Cyflawni'r canfasio blynyddol – Cymru

Pryd dylwn gyhoeddi’r gofrestr ddiwygiedig wedi’r canfasiad blynyddol?

Oni bai bod etholiad yn ystod y canfasiad, dylech gyhoeddi’r gofrestr ddiwygiedig erbyn 1 Rhagfyr.1  

Nid yw dyddiau gwŷl yn gymwysedig at y gofyniad i gyhoeddi erbyn 1 Rhagfyr, sy’n golygu y gallwch gyhoeddi’r gofrestr ar ddydd Sadwrn, dydd Sul, neu ŵyl banc, os dymunwch. Mae hefyd gennych y dewis i gyhoeddi cyn y dyddiad hwn; fodd bynnag, bydd gwneud felly yn effeithio ar y dyddiadau cau ar gyfer ceisiadau cofrestru. 

Byddai cyhoeddi ym mis Tachwedd yn golygu na fyddai’r gofrestr ddiwygiedig yn cynnwys unrhyw etholwyr newydd a wnaeth gais i gofrestru ar ôl 23 Hydref, ac na fyddai’n cynnwys unrhyw ddiwygiadau neu ddileadau a bennwyd ar ôl 31 Hydref. 

Byddai cyhoeddi ar 1 Rhagfyr yn helpu i sicrhau bod y gofrestr ddiwygiedig mor fanwl gywir a chyfiawn ag y bo modd a bydd yn cynyddu cyfleoedd i etholwyr posibl cael eu cynnwys.
 

Tra bo’r broses gofrestru yn parhau trwy’r flwyddyn, mae cyhoeddi’r gofrestr ddiwygiedig yn garreg filltir allweddol. Pryd bynnag y penderfynwch gyhoeddi, dylech allu egluro'r rhesymau dros eich penderfyniad. Gweler y tabl isod.

*gan fod Tachwedd 30 yn ddiwrnod nad ydych yn gweithio, gallech ddefnyddio Tachwedd 28 fel y dyddiad cau ar gyfer penderfynu am amseriad cyhoeddi'r gofrestr ddiwygiedig ar Ragfyr 1.

Hysbysiadau newid misol 

Rhaid i ddiweddariadau i’r gofrestr gael eu cyhoeddi ar ddiwrnod gwaith cyntaf pob mis; fodd bynnag, nid yw’n ofynnol i chi gyhoeddi hysbysiad newid misol yr un mis y byddwch yn cyhoeddi’r gofrestr ddiwygiedig, neu yn ystod y ddau fis cyn y diwrnod hwnnw, ond gallwch wneud felly, os dymunwch chi. Os cyhoeddir y gofrestr ym mis Tachwedd, nid oes rhaid i chi gyhoeddi hysbysiad newid misol ym mis Medi, mis Hydref, na mis Tachwedd. Os caiff ei chyhoeddi ym mis Rhagfyr, nid oes rhaid i chi gyhoeddi hysbysiad newid misol ym mis Hydref, mis Tachwedd, na mis Rhagfyr.

Os ydych yn penderfynu cyhoeddi'r cofrestr ar 1 Chwefror 2026, nid yw'n ofynnol i chi gyhoeddi hysbysiad newid misol yn Rhagfyr, Ionawr na Chwefror.