We're showing you content for:

Please note that this page is only relevant to voters living in Wales

Os nad oes gennych gyfeiriad sefydlog, gallwch gofrestru naill ai mewn:

  • man lle rydych chi'n treulio'r rhan fwyaf o'ch amser
  • man lle mae gennych ryw gysylltiad
  • y man lle’r oeddech wedi cofrestru i bleidleisio ddiwethaf

Gallai hyn fod oherwydd:

  • rydych yn byw ar gwch preswyl neu lety symudol arall heb angorfa neu safle parhaol
  • rydych yn rhan o’r gymuned Sipsiwn neu Deithwyr
  • rydych yn profi digartrefedd ar hyn o bryd
  • rydych chi yn y Llynges Fasnachol
  • rydych yn glaf mewn ysbyty iechyd meddwl

Lawrlwythwch y ffurflen cofrestru i bleidleisio

Help gyda’r ffurflen hon

Os na allwch argraffu’r ffurflen gais, neu os bydd ei hangen arnoch mewn fformat hygyrch, neu os oes unrhyw gwestiynau gennych, cysylltwch â’r tîm gwasanaethau etholiadol yn y cyngor lleol ar gyfer y cyfeiriad rydych yn cofrestru ynddo am help.

Llenwi eich ffurflen

Mae’r ffurflen gais yn cynnwys cyfarwyddiadau ynghylch sut i’w llenwi’n gywir.

Pan fyddwch yn llenwi’r ffurflen, byddwch yn gallu nodi sut rydych am dderbyn gwybodaeth am eich cofrestriad. Gallwch ei chasglu oddi wrth y tîm gwasanaethau etholiadol yn y cyngor lleol ar gyfer y cyfeiriad rydych yn cofrestru ynddo, neu ofyn iddi gael ei hanfon at gyfeiriad rydych yn ei ddarparu.

Ble dylech anfon eich ffurflen ar ôl ei chwblhau

Ar ôl i chi lenwi’r ffurflen a sicrhau eich bod wedi ei llofnodi, bydd angen i chi ei hanfon at y tîm gwasanaethau etholiadol yn y cyngor lleol ar gyfer y cyfeiriad rydych yn cofrestru ynddo.

Gallwch anfon eich ffurflen trwy'r post. Efallai y bydd y tîm gwasanaethau etholiadol yn eich cyngor lleol hefyd yn fodlon derbyn copi o’r ffurflen wedi ei sganio trwy e-bost, ond dylech wirio gyda nhw yn gyntaf.

Darganfyddwch i ble y mae angen i chi anfon eich ffurflen

Rhowch y cod post ar gyfer y cyfeiriad rydych yn cofrestru ynddo i gael hyd i gyfeiriad eich tîm gwasanaethau etholiadol