Hoffem ddiolch yn fawr iawn i chi a'r holl ysgolion, colegau, prifysgolion, grwpiau ieuenctid, sefydliadau ieuenctid a phobl ifanc a gymerodd ran yn Wythnos Croeso i Dy Bleidlais 2026.
Ynghyd â dros 60 o bartneriaid cyflawni, rydym yn amcangyfrif bod Wythnos Croeso i Dy Bleidlais wedi ymgysylltu â dros 700,000 o bobl ifanc ac wedi cefnogi dros 30,000 o addysgwyr a rhanddeiliaid*.
*Mae’r amcangyfrifon yn seiliedig ar ymatebion i arolygon, adborth partneriaid, a modelu ymgysylltiad ysgolion. Mae'r ffigurau'n cynrychioli'r cyrhaeddiad cyffredinol a gallant gynnwys gwahanol lefelau o ymgysylltiad.
Wythnos Croeso i Dy Bleidlais
Bob blwyddyn, rydym yn gwahodd ysgolion, grwpiau ieuenctid a phobl ifanc i ddathlu democratiaeth a hyrwyddo addysg ddemocrataidd i bobl ifanc.
Bydd Wythnos Croeso i Dy Bleidlais 2027 yn cael ei chynnal rhwng dydd Llun 8 Mawrth a dydd Sul 14 Mawrth.
Rydym yn amcangyfrif bod mwy na 700,000 o bobl ifanc wedi cymryd rhan yn Wythnos Croeso i Dy Bleidlais 2026 – y nifer uchaf hyd yma. Rydym eisiau i hyd yn oed mwy o bobl ifanc gymryd rhan yn 2027.
Mae croeso i bawb gymryd rhan. Gallwch fod yn greadigol, gofynnwch i'ch myfyrwyr a'ch pobl ifanc am eu syniadau, a chyflwynwch weithgareddau sydd fwyaf addas i chi a’ch grŵp.
Gallech:
gynnal etholiad yn eich ysgol neu’ch grŵp ieuenctid ar fater y gall pobl ifanc ddweud eu dweud arno
cynnal ymgyrch cofrestru pleidleiswyr ar gyfer pobl ifanc
