Canllawiau i Swyddogion Canlyniadau Ardal Heddlu yn Etholiadau Comisiynwyr yr Heddlu a Throseddu yng Nghymru a Lloegr

Penderfynu ar y ffurflen enwebu a'r ffurflen cyfeiriad cartref

Tybir bod ymgeisydd sy'n cyflwyno papurau enwebu sydd wedi'u cwblhau ac yn talu'r ernes erbyn y terfyn amser gofynnol wedi'i enwebu oni bai:

• eich bod yn penderfynu bod y ffurflen enwebu yn annilys neu nad yw'r ffurflen cyfeiriad cartref wedi cael ei chwblhau'n gywir
• bod yr ymgeisydd yn marw neu'n tynnu'n ôl.1

Rhaid i chi bennu dilysrwydd ffurflen enwebu a'r ffurflen cyfeiriad cartref cyn gynted ag y bo'n ymarferol ar ôl iddynt gael eu cyflwyno'n ffurfiol. Gorau po gyntaf y gwnewch y penderfyniad ffurfiol, oherwydd bydd mwy o siawns y bydd yr ymgeiswyr hynny sydd wedi gwneud camgymeriad ac y mae eu henwebiad wedi'i wrthod yn gallu cyflwyno papurau newydd cyn i'r enwebiadau gau.

Mae Deddf Etholiadau 2022 wedi diweddaru'r sail y gallwch benderfynu bod enwebiad yn annilys. Am ragor o wybodaeth gweler ein canllawiau ar Benderfynu bod enwebiad yn annilys.

Rydym hefyd wedi llunio rhestr wirio i'ch helpu i brosesu ffurflenni enwebu.

Derbyn enwebiadau ar eu golwg

Rhaid i chi beidio â gwneud y canlynol:

• ymgymryd ag unrhyw ymchwiliad neu waith ymchwil i unrhyw ymgeisydd Nid yw eich dyletswydd yn mynd y tu hwnt i weld bod ffurflen enwebu yn gywir ar ei golwg.2

Ni ddylech wneud y canlynol:

• ymchwilio i b'un a yw enw a roddwyd ar ffurflen enwebu yn ddilys

Dylech wneud y canlynol:

• diystyru unrhyw wybodaeth bersonol a all fod gennych eisoes am yr ymgeisydd 
• penderfynu ar enwebiadau ar sail y ffurflen ei hun