Nodwch, rydym yn dangos gwybodaeth sydd yn berthnasol i Gymru yn unig.
Siarad ag ymgeiswyr
Gallwch ofyn cwestiynau i'ch ymgeiswyr a'u timau am y materion sy'n bwysig i chi.
Gall ymgeiswyr guro ar eich drws i siarad â chi, neu fod allan yn eich ardal leol. Gelwir hyn yn ganfasio.
Mae croeso i chi ofyn cwestiynau fel y gallwch ddysgu mwy am eu barn. Dyna pam eu bod yno. Maent eisiau dweud eu barn wrthych chi, ac maent eisiau clywed am yr hyn sy’n bwysig i bobl yn eich ardal chi.
Gall ymgeiswyr gymryd rhan mewn trafodaethau cyhoeddus gydag ymgeiswyr eraill yn eich ardal. Gelwir y rhain yn hustyngau. Fel arfer maent yn digwydd mewn adeilad cymunedol lleol a gall unrhyw un fynd. Mae hustyngau yn aml yn cael eu hysbysebu mewn papurau newydd lleol ac mewn grwpiau cymunedol ar-lein.
Efallai y bydd gan bleidiau gwleidyddol ac ymgeiswyr dimau yn gweithio iddynt y gallwch gysylltu â nhw i ofyn cwestiynau.
Gallwch anfon e-bost atynt neu eu ffonio, neu anfon neges atynt ar gyfryngau cymdeithasol. Dylai gwneud chwiliad cyflym ar-lein roi'r manylion i chi ar sut i gysylltu ag ymgeiswyr a'u timau.
Sut i gysylltu â chynrychiolwyr etholedig
Fideo gan bobl ifanc yn y Blwch Democratiaeth, ein partner llais ieuenctid dros Gymru, 2023.
