Caiff y bobl sy’n eich cynrychioli yn y Senedd eu galw’n Aelodau o’r Senedd, neu AS.
Rydych yn ethol eich ASau bob pedair blynedd.
Mae pob person yng Nghymru yn cael ei gynrychioli gan 6 AS. Mae'r 6 AS yma yn cynrychioli eich ardal leol, sef etholaeth.
Mae yna 16 etholaeth ac mae pob un yn cael ei gynrychioli gan 6 AS, gyda 96 Aelodau o'r Senedd yn ei gyfanrwydd.
Yr 16 etholaeth yng Nghymru yw:
- Bangor Conwy Môn
- Clwyd
- Fflint Wrecsam
- Gwynedd Maldwyn
- Ceredigion Penfro
- Sir Gaerfyrddin
- Gŵyr Abertawe
- Brycheiniog Tawe Nedd
- Afan Ogwr Rhondda
- Pontypridd Cynon Merthyr
- Blaenau Gwent Caerffili Rhymni
- Sir Fynwy Torfaen
- Casnewydd Islwyn
- Caerdydd Penarth
- Caerdydd Ffynnon Taf
- Pen-y-bont Morgannwg
Gallwch gysylltu ag unrhyw un o'r AS sy'n eich cynrychioli i ofyn cwestiynau am faterion sy'n bwysig i chi. Gallwch siarad â nhw dros y ffôn, trwy e-bost, neu wyneb yn wyneb pan fyddant yn cynnal cyfarfod agored yn eich ardal, a elwir yn gymhorthfa. Gallwch ddod o hyd i’w manylion cyswllt ar wefan y Senedd.
Gallwch fynd i wefan y Senedd i gael gwybodaeth am ymweld. Neu, gallwch wylio trafodaethau a chyfarfodydd yn fyw, neu ddal i fyny yn nes ymlaen.
