Yr hyn y mae angen i chi ei wybod cyn sefyll fel ymgeisydd
Cyn dechrau ar y broses o sefyll mewn etholiad, mae angen i ddarpar ymgeiswyr fod yn hyderus eu bod yn bodloni’r holl ofynion. Mae angen iddynt hefyd fod yn ymwybodol o’r rheolau sy’n berthnasol i ymgeiswyr sy’n ymwneud â gwariant a rhoddion.
Mae’r canllawiau hyn yn nodi manylion ynghylch:
Pryd ydych chi’n dod yn ymgeisydd yn swyddogol?
Pwy sy’n gyfrifol am wariant a rhoddion ymgeisydd?
Cymwysiadau ac anghymwysiadau ar gyfer sefyll mewn etholiad
Penodi eich asiant etholiad ac asiantiaid eraill
Y Cynllun Cymorth Ariannol ar gyfer Ymgeiswyr Anabl
Mae gan Weinidogion Cymru ddyletswydd i ddarparu cynllun o gymorth ariannol i gynorthwyo ymgeiswyr sy’n anabl mewn etholiadau yng Nghymru i oresgyn y rhwystrau i’w cyfranogiad yn yr etholiadau hynny sy’n gysylltiedig â’u hanabledd. Mae Cronfa Mynediad i Swyddi Etholedig Cymru yn cael ei gweithredu gan Anabledd Cymru a gellir dod o hyd i ragor o wybodaeth am y cynllun ar eu gwefan Cronfa Mynediad i Swyddi Etholedig Cymru - Disability Wales.