Rhaid i Swyddogion Canlyniadau Lleol mewn etholiad ar gyfer Comisiynydd yr Heddlu a Throseddu yn unig, a Swyddogion Canlyniadau llywodraeth leol sy'n ymgymryd â swyddogaethau cyfun lle y caiff etholiadau eu cyfuno, gyhoeddi hysbysiad o leoliad gorsafoedd pleidleisio ar gyfer eu hardal bleidleisio heb fod yn hwyrach na'r dyddiad cau ar gyfer cyhoeddi'r hysbysiad pleidleisio. Felly, dylech ddweud wrth Swyddogion Canlyniadau Lleol pryd rydych yn bwriadu cyhoeddi'r hysbysiad pleidleisio.
Rhaid i Swyddogion Canlyniadau Lleol roi copi o'r hysbysiad hwn i bob asiant etholiad cyn gynted ag y bo'n ymarferol ar ôl rhoi'r hysbysiad a dylent hefyd roi copi i ymgeiswyr ac i chi. Dylai'r hysbysiad hefyd fod ar gael i arsylwyr achrededig ar gais.1
Fel rhan o'ch ystyriaeth ynghylch y ffordd orau o roi gwybodaeth i ymgeiswyr ac asiantiaid mewn modd cydlynol a chyson, dylech gysylltu â'r Swyddogion Canlyniadau Lleol a'r Swyddogion Canlyniadau llywodraeth leol (fel y bo'n briodol) er mwyn penderfynu ar y ffordd orau o gyflawni eu dyletswydd i ddarparu copïau o'r hysbysiad o leoliad gorsafoedd pleidleisio i ymgeiswyr ac asiantiaid, gan eu galluogi i gael gafael yn hawdd ar y wybodaeth hon i'r ardal heddlu gyfan.
Fel rhan o'ch trafodaethau, dylech ystyried a gaiff yr hysbysiadau eu coladu a'u dosbarthu'n ganolog gennych chi.
Combination of polls
Lle y caiff y bleidlais ar gyfer etholiad Comisiynydd yr Heddlu a Throseddu ei chyfuno â'r bleidlais ar gyfer etholiadau llywodraeth leol yn Lloegr, y Swyddog Canlyniadau llywodraeth leol fydd yn gyfrifol am elfennau cyfunol y bleidlais, gan gynnwys cyhoeddi'r hysbysiad o leoliad gorsafoedd pleidleisio. Rhaid i'r hysbysiad o leoliad gorsafoedd pleidleisio gyfeirio at yr holl etholiadau a gynhelir.2