Delivering the annual canvass - England
Pryd ddylwn i gyhoeddi'r gofrestr ddiwygiedig yn dilyn y canfas blynyddol?
Oni bai bod etholiad yn ystod y canfasiad, dylech gyhoeddi’r gofrestr ddiwygiedig erbyn 1 Rhagfyr.
Nid yw dyddiau gwŷl yn destun i’r gofyniad i gyhoeddi erbyn 1 Rhagfyr, sy’n golygu y gallwch gyhoeddi’r gofrestr ar ddydd Sadwrn, dydd Sul, neu ŵyl banc, os dymunwch. Mae gennych hefyd y dewis i gyhoeddi cyn y dyddiad hwn; fodd bynnag, bydd gwneud hynny’n cael effaith ar y dyddiadau cau ar gyfer ceisiadau cofrestru.
Byddai cyhoeddi ym mis Tachwedd yn golygu na fyddai’r gofrestr ddiwygiedig yn cynnwys unrhyw etholwyr newydd a wnaeth gais i gofrestru ar ôl 23 Hydref, ac na fyddai’n cynnwys unrhyw ddiwygiadau neu ddileadau a bennwyd ar ôl 31 Hydref.
Bydd cyhoeddi ar 1 Rhagfyr yn helpu i sicrhau bod y gofrestr ddiwygiedig mor gywir a chyflawn ag y gall fod ac yn rhoi'r cyfle mwyaf i etholwyr posibl gael eu cynnwys.
Tra bo’r broses gofrestru yn parhau trwy’r flwyddyn, mae cyhoeddi’r gofrestr ddiwygiedig yn debygol o fod yn garreg filltir allweddol. Pryd bynnag y penderfynwch gyhoeddi, dylech allu egluro'r rhesymau dros eich penderfyniad. Gweler y tabl isod.
Dyddiadau cau ymgeisio a phennu ceisiadau sy’n gymwys at gyhoeddi’r gofrestr ddiwygiedig
| Digwyddiad | Dyddiadau os cyhoeddir y gofrestr ddiwygiedig ar 1 Rhagfyr | Dyddiadau os cyhoeddir y gofrestr ddiwygiedig ym mis Tachwedd |
|---|---|---|
| Diwrnod olaf ar gyfer derbyn ceisiadau newydd i gofrestru | 20 Tachwedd 2026 (6 diwrnod gwaith cyn y dyddiad cau ar gyfer penderfynu) | 23 Hydref 2026 (6 diwrnod gwaith cyn y dyddiad cau ar gyfer penderfynu) |
Dyddiad cau ar gyfer penderfynu
| 30 Tachwedd 2026 (diwrnod olaf y mis cyn y mis y cyhoeddir y gofrestr ddiwygiedig) | 31 Hydref 2026 (diwrnod olaf y mis cyn y mis y cyhoeddir y gofrestr ddiwygiedig) |
| Dyddiad ar gyfer derbyn a phennu ceisiadau di-enw | 30 Tachwedd 2026 (diwrnod olaf y mis cyn y mis y cyhoeddir y gofrestr ddiwygiedig) | 31 Hydref 2026 (diwrnod olaf y mis cyn y mis y cyhoeddir y gofrestr ddiwygiedig) |
| Dyddiad ar gyfer diwygio a thynnu cofnodion oddi ar y gofrestr | 30 Tachwedd 2026 (diwrnod olaf y mis cyn y mis y cyhoeddir y gofrestr ddiwygiedig) | 31 Hydref 2026 (diwrnod olaf y mis cyn y mis y cyhoeddir y gofrestr ddiwygiedig) |
| Cyhoeddi | Erbyn 1 Rhagfyr 2026 | Unrhyw ddyddiad yn ystod mis Tachwedd |
*gan fod 31 Hydref yn ddiwrnod nad yw'n ddiwrnod gwaith yn 2026, gallwch drin 30 Hydref fel y dyddiad cau ar gyfer penderfynu pryd i gyhoeddi'r gofrestr ddiwygiedig ym mis Tachwedd.
Hysbysiadau newid misol
Rhaid i ddiweddariadau i’r gofrestr gael eu cyhoeddi ar ddiwrnod gwaith cyntaf pob mis; fodd bynnag, nid yw’n ofynnol i chi gyhoeddi hysbysiad newid misol yr un mis y byddwch yn cyhoeddi’r gofrestr ddiwygiedig, neu yn ystod y ddau fis cyn y diwrnod hwnnw, ond gallwch wneud felly, os dymunwch chi. Os cyhoeddir y gofrestr ym mis Tachwedd, rhaid i chi gyhoeddi hysbysiad newid misol ym mis Medi, mis Hydref, a mis Tachwedd. Os caiff ei chyhoeddi ym mis Rhagfyr, rhaid i chi gyhoeddi hysbysiad newid misol ym mis Hydref, mis Tachwedd, a mis Rhagfyr.
Os penderfynwch gyhoeddi'r gofrestr ar 1 Chwefror 2027, nid oes gofyn i chi gyhoeddi hysbysiad newid misol ym mis Rhagfyr, mis Ionawr neu fis Chwefror.