Os ydych chi wedi newid eich enw

Rhaid i'r enw ar eich ID gyd-fynd â'r enw ar y gofrestr etholiadol.

Os nad yw’n cyd-fynd, mae angen i chi gofrestru i bleidleisio eto.

Os yw'r dyddiad cau ar gyfer cofrestru i bleidleisio mewn etholiad sydd ar ddod wedi mynd heibio, bydd angen i chi ddod â dogfen gyda chi i'r orsaf bleidleisio sy'n profi eich bod wedi newid eich enw. Er enghraifft, tystysgrif priodas.

Nid yw gwahaniaethau bach yn bwysig. Er enghraifft, os yw eich ID yn dweud ‘Jim Smith’ yn lle ‘James Smith’.