Mae ein canllawiau wedi’u rhannu’n adrannau, ac mae pob un yn delio â rhan wahanol o’r broses y byddwch chi’n ymwneud â hi fel Swyddog Enwebu, plaid wleidyddol, ymgeisydd rhestr plaid, ymgeisydd unigol neu asiant ar gyfer etholiadau Senedd Cymru.
I’ch cynorthwyo gyda defnyddio’r canllawiau hyn rydym wedi creu dogfen Holi ac Ateb;
Mae ein canllawiau’n nodi’r camau y mae angen i bleidiau gwleidyddol, ymgeiswyr a’u hasiantiaid fynd drwyddynt wrth sefyll yn etholiadau Senedd Cymru. Dyma’r meysydd dan sylw:
Adran
Beth mae’n ei gynnwys
Yr hyn y mae angen i chi ei wybod cyn sefyll fel ymgeisydd
cymwysiadau ac anghymwysiadau i sefyll fel ymgeisydd
pan fyddwch yn dod yn ymgeisydd yn swyddogol
Gwariant ar gyfer ymgeiswyr unigol
• y rheolau ynghylch faint y gall ymgeiswyr unigol ei wario ar eu hymgyrchoedd • adrodd ar wariant yr ymgyrch ar ôl yr etholiad
Rhoddion i ymgeiswyr unigol
• rhoddion y gall ymgeiswyr unigol eu derbyn • adrodd am roddion yn dilyn yr etholiad
Gwariant a rhoddion ar gyfer ymgeiswyr rhestr plaid
• rhadbost ar gyfer cyfeiriad yr etholiad • rheolau ynghylch treuliau personol • rhoddion fel aelod plaid neu ddeiliad swydd etholiadol (derbynwyr a reoleiddir)
Yr ymgyrch
• y rheolau ar gyhoeddi ac arddangos llenyddiaeth yr ymgyrch • y rheolau ynghylch ymgyrchu • egwyddorion ymgyrchu cyffredinol
Enwebiadau ar gyfer ymgeiswyr rhestr plaid
• y broses enwebu a pha ffurflenni y bydd angen eu llenwi • cyflwyno papurau enwebu • beth sy'n digwydd ar ôl i bapurau enwebu gael eu cyflwyno
Enwebiadau ar gyfer ymgeiswyr unigol
• y broses enwebu a pha ffurflenni y bydd angen i chi eu llenwi • cyflwyno papurau enwebu • beth sy'n digwydd ar ôl i chi gyflwyno eich papurau enwebu
Pleidleisiau Post
• y prosesau ar gyfer cyflenwi ac agor pleidleisiau post • mynychu sesiynau agor pleidleisiau post
Diwrnod Pleidleisio
• prosesau diwrnod pleidleisio • mynychu gorsafoedd pleidleisio • pethau i'w gwneud a pheidio eu gwneud ar y diwrnod pleidleisio
Dilysu a chyfrif
• beth sy’n digwydd yn ystod y dilysu a’r cyfrif • mynychu’r dilysu a’r cyfrif • coladu a datgan canlyniadau’r etholiad
Ar ôl datgan y canlyniad
• cyflwyno ffurflenni a datganiadau gwariant • mynediad at ddogfennau etholiadol, gan gynnwys cofrestrau wedi’u marcio • gweithgareddau eraill ar ôl pleidleisio